Timote2 2:19 - LAWA A BOO SONBORE

¹⁹ Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

LAWA A BOO SONBORE 2011

¹⁹ Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Timote2 2:19 Iomraidhean Croise

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 112:6

Màn kɔn ba re bìn diɛ bɛa dɛnaa ganaa wa. Yiri a boe ka min pepere-n duduu wa.

Loen 34:14

yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Loen 37:18

Dɛnaa Lawa n giɛ min sonboren walan. Lawa màn mɛn kɔ ǹ la ǹ kíɛ̃ lɛa, bɛ na a tan yǎa duduu.

Loen 97:10

Kasɛn mɛnɛn bɛ́ Dɛnaa Lawa lɛ narɛ, ka toa ka sii baraa baa zɔ́ɔ. A din lɛ na a wɔ a goleemali wolen nyin tamaɛ. A nə ǹ kanbiɛ min baraan-a.

Suusun 10:25

Koe n sii baraa-zɛnaali bii. Sɛnɛ min mɛn bɛ́ sii bǐɛ̃ zɛnɛɛ, bɛ goã n we tán miɛ̃ duduu.

Suusun 3:7

N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 63:19

Haalɛ bibi, n ba wɔa kii lɛa doo wa, n tɔ ba wɔ ganaa doo wa. E! Bɛ̀ ma nə ń lon toɛ̃, ń daa gisĩ tán! Kelen tá re bìn diɛ n nyɛɛnɛ!

Izayii 65:15

Ma min mɛnɛn bɔ má ǹ koa, ka tɔ n die goɛ̃ lɛn baraa bíi ǹ màn lɛa bɛn gɔn: «Dɛnaa Lawa toa n gã ka min kɛ bɛ́ lɔn!» Sɛnɛ, min mɛnɛn bɛ́ dí nyɛɛ ma nɛ, tɔ kɔsɔ n die n koe bɛn ganaa.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Nahumu 1:7

Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Azee 2:23

Dɛnaa Lawa Pàãyiidɛnaa pɛ: «Bɛa pinaa kɛ lɛ nɛ, man die n kuĩ, nsɛ Zorobabeli, Salatieli a nɛ maa kialandɛnaa, hiĩ, Dɛnaa Lawa na á pɛ, man die n biɛ ka kaaran bɛ́ lɔn ǹ tá we góon ganaa, n tá re sii zɛnɛɛ ka ma tɔ nɛ. A giala ma din ni má n bɔ. Dɛnaa Lawa Pàãyiidɛnaa a da ǹ boo n ka kɛ nɛ.»

Zakarii 3:9

Man die kɔlɔ diɛ tán Yesuwa yɔrɔ-a. Bɛa kɔlɔ goon kɛ lɛ la, yii nàn sɔbaa n tɛ pii la. Ma dinmaa n die sɛ́wɔ kiɛ̃ la. Lɛawaa goon toto gɔ́ɔ̃ nɛ, man die gána kɛa sii baraan boe ma ǹ bɔ a ganaa. Masɛ Dɛnaa Lawa Pàãyiidɛnaa a da ǹ boo ne.

Minin nimi 16:5

Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

Minin nimi 6:27

Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Matiə 7:23

Ma á re pii ǹ ni: «Ma bin ka dɔ̃ wa. Ka n tan, ka n bɔ ma li, sii baraa-zɛnaalin kɛn!»

Matiə 7:25

La kaa, pɛrɛn nə́ pã ǹ nə́ toɛ̃, piɛ̃ gole yoo, sɛnɛ, kion lɛ kaa wa, a giala a gòã na á n daa tataã la.

Marki 12:16

Ǹ bɛ́ ǹ nə́ daa nɛ, Yezu nɔ̀n da ǹ la: «Die mìi nyin laanka die tɔ n kiɛ̃-n la?» Ǹ ná a lɛ si mà Kii Gole wɔ nɛ.

Marki 13:22

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Luku 13:27

A n die pii ǹ ni mà asɛ ba ǹ bɔ ǹ bǎã doɛ̃ wa. Mà ǹ nə n zɔ̃ ǹ nə n bɔ asɛ ganaa. Mà ǹ tumaa n sii baraa-zɛnaalin lɛa.

Luku 6:48

Bɛa min lɛ n kɔnboe ka kion-dɔle goon ne. A ná a yala fɔ̃ á zuzulu kɔ yǎa tataã ganaa, á tɔ́n kion lɛ gòã daa. Mu tii wɔ, mu toɛ̃ á daa kion lɛ ganaa, sɛnɛ, a boo la á kion lɛ kaa wa, a giala kion lɛ a doe bǐɛ̃ kɔ.

Zaã a sɛ́wɔ 10:14

Masɛ n sèren-lɛduə̃li sonbore lɛa. Maa Díi bɛ́ ma doɛ̃ lɔn ke, masɛ dɔ bɛ́ maa Díi doɛ̃ lɔn ke, min mɛnɛn bɛ́ masɛ wɔn lɛa, masɛ dɔ n bɛn lɛn doɛ̃ miɛ̃, ǹ dɔn man masɛ doɛ̃ miɛ̃, ka sèren-lɛduə̃li bɛ́ a sèren doɛ̃ lɔn, ka sèren dɔn bɛ́ ǹ lɛduə̃li doɛ̃ lɔn. Ma nə n din koe bɛn lɛn lɛa.

