Timote1 6:9 - LAWA A BOO SONBORE

⁹ Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

LAWA A BOO SONBORE 2011

⁹ Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

Timote1 6:9 Iomraidhean Croise

Kiin1 21:6

Akaabu ná a lɛ si: «A giala, man má pɛ Zizereyɛli kiwi min Naabɔti ni máa a na a rezɛ̃ da wuru kɔ ma la wɔrɔ ganaa, hinlaa, máa bɛ̀ a tá li, máa rezɛ̃ da wuru kɔsɔ koe la. Á bɛ́ re màn mɛn pii ma nɛ, mà asɛ ba a rezɛ̃ da wuru lɛ koe wa.»

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Suusun 15:27

Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Suusun 20:21

Naforo mɛn bɛ́ yii fufuu a giala kɔ waáraa, bɛa laadoo bǐɛ̃ koe biɛ̃ wa.

Suusun 21:6

Min mɛn bɛ́ sii zɛnɛɛ fufuu a foo na á kuĩ wa, bɛ lɛ n die doobaa biɛ.

Suusun 22:16

Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.

Suusun 23:4

N nyan nə n din nɔmaa n ga naforo li wa, a taasiɛ lɛ da.

Izayii 5:8

Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

Zakarii 11:5

Min mɛnɛn bɛ́ ǹ pii ǹ nə́ ǹ dii, maǹ taasɛ mà ǹsɛn ba sii baraa kɔn zɛnɛɛ wa. Ǹ mɛnɛn bɛ́ ǹ siɛ̃, bɛn man pii: «Lawa barka, a giala, wɔ màndɛnan baa!» Ǹ makara dɔ din ba boe ǹ lɛduə̃lin ganaa wa.

Minin nimi 31:8

Ǹ nə́ Madiã minin kii sooro kɛ dɔ dɛ: Ɛvi ni, Rekɛmu ni, Suuru ni, Uuru ni, ka Rebaa nɛ. Ǹ nə́ Bewɔɔrɔ a nɛgiĩ Balaamu kɛ dɔ dɛ.

Matiə 13:22

Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.

Matiə 19:22

Giĩ lɛ bɛ́ á bɛa boo lɛ ma lɔn, a yɔrɔ kɔsiɛmaa na á woo, a giala gɔn màn gigiã tá a lon.

Matiə 26:15

á pɛ ǹ nɛ: «Ka n lɛ koe ka wàa kɔ masɛ la, ma Yezu kɔ ka la?» Ǹ nə́ wɔrɔ we pɔsɔɔ nimi ǹ nə́ kɔ la.

Matiə 6:19

Ka baran naforo lɛ sɔkɔn-a ka koa ka dinin manɛ kanaa wa. A giala, nimii laanka soe tá kanaa, ǹ tá basaã koe, wurumunun tá kiɛnlɛ yiɛ bɛ̀ ǹ mànan koã.

Marki 4:19

sɛnɛ, kanaa sii a taasiɛn nɛ, naforo a lɛn bebele sii laanka foo sii tɔrɔ kɔsɔn man we ǹ ne, ǹ Lawa a boo lɛ kũ, ǹ baa nɛ-kɔbaã wole lɛa ka da nɛ-kɔbaã wole bɛ́ lɔn.

Luku 12:21

Yezu pɛ: «Min mɛn bɛ́ gɔn màn lɛ soekɔn a din ni kanaa, a ná a ba giɛ Lawa li ǹ wɔ li wa, kɛ miã sii lɛ nə n zɛnɛɛ bɛa dɛnaa nɛ.»

Luku 21:35

lɛawaa mɛn bɛ́ re die kirii kanaa min din tumaa la, ka kan a màn kũ bɛ́ lɔn.

Nya ǹ dín 8:20

Sɛnɛ, Piɛrɛ ná a lɛ si: «N bɛ́ ń taasɛ mà n tá boe la, n Lawa a bǐɛ̃ sonbore kɛ pii ka wɔrɔ nɛ, n laanka n wɔrɔ tumaa bɔ̀n baa kun.

Efɛɛzi minin 4:22

Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃.

Timəə dí-pɛn 7:25

Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Timote1 1:9

Sɛnɛ, wɔ ǹ siĩni wɔ kɛ giala ma. Landa bie á n koa sii sonbore-zɛnaalin taman yii wa. A na á n koa landa tamaabaã wolen taman yii ka piã-wɔlen ne, Lawa bɔlɔ tii wolen ne, sii baraa-zɛnaalin ni, yii wɔ Lawa la wolen laanka zín bɔ Lawa-n wolen ne, ka díi laanka náa-dɛlen ne, ka gɛ̀-dɛlen tumaa nɛ.

Timote1 3:7

Min mɛnɛn bɛ́ ǹ ba Lawa a sɔmɔ minin lɛa wa, bɛn doamaa nɛ ǹ siére sonbore pɛ a wɔ gɔn la, màn mɛn bɛ́ toɛ, a yii baran goã puusə wa, Sɛtaan dɔ gɔn baran dɔ a ganaa wa.

Timote1 6:10

A giala, wɔrɔ-narɛɛ n sii baraa din tumaa a bɔ ǹ bǎã goon lɛa. Min tɛnɛn nə́ n dinin kɔ a gamali la, bɛn nə́ sã, ǹ nə́ woo sɔsɔɔ ǹ nə́ golee Lawa li toa walan, ǹ nə́ foo-busii gigiã da ǹ dinin ganaa.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote2 2:26

*Sɛtaan nə kan mɛn koa ǹ nɛ, á ǹ kũ, á ǹ baa a din foo sii zɛnaalin lɛa, ǹ dɔn tá boe la ǹ yiri yɛ, ǹ nə n si bɛ la.

Tiitii 2:12

Bɛa bǐɛ̃ kɛ lɛ n wɔ darɛɛ, mà wɔ piã ka Lawa-n tii, ka kanaa dùũ sii babaraan kɛn nɛ, ń giɛ wɔ á goɛ̃ kanaa kɛ nɛ, mìiwedɛnan lɛa, min peperen lɛa, wɔ n bɔlɔgoondɛnan lɛa Lawa nɛ.

Zozoe 7:11

Izirayeli minin lɛn man nə́ sii baraa zɛnaa. Ma ǹ kurəə sii mɛn a zɛnaa ganaa, maǹ nə́ bɛ zɛnaa. Ma ǹ kurəə mànan mɛnɛn goa ganaa, maǹ nə́ bɛn goa. Maǹ nə́ ǹ koã dinin, ǹ nə́ ǹ duru, ǹ nə́ ǹ kaa kun ka ǹ mànan nɛ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.