Timote1 6:1 - LAWA A BOO SONBORE

¹ Min mɛnɛn tumaa bɛ́ bɛ̀rɛbaa gɔ́ɔ̃ nɛ, bɛn doamaa nɛ ǹ ga ǹ goledɛnan ganaa, mà ǹ doamaa-n ka guguru kɔ lɛ piɛ̃ nɛ. Màn mɛn bɛ́ toɛ, Lawa tɔ baraa baran n pɛ wa, baraa dɔ baran n pɛ, minin daraa ǹ boo kɛ wɔ paǹ li wa.

LAWA A BOO SONBORE 2011

¹ Min mɛnɛn tumaa bɛ́ bɛ̀rɛbaa gɔ́ɔ̃ nɛ, bɛn doamaa nɛ ǹ ga ǹ goledɛnan ganaa, mà ǹ doamaa-n ka guguru kɔ lɛ piɛ̃ nɛ. Màn mɛn bɛ́ toɛ, Lawa tɔ baraa baran n pɛ wa, baraa dɔ baran n pɛ, minin daraa ǹ boo kɛ wɔ paǹ li wa.

Timote1 6:1 Iomraidhean Croise

Siin Giala 16:9

Dɛnaa a lon a dia dí-a wole lɛ tɔ́n pɛ nɛ: «Wusoo n wo n mìinaa lɛ li, n nə n din doroo ne.

Siin Giala 24:12

Á Lawa nyankɔ á pɛ: – Dɛnaa, maa dɛnaagiĩ Abrahamu a Lawa, toa maa tɔ-wɔ kɛ bǐɛ̃ kɔ pelo. N din a sonborebaa nyaa masɛ a dɛnaagiĩ Abrahamu ni.

Siin Giala 24:2

Ǹ kɔn pinaa, Abrahamu pɛ a kion a bɛ̀rɛgiĩ goon ne, ǹ mɛn lɛ bɛ́ zizi á la a kion a bɛ̀rɛ gialakunun kɛn manɛ, a n giã nɛ a gɔn mànan tumaa mìi la: «N gɔn da masɛ gisi li.

Siin Giala 24:27

«Maa barka tá Dɛnaa ganaa, maa dɛnaagiĩ Abrahamu a Lawa ganaa, bɛ mɛn bɛ́ á sonborebaa taãn nyaa maa dɛnaagiĩ ni, a ná a lɛkɔmala ǹ siin tumaa lɛ pã a wɔ paǹ li. N din ni n mɛ masɛ nyɛɛnɛ, n daa ma koa maa dɛnaagiĩ ǹ dɔɔ̃nɔn kion.»

Samayeli2 12:14

Sɛnɛ, sii kɛ lɛ gɔ́ɔ̃ nɛ, ń Dɛnaa Lawa puusə kɔ parsiini, ń kɔ a zɔ́ɔn la. Bɛ lɛ taman yii, nɛgiĩ mɛn yɛ n wɔ lɛa ke, bɛ á re giɛ̃ sɛn.

Kiin2 5:13

Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Izayii 52:5

Bɛ gɔ́ɔ̃-n sisia, bɛa là n ka wáa nɛ masɛ ganaa? Dɛnaa Lawa a da ǹ boo ne. Ǹ nə́ woo maa zaman lɛ nɛ kòso nɛn lɛa kooro. Min mɛnɛn bɛ́ ǹ mìi la, maǹ nə n lɛ dii, ǹ nə́ sɔ kiɛ ma la duduu, Dɛnaa Lawa a da ǹ boo ne.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Ezekieli 36:20

Maa minin lɛn bɛ́ ǹ nə́ woo gánan mɛnɛn nɛ, ǹ nə́ ma tɔ sonbore kɛ ziziɛ̃ walan. A giala, maǹ nə́ goã kɛ pii ǹ wɔ paǹ li: «Dɛnaa Lawa a minin man ka kɛn nɛ, sɛnɛ, ǹ nə́ ke ǹ nə́ soo ǹ nə́ n bɔ a gána nɛ!»

