Timote2 2:15 - LAWA A BOO SONBORE

¹⁵ N doa n yɛ Lawa yɔrɔ-a dí-nyali sonbore lɛa, dí-nyali mɛn bɛ́ a sìi koe a nya ǹ dí ganaa wa, á n sonbore boo kɛ pii ka a peperebaa nɛ.

LAWA A BOO SONBORE 2011

¹⁵ N doa n yɛ Lawa yɔrɔ-a dí-nyali sonbore lɛa, dí-nyali mɛn bɛ́ a sìi koe a nya ǹ dí ganaa wa, á n sonbore boo kɛ pii ka a peperebaa nɛ.

Timote2 2:15 Iomraidhean Croise

Matiə 13:52

Á tɔ́n pɛ ǹ nɛ: «Bɛ lɛ na á toa, landa sii-daraalin tá re yii, ǹ Lawa dɔ̃ ǹ kii lɛa. Bɛn lɛn man kɔnboe ka kiondɛnaa kɔ́n nɛ, gɔn màn dii laanka a zizi boe a naforo ne.»

Marki 4:33

Yezu na á goã boo giməə gigiã diɛ kɛnɛn lɛn, bɛ̀ a min tumaa daraa nɛ. A too kɔmalon wole lɛn taasiɛ bɛ́ doe màn mɛn ganaa, a na á goã ǹ darɛɛ á kɔnpii ka bɛ lɛ nɛ.

Luku 12:42

Dɛnaa ná a lɛ si: – Ga mànan walan wole mɛn bɛ́ bɔlɔgoondɛnaa lɛa, yiri dɔ ná a lon, a dɛnaagiĩ da ǹ miã dí-nyalin mìi la mà a màn-bii gii ǹ ni, a kɔnpɛ a biikoo ne.

Nya ǹ dín 2:22

Piɛrɛ pɛ ǹ nɛ doo: – Izirayeli minin lɛn, masɛ bɛ́ re màn mɛn pii ka nɛ ka n too kɔ bɛ ganaa. Nazarɛtin Yezu lɛ, Lawa na á dia ka bii a din a dí a lɛa. Lawa na á bɛ nyaa ka nɛ, ká dɔ̃ kaãbaa ǹ sii laanka sii-nyaa ǹ sii dadara tɔrɔ tumaa li, Lawa din mànan mɛnɛn zɛnaa a gɔn. Ka dinin tumaa bɛ dɔ̃,

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Rɔmu minin 14:18

Min mɛn bɛ́ dí nyɛɛ Krita nɛ bɛa yɔrɔ kɛ lɛ la, bɛa dɛnaa n kɔɔ̃n Lawa ganaa, ka minbuiinin dɔn nɛ.

Rɔmu minin 16:10

Ma á fòo diɛ Apelɛsi ni, min mɛn bɛ́ á lɛ kɔ fuu ganaa Krita a lɛa. Ma á fòo diɛ Aristobulu a kion minin manɛ.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Korɛnti1 2:6

A laanka bɛ nɛ, kaa min mɛnɛn yii fulu Lawa a zii gɔ́ɔ̃ nɛ, man má goã sii-doɛ̃ sii nyɛɛ bɛn manɛ. Sɛnɛ, kanaa kɛ a sii-doɛ̃ sii bie wa, pàãdɛnan mɛnɛn dɔn bɛ́ kanaa kɛ gɔ́ɔ̃ nɛ, ǹ nə́ ǹ tan ziziɛ̃ a lɛa, bɛn yiri kɛ dɔ bie wa.

Korɛnti2 10:18

Ka boo taãn nɛ, min mɛn bɛ́ n din laakalɛɛ, ǹ dɛnaa a tɔ sonbore yii wa, sɛnɛ, Dɛnaa bɛ́ min mɛn laakalɛɛ, bɛ n tɔ sonbore yii.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Korɛnti2 5:9

Sɛnɛ, ta ma tá ma gɔ̀nɔn kɛ nɛ, ta ma ba a-n wa, man giɛ li, máa ma a din foo sii zɛnaa màn tumaa nyɛɛnɛ.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Efɛɛzi minin 1:13

Kasɛn dɔn bɛ́ ka sonbore boo kɛ ma, Boo Tii Kɔɔ̃n kɛ lɛ ka kirisibiɛ, ka dɔn man ká golee Krita lɛ li. Bɛ lɛ nɛ, Lawa din nə n lɛ kɔ ka Yiri Fu mɛn nɛ, a na á bɛ kɔ ka la, a wɔbaa ǹ nyaǹ kiɛ̃ lɛa ka ganaa.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Timote1 4:6

N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 1:18

A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Piɛrɛ2 1:15

Sɛnɛ, ma á re n doɛ sɔnbɔraanɛ, màn mɛn bɛ́ toɛ, maa woo kio, ka boo la sii din tumaa gɔ́ɔ̃ nɛ, ka daraan kɛn tamaa ka yiri ni.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.