Timote1 6:6 - LAWA A BOO SONBORE

⁶ Sonbore ne, golee Lawa li a là á gole minbuiin ganaa, bɛ̀ á daa yaa màn mɛn bɛ́ a gɔn, bɛ̀ bɛ tá a yii kiɛ̃.

LAWA A BOO SONBORE 2011

⁶ Sonbore ne, golee Lawa li a là á gole minbuiin ganaa, bɛ̀ á daa yaa màn mɛn bɛ́ a gɔn, bɛ̀ bɛ tá a yii kiɛ̃.

Timote1 6:6 Iomraidhean Croise

Kiin2 6:2

Toa wɔ woo, yǎa Zurdɛ̃ tà lɛ-a, wɔa min gogoonmaa mɛn goon saa, màn mɛn bɛ́ toɛ, wɔ giã ǹ bǎã dɔ kànaa, wɔ giã a nɛ.» Yiliizee nə́ ǹ lɛ si mà ǹ woo!

Loen 37:16

Màn boɛɛn mɛn bɛ́ min sonbore gɔn, á soɛ min baraa a pàãmabaa ǹ màn gigiã nɛ.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Bɔ bɛ̀rɛbaa nɛ 2:21

Muizu lɛ kɔ á giã bɛa giĩ kɛ lɛ li. A ná a nɛlɔ lɛ goon kɔ la lɔ lɛa, a tɔ n Sipora.

Suusun 15:16

Màn boɛɛn yɛ n nə́ Lawa guguru kɔ gɔ́ɔ̃ nɛ, bɛ á soɛ pàãmabaa nɛ taasiɛ gɔ́ɔ̃ nɛ.

Suusun 16:8

Màn boɛɛn yɛ peperebaa gɔ́ɔ̃ nɛ á soɛ màn gigiã yɛ soɛ gɔ́ɔ̃-n nɛ.

Suusun 28:25

Min mɛn foo bɛ́ wuu pii, a n zia yiɛ. Sɛnɛ, min mɛn bɛ́ n foo doɛ Dɛnaa Lawa ganaa, á re pàãma biɛ.

Zeremii 35:9

Wɔ a kion doe wɔ giã-n wa. Wɔ a rezɛ̃ wuru boe wa, wɔ a tán kɔsɛ wa.

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 3:14

Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Filipi minin 1:21

A giala, maa tá kanaa ǹ mìi n ka Krita nɛ, bɛ̀ má gã dɔn bɛ n là lɛa ma ganaa.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Timote1 6:8

Bɛ lɛ nɛ, bɛ̀ màn-bii laanka wɔ ǹ mɔnaa tá wɔ lon, wɔ toa bɛn nə wɔ yii kã.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»