Timote1 4:1 - LAWA A BOO SONBORE

¹ Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

LAWA A BOO SONBORE 2011

¹ Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Timote1 4:1 Iomraidhean Croise

Siin Giala 3:13

Dɛnaa Lawa pɛ lɔ lɛ nɛ: «Wàa na á baa ń kɛ zɛnaa?» Lɔ lɛ ná a lɛ si: «Miɛ̃ na á ma bebele, má da nɛ lɛ bii.»

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Zeremii 23:26

Bɛa Lawa a boo gii-dalin lɛn man soɛ boon diɛ, ǹ nə́ ǹ dinin taasiɛn pii. Bɛ n die beleboe yǎa biĩ kəni?

Zeremii 48:47

«Sɛnɛ, ǹ kɔn pinaa, ma á re Moabu a lɛlɛ ǹ giã ǹ gɔn koe la.» Dɛnaa Lawa a da ǹ boo ne. Moabu a kiri wɔmaa nə n lɛ doɛ kànaa.

Zeremii 49:39

Sɛnɛ, ǹ kɔn pinaa, ma á re wusii ma Elamu a lɛlɛ ǹ giã ǹ gɔn kɛ kɔ la. Dɛnaa Lawa a da ǹ boo ne.

Ezekieli 1:3

Dɛnaa Lawa boo da ka masɛ Buuzi a nɛ Ezekieli ni, *Baabilonii minin gána nɛ, Kebaara tà lɛ-a. Dɛnaa Lawa a pàã gisĩ masɛ la walan.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.

Minin nimi 24:14

Kanna kəni, man die woe ma tɔrɔ minin li. Sɛnɛ, Izirayeli minin lɛn bɛ́ re sii mɛn zɛnɛɛ ka nyɛɛn biɛ̃, Balaaki, n tɔrɔ minin manɛ, daa ma bɛ lɛ pɔrɔ n nɛ.»

Matiə 18:7

Bɔ̀n gole n ka kɛ nɛ kanaa minin mìi ni! A giala siin tan ǹ nə́ minin kiɛ sii baraa zɛnaa ganaa. Bɛ miã siin kɛn bie sàabiɛ wa, sɛnɛ, bɛ̀ a zɛnaa ǹ giala bɔ min mɛn li, bɔ̀n na á bɛa dɛnaa yɛ!

Luku 17:1

Yezu mà a kialandɛnan ganaa: Sàabaa ba bɛ la wa, siin man die yii, ǹ minin nyanaa ǹ nə ǹ kaa sii baraa zɛnaa ganaa. Sɛnɛ, min mɛn bɛ́ bɛa siin kɛn lɛn lɛ-bɔle lɛa, bɔ̀ndɛnaa n ka bɛ nɛ.

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 20:23

Sɛnɛ, ma bɛ́ màn mɛn dinsɔɔ̃ doɛ̃, Yiri Fu n nyɛɛ ma nɛ kiwi gogoonmaa nɛ, mà kòso a nɔmaa nə n yii diɛ ma la walan.

Nya ǹ dín 21:11

A bɛ́ á daa wɔ yaa, á Pooli a maabɛlɛ si, a ná a din gòãn laanka a gɔnɔn yii ni, á pɛ: «Á ke, Yiri Fu n pii kɛnɛn. Maabɛlɛ kɛ bɛ́ min mɛn wɔ lɛa, Zuifun man die bɛa dɛnaa yii kɛnɛn Zeruzalɛmu, ǹ wɔ tɔrɔ kɔsɔn gɔn.»

Nya ǹ dín 28:25

Ǹ dininmaan boo bɛ́ a goã goon wa, ǹ ná a giala kɔ ǹ tá sasawɛɛ, Pooli tɔ́n boo kɛ da ǹ nɛ: – Yiri Fu boo mɛn wɔ Lawa a boo gii-dali Izayii lɛ-n, mà a pɛ ka digolon manɛ, taãn nɛ:

Korɛnti1 10:20

Haayii! Sɛnɛ, man pii ka nɛ, máa min kooron bɛ́ wúlu boe ka mànan mɛnