Timote2 2:16 - LAWA A BOO SONBORE

¹⁶ Golee Lawa li baã boo kooron kɛn, n nyɛnaa bɛn manɛ. A giala, min mɛnɛn bɛ́ n laɛ ǹ ganaa, màn nə miɛ bɛa dɛnan golee Lawa li baã li.

LAWA A BOO SONBORE 2011

¹⁶ Golee Lawa li baã boo kooron kɛn, n nyɛnaa bɛn manɛ. A giala, min mɛnɛn bɛ́ n laɛ ǹ ganaa, màn nə miɛ bɛa dɛnan golee Lawa li baã li.

Timote2 2:16 Iomraidhean Croise

Ɛsidrasi 10:10

Lawa a wúlu-bɔle Ɛsidrasi lɛ yoo á pɛ ǹ nɛ: «Ka goã bɔlɔgoondɛnan lɛa wa. Tɔrɔ kɔsɔn wɔ lɔ lɛa kɛ na á wusoo á màn da Izirayeli minin zɛ̀rɛ li.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Korɛnti1 15:33

Ka nyan ka dinin yiri sã wa: «Koa-kun wole baraan man giã ǹ gɔn sonbore ziziɛ̃.»

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Timote1 1:9

Sɛnɛ, wɔ ǹ siĩni wɔ kɛ giala ma. Landa bie á n koa sii sonbore-zɛnaalin taman yii wa. A na á n koa landa tamaabaã wolen taman yii ka piã-wɔlen ne, Lawa bɔlɔ tii wolen ne, sii baraa-zɛnaalin ni, yii wɔ Lawa la wolen laanka zín bɔ Lawa-n wolen ne, ka díi laanka náa-dɛlen ne, ka gɛ̀-dɛlen tumaa nɛ.

Timote1 4:7

Sɛnɛ, yii wɔ Lawa la ǹ boo zizin kɛn, boo kooron lɛa, n piã ka bɛn nɛ. N daraa nyɛ́ɛ baa Lawa n ganaa, bɛ á soɛ.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 2:14

Boo kɛ tumaa pɛ, n minin yiri da a nɛ, n laa ǹ ganaa Lawa yɔrɔ-a, mà ǹ baran kɔn lɛ baã boon ganaa wa. Bɛa kɔn lɛ baãn kɛn lɛn ba sii kɔ́n bǐɛ̃ koe wa. Min mɛnɛn bɛ́ n too koe li, a n bɛn ziziɛ̃ dinin.

Timote2 2:21

Bɛ̀ min mɛn nə n din kũ, bɛa boo kooron lɛn ganaa, bɛa dɛnaa á die dí nya ǹ màn sonbore biɛ. A giala, a n Dɛnaa wɔ lɛa, á n sii bǐɛ̃ koe Dɛnaa nɛ, á n boe la a zɛnaa ǹ sii sonbore tumaa zɛnaa.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Tiitii 1:11

N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Tiitii 1:14

Màn mɛn bɛ́ toɛ, ǹ nə n na, ǹ nə n bɔ kɔn ka Zuifun boo zizin ni, min mɛnɛn bɛ́ ǹ nə́ n dɔ̀ɔ̃ kɔ sonbore ne, ǹ bɛn dɔn dí-pɛn toa walan.

Tiitii 3:9

Sɛnɛ, ga sii giala li kooron kɛn, ka digolo damata boo diɛ nɛ, ka zian nɛ, ka yɔ-bɔ landa siin lɛa nɛ, n die n nə n bɔ bɛn tumaa wɔlɔ li. Bɛn kɔ́n là banban, sii kooron manɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Piɛrɛ2 2:2

Min gigiã á re koe ǹ lɛ ǹ naarɛbaa gɔ́ɔ̃ nɛ. Ǹ dinin lɛn lɛa nɛ, minin tá re sonbore zii kɛ tɔ ziziɛ̃.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 13:3

A mìin lɛn goon ne ka maǹ nə mà bɔ a ganaa lɛlɛ ká a daa a gã, sɛnɛ, a busu lɛ lɛ nya. Tán min din tumaa goã giɛ a ganaa ka kaãbaa nɛ, bɛ̀ ǹ kɔ lɛ.