Timote1 5:21 - LAWA A BOO SONBORE

²¹ Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.

LAWA A BOO SONBORE 2011

²¹ Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.

Timote1 5:21 Iomraidhean Croise

Loen 107:43

Bɛ̀ min mɛn tá li a sii dɔ̃, a die a n yiri koa bɛa siin kɛn lɛn tumaa li, a dɔ̃ ma Dɛnaa Lawa a bǐɛ̃ lɛ na a tan yǎa duduu.

Loen 119:34

Yiri kɔ ma la, ma boo la ma kɔ n landa boon kɛn lɛ, ma boo la ma ǹ tamaa ka ma foo tumaa nɛ.

Suusun 18:5

Sonbore kɔ min baraa la a siĩn wa. Mɛnaa min pepere la kiri wɔ ǹ bǎã nɛ, bɛ dɔ n sii bɔnɛɛ lɛa.

Lawa a wúlu-bɔlen 14:42

mà ǹ kɔlɔ kɔsɔn goa, ǹ nə ǹ kaa kɛn lɛn bǎã nɛ, ǹ tii kɔsɔ goa, ǹ kion lɛ gɔ̀nɔn tɔrɔ nɛ.

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Malakii 2:9

A bɛ́ miɛ̃, masɛ n die Izirayeli a zaman tumaa kɛ yii soe ka ganaa, ǹ ka pɔpɔsɛ, ǹ sìi da ka-a, a giala ka a ma foo sii zɛnɛɛ wa, ka n kun paǹ goon ne ka paǹ goon toa wolan maa laanda siin wɔ paǹ li.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Luku 20:21

Ǹ nə́ nɔ̀n kɛ da la: «Mìinaa, wɔsɛn tá doɛ̃ wáa n bɛ́ màn mɛn pii, n bɛ minin darɛɛ ǹ mɛn-a, bɛ á pepere. N ba bɔkɔnlɛ we wa. Minin doamaa bɛ́ nɛ ǹ tɔ wɔ pepere lɔn Lawa a zii la, ma n minin darɛɛ bɛ ganaa sɔnbɔraanɛ.

Luku 9:26

Bɛ lɛ nɛ, min mɛn bɛ́ sìi koe masɛ tɔ pɛ ganaa kanaa, a n sìi koe masɛ a boo kɛ lɛ dɔ a pɛ ganaa, Min a Nɛgiĩ bɛ́ re die ǹ mɛn pinaa, ma din laanka maa Díi a gugurubaa kɛ nɛ, kun ka lon a dia dí-a wole sonboren kɛn nɛ, ma dɔ á re sìi koe bɛa dɛnaa ganaa.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Timəə dí-pɛn 1:7

Ka n bɔyaa kəni, ka zii saa, ka wo Amɔɔrɔ tɔrɔn kele yii tɔrɔn kɛn tumaa nɛ: Nyankɔrɔ lɛ kɛ nɛ ǹ nə́ bíi Arabaa, kele yii kɛ nɛ, ka bǎã kɛ nɛ ǹ nə́ bii *Sefela, diə bǎã kɛ nɛ gusin a lɛ̀gɔn la, Yìsi mu gole lɛ-a basa kɛ nɛ, Kanaan minin gána laanka Liban gána nɛ, yǎa tà gole kɛ lɛ-a, Efrati tà lɛ.

Timəə dí-pɛn 33:9

Ǹ nə́ n din narɛ á la ǹ díin laanka ǹ náan manɛ, ǹ nə́ n piã ka ǹ dɔɔ̃nɔn nɛ n din a lɛa, ǹ nə́ ǹ nɛnyaanan tii n din a lɛa. Ǹ nə́ n boo kɛ tamaa, ǹ nə́ n yiri koa n lɛ kɔ kɔn la lɛ li.

Tesaloniki1 5:27

Man pii ma á laɛ ka ganaa ka Dɛnaa tɔ nɛ, máa sɛ́wɔ kɛ a boo nə n pɛ dɔɔ̃nɔn tumaa yɔrɔ-a.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.

Timote2 2:14

Boo kɛ tumaa pɛ, n minin yiri da a nɛ, n laa ǹ ganaa Lawa yɔrɔ-a, mà ǹ baran kɔn lɛ baã boon ganaa wa. Bɛa kɔn lɛ baãn kɛn lɛn ba sii kɔ́n bǐɛ̃ koe wa. Min mɛnɛn bɛ́ n too koe li, a n bɛn ziziɛ̃ dinin.

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.