Timote1 5:5 - LAWA A BOO SONBORE

⁵ Lɔ mɛn bɛ́ giɔɔrɔ lɛa taãnɛ, á giã a dinsɔɔ̃ lenlenm bɛ na á n foo doa Lawa ganaa, á n sii sii a ganaa. A n gòã-kũ diɛ Lawa lɛ ganaa, a ná a nyankoe penleen ka tèlò ne.

LAWA A BOO SONBORE 2011

⁵ Lɔ mɛn bɛ́ giɔɔrɔ lɛa taãnɛ, á giã a dinsɔɔ̃ lenlenm bɛ na á n foo doa Lawa ganaa, á n sii sii a ganaa. A n gòã-kũ diɛ Lawa lɛ ganaa, a ná a nyankoe penleen ka tèlò ne.

Timote1 5:5 Iomraidhean Croise

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Izayii 49:21

N tá re pii n din gɔ́ɔ̃-n kəni: Die na á nɛnyaanan kɛn tumaa kɔ ma la? Man má goã gɛlaa lɛa, maa nɛ banban. Man má goã bɛ̀rɛbaa ǹ bǎã nɛ, gɔn dɔ̀ɔ̃ nɛ. Kɛn bíi-a, die na á ǹ too? Ma bɛ́ má goã bíi-a ma dinsɔɔ̃, bɛa nɛnyaanan kɛn man nə́ goã maa kəni?

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 54:1

Zeruzalɛmu, n nyɛnyɛɛ, nsɛ mɛn bɛ́ nɛ goã n lon wa! Nsɛ mɛn bɛ́ n ba nɛ yɛ lɛ doɛ̃ wa, gɔ̀lɔ̀baa ǹ lɛ-dɛ wɔ, n foo kɔɔ̃nbaa ǹ lɛ-dɛ wɔ! Dɛnaa Lawa n pii n ni: Nsɛ mɛn bɛ́ ǹ nə́ n la bɔ n ganaa, n tá re nɛ gigiã yii a la lɔ mɛn din bɛ́ ǹ zuũ ná a tan.

Busii pɛ 1:13

Á n toa lon á tɛ dia, á ma kũ yǎa ma wen ganaa. Á kan kɔ ma gòãn li, á ma làfu kɔ tán. Á ma da ma gɔrɔn, man busu koe lɛawaa yii li.

Luku 18:1

Yezu boo giməə kɔ́n da a kialandɛnan manɛ, á nyaa ǹ nɛ mà min doamaa nɛ, a Lawa nyankɔ biikoo tumaa waáraa, a gù ná a giɛ̃ wa.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Luku 2:37

Bɛ kio, á goã lɔ giɔɔrɔbaa nɛ, yǎa á zizi kɔ á woo dɔ lɛ̀ pɔkiwisiwensii. A goã soe doo á n boe Lawa a kion wa, a na á goã Lawa guguru koe tèlò laanka penleen ne, bɛ̀ a nə́ n lɛ soɛ á n Lawa nyankoe.

Nya ǹ dín 26:7

Wɔsɛn tɔrɔ kiɛnlɛ fulupaa kɛ lɛ din tumaa dɔ foo n doa nɛ, mà bɛa lɛ-kɔ kɛ lɛ lɛ á re piɛ̃, bɛ lɛ nɛ ǹ tá n gù we yii, ǹ nə́ Lawa guguru koe tèlò laanka penleen ne. Kii Agripaa, bɛa foo-doa sii ganaa kɛ lɛ din dɔ a lɛa nɛ Zuifun tá ma zɛ̀rɛ biɛ.

Nya ǹ dín 6:1

Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.

