Timote2 1:14 - LAWA A BOO SONBORE

¹⁴ Doroo sonboren mɛnɛn nə n koa n li, bɛn tamaa doɛ̃. Yiri Fu mɛn bɛ́ wɔ lon, bɛ lɛ á die ǹ tamaa ǹ pàã koe n la.

LAWA A BOO SONBORE 2011

¹⁴ Doroo sonboren mɛnɛn nə n koa n li, bɛn tamaa doɛ̃. Yiri Fu mɛn bɛ́ wɔ lon, bɛ lɛ á die ǹ tamaa ǹ pàã koe n la.

Timote2 1:14 Iomraidhean Croise

Luku 16:11

Bɛ̀ min foo ba doa nɛ kaa dí nya ǹ gɔn ganaa ka kanaa a naforo kɛ-n wa, die n die naforo lɛ a taãn kɛ koɛ ka li?

Zaã a sɛ́wɔ 14:17

Yiri Fu mɛn bɛ́ sonbore pii, bɛ lɛ nɛ. Kanaa minin ba boe la ǹ lɛ kɔ a ganaa wa, a giala, ǹ yii ba a ganaa wa, ǹ ba doɛ̃ dɔn wa. Sɛnɛ, kasɛn kɛn tá doɛ̃, a giala, á giã nɛ ka li, á kun ka nɛ.

Rɔmu minin 3:2

Hiĩ, mìi tá la, mìi gole gole dinin. Bibinaanɛ, Lawa na á boo da ka Zuifun ni. A na á ná a boo lɛ koa ǹ dinin li.

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Rɔmu minin 8:13

Bɛ̀ ka á tɔ we á kɔnpii ka gɔ̀nɔn foo siin ni, ka á re giɛ̃. Sɛnɛ, Lawa Yiri barka nɛ, bɛ̀ ka gɔ̀nɔn foo siin kɛn zɛnaa toa walan ka lenlen, ka á re yiikoonaabaa yii.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Korɛnti1 3:16

Táa ka dinin tá doɛ̃ mà ka ǹ Lawa a Kion lɛa, Lawa a Yiri Fu n ka gɔ́ɔ̃ nɛ.

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Korɛnti1 9:17

Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Galaasi minin 2:7

Bɛa minin kɛn lɛn nə́ dɔ̃, mà Lawa dí mɛn kɔ masɛ dɔ la, mà Boo Tii Kɔɔ̃n kɛ a laakalaa tɔrɔ kɔsɔn bii ni, ká a bɛ́ a ná a laakalaa Zuifun bii kɔ Piɛrɛ la lɔn.

Efɛɛzi minin 2:22

Ka laanka gialakunun kɛn tumaa nɛ, kaa tá kun ka Krita-n a lɛa, ka dɔn gii n bɛa kion kɛ lɛ nɛ. A n miɛ̃, màn mɛn bɛ́ toɛ, Lawa bɛ́ kion mɛn nɛ ka a din a Yiri Fu ni, ka bɛa kion lɛ baa taãn-taãnɛ.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Kolɔɔsi minin 4:11

Yezu mɛn bɛ́ ǹ nə́ bíi Zustusu, bɛ dɔ á fòo diɛ ka nɛ. Bɛa min sɔɔ kɛ lɛ dinsɔɔ̃ n Zuifu lɛa, ǹ nə́ *Lawa a kiibaa ǹ dí kɛ lɛ nyɛɛ kun ma nɛ. Ǹ nə́ ma foo taã parsiini.

Tesaloniki1 5:19

Ka baran Yiri Fu a nya ǹ dí sàabaa wa.

Timote1 1:11

Màn mɛn bɛ́ kɔnpii ka Boo Tii Kɔɔ̃n kɛ nɛ, á n kɔ ma la, bɛ lɛ n ka bɛ nɛ. Lawa mɛn bɛ́ gugurubaa ná a lon, a sii tumaa lɛ n piɛ̃ nɛ, bɛ lɛ a boo ne.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.