Timote1 5:6 - LAWA A BOO SONBORE

⁶ Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

LAWA A BOO SONBORE 2011

⁶ Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

Timote1 5:6 Iomraidhean Croise

Siin Giala 2:17

Sɛnɛ, sii bǐɛ̃ laanka sii baraa dɔ̃ ǹ da ke, n nyan toa bɛa nɛ wɔ n lɛ-n wa dɛ! A giala, bɛ̀ n ná a nɛ bii ǹ mɛn pinaa, n tá re giɛ̃, sàabaa ba bɛ la wa.»

Suusun 29:21

Bɛ̀ n nə́ n bɛ̀rɛ ziziɛ̃ a yoo tán waáraa, a n yoo-baali biɛ.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Zeremii 6:2

Á ke, *Siɔn nə die yui, kiwi siĩn sonbore ke!

Busii pɛ 4:5

Min mɛnɛn nə goã màn kɔɔ̃n bii, bɛn man giɛ̃ tán zii mìi ni. Min mɛnɛn nə too naforo gɔ́ɔ̃ nɛ, bɛn man yisi gugusi ka ǹ gɔn nɛ.

Matiə 8:22

Yezu tɔ́n pɛ nɛ: «Kɔ masɛ kio lɛ. A toa geren nə ǹ geren bĩ.»

Luku 12:19

Ma á re pii ma dinmaa-n bɛ kio kɛnɛn: Á ke, má gɔn màn gigiã sɔkɔn lɛ̀ gigiã wɔ lɛa. Man die giɛ̃ tán-a, man susu, ma màn bii, masɛ yɔ mi, man nyɛnyɛɛ.»

Luku 15:13

Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

Luku 15:24

A giala a n goon ka maa nɛ kɛ na á gã, a yii wusoo á kaa. A na á papaã, á wusoo á yɛ.» Ǹ nə́ yoo ǹ tá zɔ́n zɛnɛɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Luku 16:19

«Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Luku 7:25

Sɛnɛ, ka n ka woo ga wàa mɛn ganaa? Min mɛn bɛ́ nyaǹ bɔ ǹ mɔnaan nə́ goã a ganaa? Táa min mɛnɛn bɛ́ mɔnaa sonboren we, ǹ gɔn màn nə́ gigiã, bɛn man pàãma kion dadaran nɛ. ZAÃ lɛ goã miɛ̃ wa.

Efɛɛzi minin 2:1

Lɛlɛ, ka ǹ ká goã geren lɛa Lawa wɔ paǹ li, kaa sã ǹ siin lɛa, ka kaa sii baraan nɛ.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Timəə dí-pɛn 28:54

Ka bii, giĩ mɛn bɛ́ min sonbore lɛa a n makara doɛ̃, bɛ n die n yii baraa boe a din dɔɔ̃nɔn li, a din gòã li ǹ lɔ nɛ ka a din a nɛgiĩn mɛnɛn nə́ ke á ǹ koa.

Timəə dí-pɛn 28:56

Ka bii, lɔ mɛn bɛ́, bɛ̀ á tɔ we ka a goã baran mɛ tán wa, min sonbore lɛa a n makara doɛ̃, bɛ dɔ á re n yii baraa boe a din a wɔ ǹ zuũ li, a nɛgiĩ laanka a nɛlɔ nɛ.

Kolɔɔsi minin 2:13

Kasɛn mɛnɛn bɛ́ ká goã goon ka geren ne, kaa sii baraan laanka kaa soromabaa a lɛa, Lawa na á wusoo á ka yii kaa kun ka Krita lɛ din ni. Lawa lɛ na á wɔa sii baraan tumaa toa wɔ nɛ.

Timote2 3:6

Ǹ dinin kɛn lɛn tɛnɛn man nɛn bɛ̀ ǹ nə n dɔ lɔ yiri wɛɛnaan li kion, bɛ̀ ǹ nə ǹ bebele, ǹ nə ǹ kũ ka ǹ da ǹ boon ne. Sii baraa guĩ baa bɛa lɔn lɛn mìi ni. Maǹ bɔlɔ sɛ̀-mui sii tɔrɔ tumaa kio.

Zaaki 5:5

Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»

Sii-nyaan 3:1

Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!

Samayeli1 15:32

Samayeli pɛ: «Ka da ka Agaagi ni masɛ li, Amalɛki tɔrɔn kii lɛ.» Agaagi daa Samayeli li. A yɔrɔ goã kɔsiɛ-n wa, a giala, a na á goã taasɛ mà asɛ kanbaa gɛ̀ kɔɔsɛ ganaa.

Samayeli1 25:6

«Lawa die a nyin sasa kɔ n la, a là nyantoro kɔ n din laanka n kion minin la, a n gɔn pã a da n lon.