Nya ǹ dín 9:39

Piɛrɛ bɛ́ á bɛ ma lɔn gɔrɔ, á yoo á woo kun ka min paa lɛ nɛ. A bɛ́ á dɔ Zoopee kiwi, ǹ nə́ woo ne sanabolo kion kɛ nɛ. Lɔ giɔɔrɔ lɛ tumaa na á goã golee ne a yɔrɔ-a wuu pii, bɛ̀ ǹ nə́ dɔnkɛ bɔnboɛɛnɛn laanka a dadaran nyɛɛ nɛ, Dɔrkaasi goã mànan mɛnɛn zɛnɛɛ bɛ̀ a yii bɛ́ tɔn koo.

Nya ǹ dín 9:41

Piɛrɛ kũ a gɔn ganaa, á n dɔ lɛ á yoo lon. Á tɔ́n lɔ giɔɔrɔn lɛn bíi, ka Lawa-nyankɔle gialakunun kɛn nɛ, á Tabita lɛ nyaa ǹ nɛ a yii n koo.

Rɔmu minin 1:12

Haayii, man die ka li, golee Lawa li goon mɛn bɛ́ wɔ lon, wɔ pàã yɛ kun ka bɛ barka nɛ, kaa wɔ ma foo taã, ma dɔ wɔ ka dɔn foo taã.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Korɛnti1 7:32

Ma ba li máa taasiɛ mɔnaa ka ganaa wa. Giĩ mɛn bɛ́ a tɔn lɔ wɔ wa, bɛ nə n taasɛ Dɛnaa foo siin dininsɔɔ̃nɔn ganaa, a n giɛ li, mà asɛ Dɛnaa foo kɔɔ̃n kɔ.

Korɛnti1 7:34

A n talɛɛ-n kɔn taasiɛ màn paa bii ni. A din yii goon ne, lɔ hinlaa nɛniɛ mɛn bɛ́ a tɔn wɔ giĩ li wa, bɛ nə n taasɛ Dɛnaa a siin dininsɔɔ̃nɔn ganaa, a giala, a n giɛ li, mà asɛ gɔ̀nɔn laanka asɛ a taasiɛ goã Dɛnaa wɔ lɛa. Sɛnɛ, ǹ mɛn wɔ giĩ li, bɛ nə n taasɛ kanaa foo siin dininsɔɔ̃nɔn ganaa, a n giɛ li, mà asɛ nə ǹ zuũ foo kɔɔ̃n kɔ.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Filipi minin 4:6

Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

Timote1 2:1

Bibinaa kəni, man kɛ koe dí lɛa: Man máa minin nə ǹ laadoo siin pɛ Lawa nɛ. Máa ǹ na a nyankɔ, ǹ gòã-kũ da a ganaa, ǹ barka da nɛ min tumaa a lɛa,

Timote1 5:16

Bɛ̀ lɔ giɔɔrɔn tá lɔ golee Lawa li wole mɛn a kion, a doamaa nɛ a n dɔ ǹ lɛ. A doamaa bie a toa Lawa a sɔmɔ nə n toɛ̃ ka bɛn guĩ-n wa. Màn mɛn bɛ́ toɛ, lɔ giɔɔrɔ kɔsɔn mɛnɛn bɛ́ min ba ǹ la wa, a boo la a n dɔ bɛn lɛ.

Timote1 5:3

Lɔ giɔɔrɔn mɛnɛn bɛ́ min ná a ba ǹ la wa, ga bɛn walan, n nə ǹ guguru kɔ.

Timote2 1:3

Ma á barka diɛ Lawa-n parsiini, man dí nyɛɛ a din lɛ-n ka gɔ́ɔ̃ fubaa nɛ, ka ma digolon bɛ́ ǹ nə́ zɛnaa lɔn. Bɛ̀ ma á Lawa nyankoe lɔn baraabaraa nɛ, penleen ka tèlò ne, ma á n boo diɛ a nɛ, man barka diɛ nɛ.

Piɛrɛ1 3:5

Lɛlɛ-lɛlɛ a lɔ sonboren mɛnɛn bɛ́ ǹ nə́ goã n foo doɛ Lawa ganaa, bɛn man nə́ goã giɛ bɛa siĩnbaa kɛ li ka ǹ zuũn bɔlɔ si ni.

Uruti 2:12

N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»