Timote1 6:2 - LAWA A BOO SONBORE

² Bɛ̀rɛn mɛnɛn goledɛnan bɛ́ Lawa-nyankɔlen lɛa, bɛn baran pɛ mà ǹsɛn man kɔn dɔɔ̃nɔn lɛa ka ǹ nɛ, ǹ nə ǹ yii puusə kɔ bɛ taman yii wa. Sɛnɛ, ǹ doamaa nɛ ǹ nə n doa doo, ǹ dí nya ǹ nɛ sɔnbɔraanɛ. A giala, ǹ bɛ́ dɔɔ̃n Lawa-nyankɔlen mɛnɛn lɛn narɛ, bɛn lɛn manə ǹ dí lɛ a là yii. N doamaa bɛ́ n minin daraa, n nə n gɔn waa ǹ nɛ ka sii mɛn nɛ, a din ni ka kɛ nɛ.

LAWA A BOO SONBORE 2011

² Bɛ̀rɛn mɛnɛn goledɛnan bɛ́ Lawa-nyankɔlen lɛa, bɛn baran pɛ mà ǹsɛn man kɔn dɔɔ̃nɔn lɛa ka ǹ nɛ, ǹ nə ǹ yii puusə kɔ bɛ taman yii wa. Sɛnɛ, ǹ doamaa nɛ ǹ nə n doa doo, ǹ dí nya ǹ nɛ sɔnbɔraanɛ. A giala, ǹ bɛ́ dɔɔ̃n Lawa-nyankɔlen mɛnɛn lɛn narɛ, bɛn lɛn manə ǹ dí lɛ a là yii. N doamaa bɛ́ n minin daraa, n nə n gɔn waa ǹ nɛ ka sii mɛn nɛ, a din ni ka kɛ nɛ.

Timote1 6:2 Iomraidhean Croise

Minin nimi 16:3

Ǹ nə́ kaa kun ǹ nə́ yoo Muizu laanka Aarɔn gialaa, ǹ nə́ pɛ ǹ nɛ: «Kɛa boe? A giala, zaman lɛ tumaa n Dɛnaa Lawa wɔ lɛa, Dɛnaa Lawa tá kun ka wɔ tumaa nɛ. Wàa na á baa kasɛn tá ka dinin soɛ koe Dɛnaa Lawa a zaman gialakun kɛ nɛ?»

Matiə 23:8

«Sɛnɛ, kasɛn baran toa minin nə́ ka bíi "mìinaa" wa. A giala, ka dinin tumaa n goon, kɔn dɔɔ̃nɔn lɛa, Mìinaa goon toto dinsɔɔ̃ n ka lon.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Efɛɛzi minin 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Kasɛn Efɛɛzi a Lawa a minin mɛnɛn bɛ́ bɔlɔgoondɛnan lɛa, tá kun ka Yezu Krita-n gɔ́ɔ̃ nɛ, ma á fòo diɛ ka nɛ.

Efɛɛzi minin 1:15

Má kaa golee wɔa Dɛnaa Yezu Krita li kɛ boo ma, ka kaa Lawa a minin tumaa narɛɛ kɛ nɛ.

Efɛɛzi minin 3:6

Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

Kolɔɔsi minin 1:2

Lawa a minin kɛn la Kolɔɔsi kiwi, kasɛn mɛnɛn bɛ́ wɔ dɔɔ̃n bɔlɔgoondɛnan lɛa, Krita wɔ gɔ́ɔ̃ nɛ. Wɔa Díi Lawa die a bǐɛ̃ zɛnaa ka nɛ, a là nyantoro kɔ ka la.

Kolɔɔsi minin 1:4

Wɔ́ kaa golee Yezu Krita li lɛ boo ma, ka kaa Lawa a minin tumaa narɛɛ kɛ nɛ.

Kolɔɔsi minin 4:1

Goledɛnan lɛn, ka kaa bɛ̀rɛn kũ doɛ̃, ka peperebaa sii zɛnaa ǹ nɛ. Ka doamaa-n ka dɔ̃, mà ka dɔn goledɛnaa tan lon.

Tesaloniki2 1:3

Dɔɔ̃nɔn lɛn, wɔ doamaa-n wɔ barka da Lawa nɛ biikoo tumaa li kaa lɛa. A n siĩn miɛ̃, a giala, màn tá miɛ kaa golee Lawa li li parsiini, kɔn-narɛɛ mɛn dɔ bɛ́ ka lon kɔn wɔ paǹ li, bɛ dɔ á gole koe ka tumaa gɔ́ɔ̃ nɛ.

Timote1 4:11

N doamaa nɛ n bɛ tumaa pɛ n laa, n minin daraa a ganaa.

Timote1 5:1

N nyan kakaarɛ kɔ min golen ganaa wa, sɛnɛ, boo da ǹ nɛ ka n bɛ́ boo diɛ n díi-n lɔn. Tɔntɔraan kũ n din dɔɔ̃nɔn lɛa.

Tiitii 2:1

Sɛnɛ, nsɛ toa n minin daraa, a kɔnpɛ ka daraa ǹ yiri pepere kɛ nɛ.

Tiitii 2:15

N doamaa nɛ n minin daraa bɛa yɔrɔ kɛ lɛ la. N nə ǹ foo taã, n zɛ̀rɛdɛnan zɛ̀rɛ baa. Bɛ zɛnaa ka n parsii din tumaa nɛ. Min kɔ́n dɔ nyan sàn kɔ n nɛ wa.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Zude 1:8

Ka bɛ din tumaa nɛ, bɛa min baraan kɛn lɛn man sii zɛnɛɛ ka bɛa yɔrɔ kɛ lɛ nɛ. Maǹ soɛ boon taasɛ, ǹ nə́ *gɔ̀ diɛ ǹ dinin ganaa, ǹ nə́ Lawa pàã gole kɛ puusə koe, ǹ nə́ sɔ koe lon màn pàãdɛnan kɛn ganaa.