Timote2 1:16 - LAWA A BOO SONBORE

¹⁶ Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

LAWA A BOO SONBORE 2011

¹⁶ Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Timote2 1:16 Iomraidhean Croise

Samayeli2 2:6

Kanna kəni, Dɛnaa Lawa die a bǐɛ̃ zɛnaa ka-n miɛ̃ duduu. Ka bǐɛ̃ mɛn zɛnaa ke, masɛ dɔ á re bɛa bǐɛ̃ lɛ miã zɛnɛɛ ka nɛ.

Nehemii 13:14

Bɛ lɛ taman yii, n yiri koa ka ma nɛ, maa Lawa: ma sii sonboren mɛnɛn zɛnaa n kion kɛ wɔ paǹ li, a gama walan wɔ paǹ li, n yiri baran bɔ ka bɛn nɛ wa.

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Nehemii 13:31

Ǹ bɛ́ gɔn mɛn boe Lawa gɔ ǹ wɔ lɛa, má wusoo má bɛa bɔ da a giala la, á kɔnpɛ ka a bɔ biikoon ne, kɔnlɛ ka màn lɛ bibinaan kɛn nɛ. «Maa Lawa, n yiri koa ma nɛ, bǐɛ̃ kɛ taman yii, má zɛnaa.»

Nehemii 5:19

«Ee maa Lawa, ma sii mɛn tumaa zɛnaa zaman kɛ nɛ, n yiri kɔ ma li, n bǐɛ̃ zɛnaa ma nɛ bɛ taman yii.»

Loen 18:25

Dɛnaa Lawa na á ma saraa, á kɔnpɛ ka maa peperebaa nɛ, a na á ma saraa, á kɔnpɛ ka maa sii la baã nɛ.

Loen 37:26

Min makara n min sonbore kuĩ lɛawaa tumaa li, a n giɔ̀mɔ diɛ baraabaraa. A nɛnyaanan dɔn man barkadɛnan lɛa.

Zeremii 39:17

Sɛnɛ, bɛa biikoo lɛ li, ma á re n kanbiɛ, ma din Dɛnaa Lawa a da ǹ boo ne. N bɛ́ nyɛ́ɛ biɛ min mɛnɛn manɛ, ma a re n we ǹ gɔn wa.

Matiə 25:17

A sana kuturu paa kɔ min mɛn la, bɛ dɔ́ woo pii kɔ ka a wɔ-n miɛ̃, á sana kuturu paa kɔsɔ yɛ á tí a ganaa.

Matiə 5:7

Min mɛnɛn bɛ́ ǹ miãn makara doɛ̃, Lawa á re barka diɛ bɛn ganaa, a giala Lawa á die makara boe ǹ dɔn ganaa!

Nya ǹ dín 21:33

Sɔraasin goledɛnaa lɛ tɔ́n nə n mɔrɔ Pooli ganaa á kũ, á pɛ mà ǹ fɔlɔ biɛ màn paa kaa a ganaa. Bɛ kio á tɔ́n nɔ̀n da la kɛnɛn: «Die n ka nsɛ nɛ, ma nə n wàa sii la?»

Nya ǹ dín 28:20

Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

Korɛnti1 16:18

A giala, ma foo basã ǹ sii gɔ́ɔ̃ nɛ, ka ǹ bɛ́ ǹ nə́ ka dɔn foo basã lɔn. Bɛa minin kɛn miãn tá kɔnboe ka ǹ tɔ bǐɛ̃ pɛ.

Efɛɛzi minin 6:20

Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 1:17

Sɛnɛ, a bɛ́ á dɔ Rɔmu lɔn gɔrɔ, a na á ga ma li taãn-taãnɛ, yǎa á ma yɛ.

Timote2 1:18

A dí mɛn tumaa dɔ nya ma-n Efɛɛzi kiwi, min kɔ́n ba ǹ doɛ̃ á dɔ n li wa. Dɛnaa die a makara bɔ a ganaa kiri-kurii pinaa.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Timote2 4:19

Ma á fòo diɛ Prisili laanka Akilaasi ni, ka Onezifɔɔrɔ a kion minin ni.

Filemɔn 1:20

Ma dɔɔ̃n-giĩ Filemɔn, sonbore, ma nə n nyankoe, n Dɛnaa Yezu lɛ taman yii, bǐɛ̃ kɛ zɛnaa ma nɛ. Ma foo kɔɔ̃n kɔ Yezu Krita a lɛa.

Filemɔn 1:7

Ma dɔɔ̃n-giĩ Filemɔn, n dɔɔ̃nɔn narɛɛ lɛ foo kɔɔ̃nbaa gole laanka foo tãbaa sonbore kɔ ma la. Bɛa kɔn-narɛɛ lɛ na á dɔɔ̃nɔn lɛn tumaa foo kɔɔ̃n kɔ.

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Uruti 1:8

Naomii tɔ́n pɛ ǹ manaa min paa lɛ-n kɛnɛn: A bɛ́ miɛ̃, didie wusoo a wo ǹ dan li. Ka bǐɛ̃ gole mɛn zɛnaa masɛ laanka woo wolen kɛn manɛ, Dɛnaa Lawa die a zɛnaa ka dɔn man miɛ̃.