Timote1 5:1 - LAWA A BOO SONBORE

¹ N nyan kakaarɛ kɔ min golen ganaa wa, sɛnɛ, boo da ǹ nɛ ka n bɛ́ boo diɛ n díi-n lɔn. Tɔntɔraan kũ n din dɔɔ̃nɔn lɛa.

LAWA A BOO SONBORE 2011

¹ N nyan kakaarɛ kɔ min golen ganaa wa, sɛnɛ, boo da ǹ nɛ ka n bɛ́ boo diɛ n díi-n lɔn. Tɔntɔraan kũ n din dɔɔ̃nɔn lɛa.

Timote1 5:1 Iomraidhean Croise

Lawa a wúlu-bɔlen 19:32

Ka min gole guguru kɔ, ka yoo ka bǎã kɔ la. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa yii ni. Masɛ din Dɛnaa Lawa n má pɛ.

Matiə 23:8

«Sɛnɛ, kasɛn baran toa minin nə́ ka bíi "mìinaa" wa. A giala, ka dinin tumaa n goon, kɔn dɔɔ̃nɔn lɛa, Mìinaa goon toto dinsɔɔ̃ n ka lon.

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Nya ǹ dín 15:4

Ǹ bɛ́ ǹ nə́ dɔ Zeruzalɛmu, Lawa a sɔmɔ minin ni, dia dí-a wolen ne, ka nyɛɛnaandɛnan nə́ n da ǹ lɛ sɔnbɔraanɛ. Lawa dí mɛn tumaa nya ǹ gɔn, ǹ nə́ bɛ yii laakalaa ǹ nɛ.

Nya ǹ dín 15:6

Dia dí-a wolen laanka nyɛɛnaandɛnan nə́ n lɛ sɔkɔn, ǹ nə́ bɛa boo kɛ lɛ sɔsɔ̃ ǹ nə́ ga a ganaa.

Nya ǹ dín 20:17

Pooli bɛ́ Milɛti kiwi, á lɛ dia Efɛɛzi a Lawa a sɔmɔ nyɛɛnaandɛnan la.

Rɔmu minin 13:7

Ka doamaa bɛ́-n ka màn mɛn kɔ goledɛnan la, ka bɛ kɔ ǹ la. Ka nyin giɔ̀mɔ saraa ǹ la, ka wusuru kɔ ǹ la, ka nyɛ́ɛ baa ǹ nɛ, ka ǹ guguru kɔ. Ka doamaa bɛ́ nɛ, ka màn mɛn kɔ ǹ la, ka bɛ kɔ ǹ la.

Galaasi minin 6:1

Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.

Timəə dí-pɛn 33:9

Ǹ nə́ n din narɛ á la ǹ díin laanka ǹ náan manɛ, ǹ nə́ n piã ka ǹ dɔɔ̃nɔn nɛ n din a lɛa, ǹ nə́ ǹ nɛnyaanan tii n din a lɛa. Ǹ nə́ n boo kɛ tamaa, ǹ nə́ n yiri koa n lɛ kɔ kɔn la lɛ li.

Timote1 5:17

Ga Lawa a sɔmɔ walan wolen mɛnɛn bɛ́, ǹ dí nyɛɛ a yɔrɔ li, bɛn doamaa-n ka saraa paa nɛ. Sanparɛ ǹ mɛnɛn bɛ́, ǹ nə́ Lawa a boo laakalaa laanka minin daraa baa ǹ nya ǹ dí lɛa.

Timote1 5:2

Lɔ zizin kũ n daanan lɛa, n lɔ tenən kũ n miãnɛnɛn lɛa, a yɔrɔ sonbore tumaa li.

Tiitii 2:2

A pɛ giĩ zizin manɛ, mà ǹ toa ǹ boo ǹ dinin la, ǹ gugurubaa yɛ, ǹ nə́ mìiwedɛnan lɛa. Ǹ toa ǹ goã piɛ̃-n ka goleemali sonbore ne, ka minin-narɛɛ nɛ, ka foo-kũ ni.

Tiitii 2:6

A din goon ne, nɛ tenən dɔn foo taã, ǹ goã mìiwedɛnan lɛa.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Zaaki 5:14

Bɛ̀ kaa min mɛn ba lon wa, ǹ dɛnaa Lawa a sɔmɔ nyɛɛnaandɛnan bíi, bɛn nə nyɔɔ lɔ a ganaa ka Dɛnaa tɔ nɛ, ǹ Lawa nyankɔ a lɛa.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Zaã2 1:1

Masɛ *min gole lɛ n sɛ́wɔ kɛ diɛ "lɔ kɛ la Lawa bɔ á koa ka a nɛnyaanan nɛ". Man ka narɛ taãn-taãnɛ. Masɛ dinsɔɔ̃ bie ka narɛ wa, min mɛnɛn tumaa bɛ́ sonbore doɛ̃, bɛn dɔn man ka narɛ miɛ̃.

Zaã3 1:1

Masɛ *min gole kɛ n sɛ́wɔ kɛ diɛ maa giaára Gayusu la, má n narɛ taãn-taãnɛ.

Sii-nyaan 4:4

Kii dankan fuəwensii kɔsɔn nə́ dankan goon kɛ lɛ lɛnpɛnɛ, *min gole fuəwensii n giã nɛ ǹ tumaa nɛ, ǹ nə́ mɔnaa fufun wɔ ka sana kii bafolon ne ǹ mìin ganaa.