Timote2 1:9 - LAWA A BOO SONBORE

⁹ Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

LAWA A BOO SONBORE 2011

⁹ Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Timote2 1:9 Iomraidhean Croise

Matiə 1:21

A tá re nɛgiĩ yii, nsɛ Zozɛfu na a tɔ kɔ Yezu, bɛ giala mà "Lawa n wɔ boe", a din nə die a tɔrɔn kirisibiɛ ǹ sii baraan ganaa.»

Luku 10:21

A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Zaã a sɛ́wɔ 17:9

«Ma nə n nyankoe bɛn lɛn lɛa. Ma bie n nyankoe kanaa minin kɛn lɛa wa, sɛnɛ, n min mɛnɛn lɛn kɔ ma la, ma nə n nyankoe bɛn lɛn lɛa, a giala, n din wɔn manɛ.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Nya ǹ dín 15:18

Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»

Nya ǹ dín 2:47

Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.

Rɔmu minin 11:14

ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 9:11

Lawa na á goã giɛ li a sii lɛ zɛnaa foaã nɛ, a nyaa mà asɛ a minin bɔ lɛ n boe a din dùũ li. Bɛ lɛ nɛ á pɛ Rebeka nɛ: «Goledɛnaa lɛ á die dí nyɛɛ kiɛɛrɛdɛnaa lɛ nɛ.» A na á bɛ pɛ, bɛ̀ nɛnyaanan lɛn dinin nə tɔn yɛ wa, bɛ̀ sii bǐɛ̃ zɛnaa hinlaa sii baraa zɛnaa wɔlɔ á lui ni ǹ ganaa. Lawa a min bɔ kɛ bie á n zɛnaa kànaa, á kɔnpɛ min a nya ǹ dí a siĩnbaa hinlaa a baraabaa-n wa. A na á n zɛnaa á kɔnpɛ a din dùũ kɛ dinsɔɔ̃ nɛ.

Rɔmu minin 9:24

Lawa wɔ dinin mɛnɛn bíi, wɔ́ n wɔ ba Zuifun dininsɔɔ̃nɔn lɛa wa, wɔ n tɔrɔ kɔsɔn dɔn lɛa.

Korɛnti1 1:18

Sonbore, min mɛnɛn bɛ́ papaɛ̃, Krita a gã dere ǹ gɔn ganaa boo kɛ n gàãnaabaa lɛa bɛn yii li. Sɛnɛ, wɔsɛn mɛnɛn bɛ́ kirisibaa ǹ zii la, a n Lawa a pàãyiidɛnaabaa lɛa wɔsɛn yii li.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Efɛɛzi minin 3:11

Lawa na á goã giɛ li mà a bɛa sii lɛ zɛnaa haalɛ bibi. A na á zɛnaa kanna ka wɔa Dɛnaa Yezu Krita nɛ.

Filipi minin 3:14

Bɛ lɛ nɛ, ma á baa sii maa dí mìi ganaa, ń giɛ ma á baa si ǹ saraa yii, Lawa bɛ́ wɔ bíi, mà wɔ da ǹ mɛn lɛ si lon, Yezu Krita pàã ganaa.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Timote1 1:1

Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Timote2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa din foo dùũ ni. A lɛ kɔ mà wɔ á re yiikoonaabaa mɛn yii Yezu Krita pàã ganaa, a na á ma dia, mà ma wo bɛ lɛ boo da.

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Piɛrɛ1 1:20

Lawa na á ná a din lɛ bɔ, á koa bɛa lɛa, bɛ̀ kanaa bɛ́ a tɔn nə n da wa. A na á nyaa kanna a biikoo kɛ li biikoo giala-nyɔmiɛ lɛa, ka dinin bǐɛ̃ taman yii.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 17:8

N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.