Ezekieli 36:23

Ká ma tɔ ziziɛ̃ tɔrɔ kɔsɔn bii, ká sìi da ma ganaa. Sɛnɛ, ma á re nyɛɛ bɛn manɛ, maa ma din nə Lawa gole sonbore lɛa. Man die dí nyɛɛ ká ka dinin lɛn nɛ, ma maa Lawabaa lɛ nyaa ǹ nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa. Ma din Dɛnaa Lawa a da ǹ boo ne.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Matiə 11:30

Masɛ bɛ́ guĩ mɛn koe ka la á puusə, a guĩ a kaka wa.»

Matiə 11:9

Ka n ka woo ga wàa ganaa kəni? Lawa a boo gii-dali ni? Paɛ! Masɛ n pii ka nɛ, máa la Lawa a boo gii-dali din ni.

Luku 17:1

Yezu mà a kialandɛnan ganaa: Sàabaa ba bɛ la wa, siin man die yii, ǹ minin nyanaa ǹ nə ǹ kaa sii baraa zɛnaa ganaa. Sɛnɛ, min mɛn bɛ́ bɛa siin kɛn lɛn lɛ-bɔle lɛa, bɔ̀ndɛnaa n ka bɛ nɛ.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Nya ǹ dín 10:7

Lon a dia dí-a wole mɛn goã boo diɛ nɛ, bɛ bɛ́ á papaã lɔn gɔrɔ, Kɔrnɛyi lɛ dia a kion minin min paa la, ka sɔraasi nyɛ́ɛbaa Lawa yii-n wole goon ne, min mɛn bɛ́ a dinmaa a dí yɔrɔ-bɔle lɛa haalɛ bibi.

Nya ǹ dín 15:10

Bɛ lɛ tɔ ganaa, a ba siĩni wɔsɛn nə wɔ Lawa lon wa. Wɔsɛn dinin laanka wɔ digolon bɛ́ wɔ boo la wɔ́ guĩ mɛn gũ wa, wɔsɛn ba siĩni wɔ bɛ da tɔrɔ kɔsɔ Lawa-nyankɔlen kɛn mìi-n wa.

Rɔmu minin 2:24

Sonbore, a kiɛ̃maa tá Lawa a boo-n kɛnɛn: «Ka dinin kɛn lɛn lɛa nɛ, tɔrɔ kɔsɔn tá Lawa tɔ ziziɛ̃.»

Korɛnti1 10:32

Ka giã doɛ̃, ta Zuifun manɛ, ta Grɛkin manɛ, ta Lawa a sɔmɔn manɛ, ka nyan kɔ́n da kanaa ǹ minin baa wa.

Galaasi minin 5:1

*Krita na á wɔ si bɛ̀rɛbaa la, mà wɔ goã wɔ gɔn wìi a lɛa taãn-taãnɛ. Ka toa ka goã doa-n sɔnbɔraanɛ bɛa tá ma din gɔn wìi a lɛa kɛ lɛ gɔ́ɔ̃ nɛ. Ka nyan toa, ka wusoo ka ka dinin kɔ bɛ̀rɛbaa la doo wa.

Timəə dí-pɛn 28:48

Dɛnaa Lawa bɛ́ re zɔ́ɔn mɛnɛn diɛ ka la, ka á re dí nyɛɛ bɛn nɛ ka bòo ne, ka mu boro ne, ka ka tontoro ne, mán kɔn ná a ka gɔn wa. A n die nɔmaa gole diɛ ka mìi ni yǎa a ka dii.

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Tiitii 2:5

Ń giɛ dɔn ǹ tá boe la ǹ goã mìiwedɛnan lɛa, ǹ nə́ *yoreen ne, ǹ lɔ baa, ǹ dí-nyali sonboren baa kion, ǹ sii n siĩni, ǹ nə ǹ zuũn lɛ si. Màn mɛn bɛ́ toɛ, min kɔ́n baran boo-ziziɛ̃ da Lawa a boo wɔ paǹ li wa.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.