Timote1 6:3 - LAWA A BOO SONBORE

³ Min tɛnɛn tá minin darɛɛ sii kɔsɔn ganaa. Ǹ da ǹ boo a kɔnpii ka wɔa Dɛnaa Yezu *Krita a boo sonboren kɛn nɛ wa, a kɔnpii ka wɔa goleemali ǹ daraa kɛ dɔ-n wa.

LAWA A BOO SONBORE 2011

³ Min tɛnɛn tá minin darɛɛ sii kɔsɔn ganaa. Ǹ da ǹ boo a kɔnpii ka wɔa Dɛnaa Yezu *Krita a boo sonboren kɛn nɛ wa, a kɔnpii ka wɔa goleemali ǹ daraa kɛ dɔ-n wa.

Timote1 6:3 Iomraidhean Croise

Suusun 15:4

Foo taã ǹ boo n ka yiikoonaabaa da bɛ́ lɔn. Sɛnɛ, boo baraa n foo ziziɛ̃.

Matiə 22:21

Ǹ nə́ tɔ́n pɛ nɛ: «Kii Gole kɛ nɛ.» Yezu tɔ́n pɛ ǹ nɛ: «Màn mɛn bɛ́ kii wɔ lɛa, ka bɛ kɔ kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Timote1 1:10

A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

Timote1 1:3

Ka má pɛ n nɛ lɔn, bɛ̀ ma bɛ́ woe Masedoanɛ gána nɛ, giã Efɛɛzi kiwi. Minin tá walan ǹ nə́ minin darɛɛ soɛ boon ganaa. Yǎa n pii ǹ ni mà ǹ na a lɛ diɛ.

Timote1 1:6

Min tɛnɛn nə́ kanaa ǹ nə́ bɛa zii kɛ da, ǹ dí n ka sɛ̀ kooro pɛ nɛ.

Timote2 1:13

N boo sonboren mɛnɛn ma ma lɛ-n, kɔ bɛn lɛn lɛ sii yɔrɔ nyaa ǹ siin lɛa. Goleemali laanka kɔn-narɛɛ mɛn bɛ́ wɔ lon, wɔa tá kun ka Yezu Krita-n lɛ gɔ́ɔ̃ nɛ, toa bɛn nə goã.

Timote2 4:3

A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Tiitii 1:1

Masɛ Pooli n Lawa a bɛ̀rɛ lɛa, Yezu *Krita a dia dí-a wole lɛa. Dí na á n kɔ ma la, mà Lawa min mɛnɛn bɔ, mà man dɔ bɛn lɛ ǹ goleemali yɛ. Wɔa Lawa a zii bɛ́ minin darɛɛ sonbore mɛn ganaa, mà ma bɛ nyaa ǹ nɛ,

Tiitii 1:9

Boo taãn mɛn bɛ́ kɔnpii ka wɔa daraa ǹ yiri kɛ nɛ, a doamaa nɛ a n paraa bɛ ganaa taãn-taãnɛ. Bɛa yɔrɔ kɛ la, á re boe la, a min kɔsɔn foo taã ka minin daraa ǹ yiri taãn kɛ nɛ, min mɛnɛn bɛ́ a liere koe, a bɛn sã nyaa ǹ nɛ.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.