Timote2 1:12 - LAWA A BOO SONBORE

¹² Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

LAWA A BOO SONBORE 2011

¹² Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 1:12 Iomraidhean Croise

Loen 25:2

Maa Lawa, man kiɛ n din yele. N nyan toa sìi ma kũ wa. N nyan toa maa zɔ́ɔn kɛn nə n nyɛnyɛɛ ma la wa.

Loen 31:5

Ǹ kan mɛn koa ma nɛ, n din tá re ma kanbiɛ bɛ ganaa, a giala, n din nə ma tamaali lɛa.

Loen 56:9

Nsɛ á doɛ̃ mà ma gɔ́ɔ̃ wɔ̃. N din ma yii mu si, ń kaa n màn nɛ. Táa n bɛn da sii li.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 50:7

Dɛnaa Lawa n die maa gú ganaa, bɛ lɛ nɛ, ma yii puusə kɔ wa. Bɛ lɛ nɛ, má n yɔrɔ laa ka kɔlɔ bɛ́ lɔn, ma á doɛ̃ máa sìi á ma kuĩ wa.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Nahumu 1:7

Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Matiə 12:21

Tɔrɔ din tumaa á die n foo doɛ a ganaa.»

Matiə 24:36

Sɛnɛ, min kɔ́n ba Min a Nɛgiĩ a daa pinaa laanka a lɛawaa doɛ̃ wa, haalɛ lon a dia dí-a wolen ba doɛ̃ wa, Lawa a Nɛgiĩ lɛ dɔ dinmaa ba doɛ̃ wa, yǎa Díi Lawa dinsɔɔ̃.

Matiə 7:22

Bɛ̀ kiri wɔ pinaa lɛ dɔ, min gigiã tá re pii masɛ nɛ: «Dɛnaa, Dɛnaa, wɔsɛn nə́ Lawa a boo pɛ ka n tɔ nɛ, wɔ́ nɔ̀ɔnɔn loo wɔ́ ǹ bɔ minin ganaa ka n tɔ nɛ, wɔ́ kaãbaa ǹ sii gigiã zɛnaa ka n tɔ nɛ!»

Luku 10:12

Yezu pɛ ǹ nɛ kɛnɛn: «Kiri-kurii pinaa, dɔlɔ mɛn bɛ́ re n boe Sodɔmu kiwi babaraa kɛ ganaa bɛa re doe kaa wɔ kɛ li wa.

Luku 23:46

Yezu nə́ n lɛ dɛ gole á pɛ: «Díi, masɛ n ma din nyin we n gɔn.» A bɛ́ á bɛ da á nya, a piɛ̃ nya.

Zaã a sɛ́wɔ 17:15

Ma bie n nyankoe, máa n nə ǹ bɔ n nə ǹ bɔ kanaa lɛ gɔ́ɔ̃-n wa, sɛnɛ, máa n nə ǹ kanbaa *Sɛtaan Baraa kɛ ganaa.

Zaã a sɛ́wɔ 6:44

Min kɔ́n ba boe la a da masɛ li a din ganaa wa, maa Díi mɛn ma dia, yǎa bɛ lɛ diɛ zii. Ma dɔ á re bɛa dɛnaa yii kiɛ kanaa a nya pinaa.

Nya ǹ dín 13:46

Pooli laanka Barnabaasi pɛ ǹ nɛ ka foo tãbaa nɛ: – Lawa a boo kɛ lɛ doamaa nɛ a n pɛ ka dinin lɛn man bɔrɔ, sɛnɛ, ka bɛ́ ka n piã nɛ, ka ga ka dinin ganaa mà kasɛn doamaa bie ka nyin nyabaã kɛ-n wa, bɛ lɛ nɛ, wɔsɛn manə bɔyɛɛ wɔ n yɔrɔ da tɔrɔ kɔsɔn la.

Nya ǹ dín 13:50

Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.

Nya ǹ dín 21:13

Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»

Nya ǹ dín 7:59

Ǹ bɛ́ Itian lɛ dii, a na á goã Lawa nyankoe kɛnɛn: «Dɛnaa Yezu, masɛ telenboen si.»

Nya ǹ dín 9:16

A bɛ́ re fuu mɛn yii masɛ tɔ kɛ a lɛa, masɛ dinmaa á re bɛn nyɛɛ nɛ.»

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Rɔmu minin 9:33

Ká a bɛ́ á n kiɛ̃ lɔn: «Man kion gòã daa ǹ kɔlɔ koɛ *Siɔn, minin daa ǹ kɔlɔ nɛ, sɛnɛ, min woo min nə́ n foo doa a ganaa, sìi a re bɛa dɛnaa kuĩ wa.»

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Korɛnti1 3:13

Didie tumaa a nya ǹ dí a là á re yii kiri-kurii pinaa. Taãn nɛ, bɛa pinaa kɛ nɛ, maǹ die giɛ màn tumaa ganaa ka tɛ nɛ. Bɛa tɛ lɛ n die didie tumaa a nya ǹ dí a là nyɛɛ nɛ.

Filipi minin 1:20

Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

Filipi minin 3:10

Ma bɛ́ giɛ màn mɛn li, man máa ma Krita dɔ̃. Man giɛ li ma a yii kaa a bɔ geren li ǹ pàã kɛ yɛ, ma gii goã a fuun kɛn nɛ, man baa ka a din bɛ́ lɔn a gɛ̀ gɔ́ɔ̃ nɛ;

Filipi minin 3:21

Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Tesaloniki1 5:4

Sɛnɛ, dɔɔ̃nɔn lɛn, kasɛn yii a tì bɛa sii lɛ gɔ́ɔ̃ nɛ, a lɛawaa tɔn da ka tɔwaa ka wurumu bɛ́ lɔn wa.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 1:14

Doroo sonboren mɛnɛn nə n koa n li, bɛn tamaa doɛ̃. Yiri Fu mɛn bɛ́ wɔ lon, bɛ lɛ á die ǹ tamaa ǹ pàã koe n la.

Timote2 1:16

Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Timote2 1:18

A dí mɛn tumaa dɔ nya ma-n Efɛɛzi kiwi, min kɔ́n ba ǹ doɛ̃ á dɔ n li wa. Dɛnaa die a makara bɔ a ganaa kiri-kurii pinaa.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Timote2 2:9

Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 2:18

Bɛ lɛ tɔ ganaa, a din bɛ́ á fuu yɛ lɔn damagɔ́ɔ̃li siin gɔn, min mɛnɛn dɔn bɛ́ damagɔ́ɔ̃li siin gɔn, á boe la a n dɔ bɛn lɛ.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Piɛrɛ1 4:16

Sɛnɛ, bɛ̀ Krita a minbaa a lɛa nɛ min tá fuu yii, a baran sìi da ǹ dɛnaa ganaa wa, ǹ dɛnaa Lawa tɔ bɔ bɛa Krita a minbaa ǹ tɔ kɛ lɛ a lɛa.

Piɛrɛ1 4:19

Bɛa yɔrɔ kɛ lɛ la, min mɛnɛn bɛ́ fuu yii Lawa din dùũ a lɛa, bɛn nə wo nyɛɛnɛ ka ǹ bǐɛ̃ zɛnaa nɛ, ǹ nə ǹ sii din tumaa toa ǹ zɛnaa wole Lawa gɔn, Lawa mɛn bɛ́ bɔlɔgoondɛnaa lɛa.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.