Timote1 6:12 - LAWA A BOO SONBORE

¹² N doa n yɔ bɔ sɔnbɔraanɛ goleemali lɛ a lɛa, n nyin nyabaã yɛ. A giala, Lawa na á n bíi bɛ lɛ taman yii, ka n din bɛ́ n nyaa, n goleemali boo pɛ sonbore lɛ-n lɔn, siére gigiã yɔrɔ-a.

LAWA A BOO SONBORE 2011

¹² N doa n yɔ bɔ sɔnbɔraanɛ goleemali lɛ a lɛa, n nyin nyabaã yɛ. A giala, Lawa na á n bíi bɛ lɛ taman yii, ka n din bɛ́ n nyaa, n goleemali boo pɛ sonbore lɛ-n lɔn, siére gigiã yɔrɔ-a.

Timote1 6:12 Iomraidhean Croise

Loen 63:8

A giala, n din nə́ n baa masɛ a dɔmalɛ wole lɛa. Man die n toɛ n din nyàa giulun man nyɛnyɛɛ.

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Loe kɔɔ̃n kɔɔ̃n 3:4

Ma din bɛ́ má ǹ na boɛɛn lɔn gɔrɔ, min mɛn lɛ bɛ́ kɔɔ̃n ma-a, bɛ̀ bɛ á ke má kaa lɛ. Má kũ, ma a n gɔn boe-a doo wa, yǎa ma woo we ne ma dan a kion, maa yɛ ǹ dan a waa ǹ kion.

Izayii 44:5

Goon tá re pii: "Dɛnaa Lawa wɔ n ka ma nɛ"; kɔsɔ á re n din tɔ koe "Zakɔba"; kɔsɔ á re kiɛ̃ a gɔn ganaa: "Man Dɛnaa Lawa wɔ lɛa", á re n din tɔ koe Izirayeli.

Zakarii 10:5

Maǹ die goɛ̃ ka sɔraasi foo taãnaan bɛ́ lɔn. Min mɛnɛn bɛ́ zia biɛ ǹ ganaa, ǹ tá re bɛn tɔtɔrɛ ka zii la ǹ bɛrɛɛ bɛ́ lɔn. Maǹ die yɔ boe miɛ̃, a giala, Dɛnaa Lawa á re goɛ̃ kunun ǹ ni. Sìi á re n koe zɔ́ɔn sùi da baa-a wolen lɛ.

Korɛnti2 6:7

ka sonbore pɛ nɛ, Lawa din a boo sii la pàã nɛ. Maa ziabaa ǹ màn nə ka sii pepere ne. Man miɛ min ganaa ka bɛ nɛ, man ma din dɔ lɛduĩ ka bɛ nɛ.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Timəə dí-pɛn 26:3

Lawa a wúlu-bɔle mɛn bɛ́ dí la bɛa pinaa kɛ lɛ nɛ, didie wo ka a wɔ nɛ bɛ li a pɛ nɛ: «N Lawa, Dɛnaa Lawa na á n lɛ kɔ wɔsɛn digolon la, mà á re gána lɛ koe wɔ la. Man pii n ni pelo, máa má dɔ bɛa gána lɛ nɛ.»

Filipi minin 1:30

Sisia kəni, ka n gii wɔ ziabaa kɛ-n kun ka ma nɛ. Bɛa ziabaa kɛ n goon, ka ka bɛ́ ká ma yɛ biɛ lɔn lɛlɛ, man tɔn biɛ miɛ̃, ka ka bɛ́ doɛ̃ lɔn.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Tesaloniki2 2:14

A na á ka bíi bɛ lɛ a lɛa, ka wɔa Boo Tii Kɔɔ̃n pɛ ka nɛ kɛ barka nɛ, mà ka kaa wɔ gii yɛ wɔa Dɛnaa Yezu Krita a gugurubaa kɛ nɛ.

Timote1 1:18

Maa nɛ Timote, ǹ Lawa a boo gii mɛn da n wɔ gɔn la lɛlɛ, ǹ nə́ n koa, man doroo kɛ koe n la, á kɔnpii ka bɛ nɛ. Bɛa boon lɛn taman yii, n gù we yii n zia sonbore baa,

Timote1 1:19

ka goleemali laanka gɔ́ɔ̃ fubaa nɛ. Min tɛn nə́ n piã ka bɛa gɔ́ɔ̃ fubaa kɛ lɛ nɛ, ǹ goleemali papaã.

Timote1 4:14

Lawa a bǐɛ̃baa ǹ màn mɛn bɛ́ n lon, n nyan bɛ da n gɔn para li wa. A din lɛ na á n kɔ n la, á kɔnpɛ ka Lawa a boo gii-dalin da ǹ boo ne, bɛ̀ ga Lawa a sɔmɔ walan wolen bɛ́ ǹ nə́ n gɔn da n la ǹ mɛn pinaa.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.

Timote1 6:19

Bɛ̀ ǹ nə́ zɛnaa miɛ̃, ǹ tá re naforo sonbore lɛ soekɔn, ǹ koa ǹ dinin man biɛ̃, màn mɛn ná a nyɛɛ wa. Ǹ tá re yiikoonaabaa taãn-taãn dɔ yii.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Timote2 4:7

Má n doa má yɔ bɔ sɔnbɔraanɛ. Má dɔ maa baa lɛ dan ganaa. Má bɔlɔgoondɛnaa baa.

Ebrəə 13:23

Ka dɔ̃ mà ǹ nə́ wɔ dɔɔ̃n Timote da. Bɛ̀ á daa fufuu, ma á re die n yii koe ka li kun ni.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.

Sii yɔrɔ-bɔlen 3:2

A na á goã giɛ kɛ dinsɔɔ̃ li: Zia bɛ́ màn mɛn lɛa, Izirayeli tɔrɔn lɛn nɛnyaanan nə n daraa a ganaa ǹ dɔ̃, sanparɛ ǹ mɛnɛn lɛn dinin bɛ́ ǹ màn kɔn dɔ̃ zia a sii gɔ́ɔ̃-n lɛlɛ wa.