Timote1 6:11 - LAWA A BOO SONBORE

¹¹ Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

LAWA A BOO SONBORE 2011

¹¹ Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote1 6:11 Iomraidhean Croise

Kiin1 13:1

Sɛnɛ, Dɛnaa Lawa boo da ka a boo gii-dali goon ne, á n toa Zudaa gána nɛ á woo Betɛli. A bɛ́ doe Betɛli, bɛ̀ Zeroboamu n da yon giĩ kɔɔ̃n tiɛ̃ *wúlu bɔ ǹ bǎã nɛ.

Kiin1 13:26

Giĩ zizi Lawa a boo gii-dali mɛn lɛ goã a ná a lɛ goa, bɛ́ boo lɛ ma, á tɔ́n pɛ: «Lawa a boo gii-dali mɛn lɛ á ke boe Zudaa, á Dɛnaa Lawa bɔlɔ tii bɛ lɛ nɛ! Dɛnaa Lawa na á yàra da a ganaa á kũ á gã, bɛ na á n zɛnaa á kɔnpɛ ka boo kɛ nɛ Dɛnaa Lawa goã á da nɛ.»

Kiin1 17:18

Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

Kiin1 17:24

Lɔ lɛ pɛ Yilii ni: «Sonbore, ma á doɛ̃ kanna, máa man Lawa a min lɛa, a giala n bɛ boo mɛn diɛ Lawa a boo gii lɛa, sonbore ne.»

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Kiin2 1:13

Kii lɛ sɔraasi posooro mìilandɛnaa lɛ a sɔɔbaa ǹ wɔ dia doo, a laanka a kiodɛnaa posooro ne. Bɛa sɔɔbaa ǹ dɔn wɔ lɛ woo, sɛnɛ a bɛ́ á dɔ, á na á kaa tán Yilii giulun, a ná a nyankɔ á pɛ: «Lawa a min, n dí-nyali posooro ke, toa barka goã bɛn yiikoonaabaa nɛ n gɔn, ka masɛ dɔ wɔ nɛ.

Kiin2 1:9

Kii lɛ tɔ́n sɔraasi posooro mìilandɛnaa goon laanka a kiodɛnaa posooro dia, mà ǹ wo Yilii gialaa. Yilii na á goã giã-n tán kele mìi ni. Sɔraasin goledɛnaa lɛ pɛ Yilii ni: «Lawa a min, kii mà n da gisĩ.»

Kiin2 23:17

Bɛ kio, kii lɛ nɔ̀n da: «Wàa tìĩ n ke bii-a?» Kiwi minin lɛn ná a lɛ si: «N siin mɛnɛn zɛnaa sisia Betɛli kiwi a wúlu bɔ ǹ bǎã kɛ nɛ, Lawa a boo-gii dali kɛ lɛ á goã á bɔ Zudaa gána nɛ, á daa, á bɛa siin kɛn lɛn boo da ka paraa nɛ, bɛa Lawa a boo gi-dali lɛ a yala nɛ.»

Kiin2 5:20

Geazi lɛ, Lawa a min Yiliizee a dí-nyali lɛa, bɛ́ taasɛ kɛnɛn: «Maa dɛnaagiĩ bɛ́ á Siirii min Naaman kɛ lɛ toa walan nanaa, a giala, a da ka bǐɛ̃baa ǹ mànan mɛnɛn nɛ, maa dɛnaagiĩ nə́ n piã ǹ nɛ. Dɛnaa Lawa Yiikoonaa lɛ tɔ taman yii, masɛ n die koe a kio lɛ, ma wo màn si la.»

KZS1 23:14

Maǹ nə́ Lawa a min Muizu a nɛnyaanan nimi kun ka Levii tɔrɔn nɛ.

KZS2 8:14

A kɔnpɛ ka ǹ di Davida a gɔn waa ǹ boon ne, Salomɔn Lawa a wúlu-bɔlen kurun kɛn kaa ǹ dí lɛ la. Á *Levii tɔrɔn dɔn koa, maǹ loe lɔ ǹ Dɛnaa Lawa tɔ́ bɔ nɛ baraabaraa, ǹ nə́ n dɔ Lawa a wúlu-bɔlen kɛn lɛ ǹ dí nyɛɛ gɔ́ɔ̃ nɛ. Kiɛnlɛ-lɛduə̃lin kurun kɛn kiɛnlɛ gogoonmaa lɛduĩ, á bɛn dɔn kaa ǹ dí lɛ la. Lawa a min Davida na á bɛa dí-pɛn lɛn kɔ.

Nehemii 12:24

A kɔnpɛ ka Lawa a min Davida a da ǹ boon ne, Levii tɔrɔn nyɛɛnaandɛnan kɛn, Hakabia nɛ, Serebia nɛ, Kadimiyeli a nɛgiĩ Zozoe ne, bɛn nə́ goã giɛ̃ kɔn yɔrɔ-a Levii tɔrɔ gialakunun kɛn nyɛɛnɛ, bɛ̀ ǹ loe lɔ ǹ dia kɔn la, Lawa tɔ bɔ laanka a guguru kɔ ǹ wɔ lɛa.

