Timote1 5:13 - LAWA A BOO SONBORE

¹³ Ka bɛ dɔ nɛ, dí bɛ́ a ba ǹ gɔn wa, maǹ kiɛnlɛn koe kɔn. Ǹ dí nyabaã kɛ dinsɔɔ̃ bie wa, sɛnɛ, maǹ nə n lɛ dɔ we boo tumaa nɛ, ta ǹ mɛn ba ǹ bǎã-n wa. Boo mɛn ba da ǹ boo lɛa wa, maǹ bɛ diɛ.

LAWA A BOO SONBORE 2011

¹³ Ka bɛ dɔ nɛ, dí bɛ́ a ba ǹ gɔn wa, maǹ kiɛnlɛn koe kɔn. Ǹ dí nyabaã kɛ dinsɔɔ̃ bie wa, sɛnɛ, maǹ nə n lɛ dɔ we boo tumaa nɛ, ta ǹ mɛn ba ǹ bǎã-n wa. Boo mɛn ba da ǹ boo lɛa wa, maǹ bɛ diɛ.

Timote1 5:13 Iomraidhean Croise

Suusun 11:13

Min mɛn bɛ́ soɛ diɛ ǹ miãn la, a n sii durii dɔ pii. Sɛnɛ, min mɛn bɛ́ yiridɛnaa lɛa, a ba boo diɛ wa.

Suusun 20:19

Min mɛn bɛ́ n miãn tɔ baraa pii bǎã tumaa nɛ, a nə ǹ boo duriin dɔn pii. N parabaa ka boo da a la yii-n wole ne.

Suusun 31:27

Sii mɛn tumaa bɛ́ n zɛnɛɛ a kion, a n giɛ bɛ walan. A nə n piɛ̃ ka gɔnɔn kaa ma kolo-n ne.

Suusun 7:11

Bɛa lɔ lɛ yii n kaka, sìi goon din ba-a wa. A boe la á giɛ̃ kion wa.

Lawa a wúlu-bɔlen 19:16

Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.

Luku 10:7

Ka giã bɛa kion lɛ nɛ, màn woo màn, ǹ nə́ die koe ka la, ka bii. A giala ka doamaa-n ka màn-bii ni, ka dí-nyali doamaa bɛ́ ka a saraa-n lɔn. Ka baran n bibiə̃ kion kɔsɔn nɛ ka màn bii wa.

Nya ǹ dín 20:20

Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Timote1 5:12

Maǹ dɔlɔ diɛ ǹ dinin mìi-n ka bɛa yɔrɔ kɛ lɛ nɛ. A giala, ǹ lɛ kɔ sii mɛn ganaa bibinaanɛ, ǹ nə́ wusoo ǹ nə́ n piã ka bɛ nɛ.

Tiitii 1:11

N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Zaaki 3:10

Boo bǐɛ̃ laanka a baraa nɛ, ǹ tumaa n boe a din lɛ goon kɛ lɛ nɛ. Ma dɔɔ̃nɔn lɛn, a siĩni a n baa miɛ̃ wa.

Piɛrɛ1 4:15

Ma nyín siére ka nɛ, ka kɔn baran fuu yɛ gɛ̀-dɛ a lɛa wa, ka wurumubaa hinlaa basaã-kɔlebaa a lɛa-n wa, hinlaa wɔ min kɔsɔ a sii ni a lɛa wa.

Zaã3 1:10

Bɛ lɛ nɛ, bɛ̀ má daa walan, a sii bɔnɛɛ mɛn tumaa zɛnaa, a boo baraan mɛnɛn da, ka soɛn mɛnɛn nɛ wɔsɛn wɔ paǹ li, ma á re a tumaa nyɛɛ. Sɛnɛ, bɛ kɔ́n dɔ a yii li wa: wɔ dɔɔ̃nɔn mɛnɛn bɛ́ die walan, a nə n piɛ̃ doo mà ǹ baran bɛn dɔn si wa. Min mɛnɛn dɔn dinin bɛ́ zoɛ̃ mà ǹ nə ǹ si, a n bɛn dɔn kurii mà ǹ baran ǹ si wa, a n giɛ li mà a ǹ loo dinin, a ǹ bɔ Lawa a sɔmɔ-n.