Timote1 6:16 - LAWA A BOO SONBORE

¹⁶ A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

LAWA A BOO SONBORE 2011

¹⁶ A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Timote1 6:16 Iomraidhean Croise

Zɔbu 37:23

A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Loen 104:2

tɛ fúlu nə n ganaa ka dɔnkɛ nɛ. N din nə ń lon nyɔmaa ka mɔnaa kion ne.

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Bɔ bɛ̀rɛbaa nɛ 3:14

Lawa pɛ Muizu-n kɛnɛn: – Ma tɔ n "Ma Tan". A pɛ Izirayeli nɛnyaanan lɛn manɛ, mà "Ma Tan" na á n dia ǹ li.

Bɔ bɛ̀rɛbaa nɛ 33:20

N ba boe la n masɛ yɔrɔ yɛ wa, a giala, minbuiin nɛ a boe la a masɛ yɔrɔ yɛ, a yii wusoo a goã koo wa.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Abakuku 3:4

A n tɛ pii ka wɔlɔ fúlu bɛ́ lɔn. Tɛ fúlu n boe a gɔn nɛ, a Pàã lɛ a duru ǹ bǎã n ka bɛ nɛ.

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 14:9

Yezu mà Filipi ganaa: «Man kun ka ka nɛ haalɛ bibi ǹ duũ, bɛ din tumaa kio, n tɔn masɛ dɔ̃ bɔrɔ wa? Bɛ̀ min mɛn masɛ yɛ, ǹ dɛnaa na á maa Díi yɛ. Wàa na á baa n tá pii doo mà ma maa Díi nyaa ka nɛ?

Zaã a sɛ́wɔ 6:46

A bie ka min na á masɛ a Díi yɛ ka a yii-n wa. Min mɛn bɛ́ á bɔ a li á daa, bɛ lɛ dinsɔɔ̃ ná á yɛ.

Zaã a sɛ́wɔ 8:58

Yezu tɔ́n pɛ ǹ nɛ: «Man taãn pii ka nɛ, Abrahamu laan bɛ̀ a yɛ, bɛ̀ masɛ tan.»

Efɛɛzi minin 3:21

Gugurubaa die a goã bɛa Lawa kɛ lɛ wɔ lɛa, a din a sɔmɔ gɔ́ɔ̃ nɛ Yezu Krita pàã ganaa, baraabaraa yǎa duduu. A n miɛ̃.

Timəə dí-pɛn 32:40

Ma nə n gɔn siɛ ma dia lon ma kɛ pɛ: Ma din lɛ yii n koo yǎa duduu!

Filipi minin 4:20

Tɔ golebaa die a goã wɔ Di Lawa wɔ lɛa yǎa duduu. A n miɛ̃.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Ebrəə 13:8

Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaã1 1:5

Wɔ boo mɛn ma Yezu Krita li, bɛ n ke wɔ á pii toɛ̃ ka nɛ: Lawa n wɔlɔ fúlu lɛa, wɔlɔ tì kɔ́n ba a li wa.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»

Sii-nyaan 7:12

Ǹ nə́ goã pii: «Taarɛ! A n miɛ̃! Tɔ-bɔ nɛ, ka guguru-kɔ nɛ, sii-doɛ̃ nɛ, ka bǐɛ̃-doɛ̃ nɛ, tɔ gole kɔ nɛ, pàãdɛnaabaa nɛ, ka kakabaa nɛ, bɛn man wɔa Lawa wɔn lɛa baraabaraa yǎa duduu! A n miɛ̃.»