Nehemii 12:36

bɛ laanka ǹ dɔɔ̃nɔn nɛ, Semayia nɛ, Azareli ni, Milatayii ni, Gilayii ni, Mayii ni, Netaneyeli ni, Yewudaa nɛ, ka Hananii ni, ǹ dɔn nə́ goã tɔ lɛ we. Davida lɛ, Lawa a min lɛa, bɛa da loe li ǹ mànan man nə́ goã ǹ gɔn. Landa sii-daraali Ɛsidrasi na á goã ǹ nyɛɛnɛ.

Loen 34:14

yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Loen 38:20

Maa zɔ́ɔn kɛn manə ǹ dinin lɛa bii-a, ǹ nə́ kaka. Min mɛnɛn bɛ́ ma biɛ zɔ́ɔ kooro, bɛn nə́ la yii ni.

Suusun 15:9

Min baraan giã ǹ gɔn ba Lawa foo sii wa, sɛnɛ, min mɛn bɛ́ zoɛ̃ bǐɛ̃ zɛnaa li, bɛ n kɔɔ̃n Dɛnaa Lawa ganaa.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Zeremii 35:4

Á woo ǹ ne Lawa a kion, Idigaliya a nɛgiĩ, Lawa a min Hanan a nɛgiĩn kion nɛ kɛ nɛ. Bɛa kion nɛ lɛ n kiãn kion genli, Salumu a nɛgiĩ Maseya a kion nɛ kɛ lalan, ke Lawa a kion a wɔ ǹ kiɛnlɛ lɛduĩ.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Korɛnti1 10:14

Bɛ lɛ taman yii, maa giaáran lɛn, ka baa si ka n bɔ dì guguru kɔ li.

Korɛnti1 14:1

Ka ga kɔn-narɛɛ li. Ka n yiri koa Yiri Fu a bǐɛ̃baa ǹ mànan ganaa, sanparɛ Lawa a boo gii-dalibaa ke.

Korɛnti1 6:18

Ka baa si din kũ doɛ̃baã nyɛɛnɛ! A giala, mà min bɛ́ sii baraa gialakun mɛn kɔsɔ zɛnɛɛ, mà bɛ n kanaa, a we a gɔ̀nɔn nɛ wa. Sɛnɛ, min mɛn bɛ́ n din koe din kũ doɛ̃baã sii la, bɛ n sii baraa zɛnɛɛ a din gɔ̀nɔn kɛ nɛ.

Timəə dí-pɛn 16:20

Ka n doa ka kɔ peperebaa lɛ, màn mɛn bɛ́ toɛ, kaa Lawa, Dɛnaa Lawa bɛ́ gána mɛn lɛ koe ka la, ka yii boo la a goã koo, ka bɛa gána lɛ si ka baa kaa wɔ lɛa.

Timəə dí-pɛn 33:1

Lawa a boo gii-dali Muizu barka mɛn da Izirayeli minin lɛn ganaa á tɔ́n gã, bɛ n ka kɛ nɛ.

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.

Timote1 4:12

N nyan toa min kɔ́n nə n yii puusə kɔ n nɛnyaanbaa kɛ taman yii wa. Sɛnɛ, da ǹ boo ne, tɔ wɔ ǹ gɔn nɛ, kɔn-narɛɛ nɛ, goleemali laanka *yoreenbaa nɛ, toa n goã bɛn yɔrɔ-nyaali lɛa golee Lawa li wolen manɛ.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 2:21

Bɛ̀ min mɛn nə n din kũ, bɛa boo kooron lɛn ganaa, bɛa dɛnaa á die dí nya ǹ màn sonbore biɛ. A giala, a n Dɛnaa wɔ lɛa, á n sii bǐɛ̃ koe Dɛnaa nɛ, á n boe la a zɛnaa ǹ sii sonbore tumaa zɛnaa.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Timote2 3:10

Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Timote2 3:17

Lawa a Boo lɛ n bɛ zɛnɛɛ, màn mɛn bɛ́ toɛ, Lawa a dí-nyali a sii lɛ pã, a boo la a dí sonbore tumaa nya.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Piɛrɛ1 3:11

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Samayeli1 2:27

Lawa a boo gii-dali goon n daa Elii li á pɛ nɛ mà Dɛnaa Lawa n kɛ pii: «Á ke, masɛ nə́ n din nyaa n digolon lɛn manɛ foãnɛ, a ǹ toa Faarahɔn a bɛ̀rɛbaa gɔ́ɔ̃ nɛ Ezipti gána nɛ.

Samayeli1 9:6

Sɛnɛ dí-nyali lɛ pɛ nɛ: «Á ke, giĩ goon tan kɛa kiwi kɛ nɛ, Lawa a boo gii-dali lɛa, a tɔ bɔ. Boo woo boo á n diɛ, a sàabiɛ wa. Daa wɔ wo bɛ li kanna kɔntan, wɔ doa bɛ́ nɛ wɔ zii mɛn saa, á die bɛ nyɛɛ wɔsɛn manɛ.»