Zaã a sɛ́wɔ 13:18

«Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: "Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li."

Zaã a sɛ́wɔ 3:33

Bɛ̀ min mɛn lɛ kɔ a boo ganaa, bɛa dɛnaa n nyɛɛ mà Lawa n sonbore-pɛle lɛa.

Nya ǹ dín 11:26

Á woo yaa á kũ, á daa-n Antiɔsi kiwi. Ǹ nə́ lɛ̀ goon tumu zɛnaa, bɛ̀ ǹ nə́ dí nyɛɛ kun bɛa Lawa a sɔmɔ minin lɛn nɛ Antiɔsi, ǹ nə́ zaman gole darɛɛ. Ǹ Lawa-nyankɔlen bíi Krita wɔn, bɛ na á n giala kɔ Antiɔsi kiwi bibinaa nɛ.

Nya ǹ dín 15:17

A kũ bɛ lɛ ganaa kəni, min gialakunun kɛn tá re giɛ ma li, tɔrɔ gialakunun mɛnɛn tumaa bɛ́ ma tɔ nə ǹ ganaa.

Nya ǹ dín 9:14

Kànaa dɔ-n, pàã tumaa tá a lon, wúlu-bɔlen goledɛnan bɛ́ ǹ nə́ ǹ mɛn kɔ la, minin mɛnɛn bɛ́ koe Dɛnaa din lɛ, a bɛn kũ.»

Rɔmu minin 11:2

Lawa din saa lɛlɛ a ná a tɔrɔ mɛn bɔ ke, a bɛ daa wa dɛ. Yilii bɛ́ wuu pii Lawa ganaa Izirayeli a lɛa bǎã mɛn nɛ, Lawa a boo á màn mɛn pii walan, ka n yiri gisĩ bɛ nɛ.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Rɔmu minin 15:20

Krita tɔ bɛ́ a tɔn nə n pɛ bǎã mɛn nɛ bɔrɔ wa, má n doa ma Boo Tii Kɔɔ̃n kɛ pɛ walan. A giala, ma ba li ma dí nya min kɔsɔ a dí giala kɔ ǹ bǎã-n wa.

Rɔmu minin 15:9

Krita lɛ na á daa, màn mɛn bɛ́ toɛ, tɔrɔ kɔsɔn mɛnɛn bɛ́ ǹ ba Zuifun lɛa wa, bɛn dɔn nə Lawa tɔ bɔ, a bǐɛ̃baa a lɛa. A na á n kiɛ̃: «Bɛ lɛ taman yii ni ma á re n guguru koe tɔrɔ kɔsɔn bii, ma á re loe loe man tɔ bɔ nɛ.»

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Rɔmu minin 9:11

Lawa na á goã giɛ li a sii lɛ zɛnaa foaã nɛ, a nyaa mà asɛ a minin bɔ lɛ n boe a din dùũ li. Bɛ lɛ nɛ á pɛ Rebeka nɛ: «Goledɛnaa lɛ á die dí nyɛɛ kiɛɛrɛdɛnaa lɛ nɛ.» A na á bɛ pɛ, bɛ̀ nɛnyaanan lɛn dinin nə tɔn yɛ wa, bɛ̀ sii bǐɛ̃ zɛnaa hinlaa sii baraa zɛnaa wɔlɔ á lui ni ǹ ganaa. Lawa a min bɔ kɛ bie á n zɛnaa kànaa, á kɔnpɛ min a nya ǹ dí a siĩnbaa hinlaa a baraabaa-n wa. A na á n zɛnaa á kɔnpɛ a din dùũ kɛ dinsɔɔ̃ nɛ.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Korɛnti1 8:3

Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Efɛɛzi minin 3:15

Asɛ mɛn bɛ́, lon laanka tán a sumu tumaa a tan nə́ boe a li.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Timote1 6:19

Bɛ̀ ǹ nə́ zɛnaa miɛ̃, ǹ tá re naforo sonbore lɛ soekɔn, ǹ koa ǹ dinin man biɛ̃, màn mɛn ná a nyɛɛ wa. Ǹ tá re yiikoonaabaa taãn-taãn dɔ yii.

Ebrəə 11:10

A giala, Abrahamu na á goã n yii diɛ, mà a golee a giã duduu ǹ kiwi yɛ, Lawa dinmaa bɛ́ kiwi mɛn a sii-zɔɔ̃li laanka a dɔle lɛa.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Sii-nyaan 17:8

N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.

Sii-nyaan 21:14

Maǹ nə́ kungɔn lɛ gòã daa gɛ̀fu fulupaa la, ǹ nə́ Sère Nɛ a dia dí-a wole fulupaa lɛ gogoonmaa tɔ kiɛ̃ gɛ̀fu lɛ gogoonmaa ganaa.

Sii-nyaan 22:4

Ǹ tá re a yɔrɔ yii, a tɔ á re goɛ̃ kiɛ̃ nɛ ǹ nyanlɛ ganaa.

Sii-nyaan 3:8

Ma á n nya ǹ dí doɛ̃. Ma á doɛ̃ máa n pàã a tɛ wa, sɛnɛ, ń maa boo lɛ si, n nə n piã ka ma-n wa. Ma á ke, má kiɛnlɛ bũ, má koa n nyɛɛnɛ, min kɔ́n ná a boe la a tã wa.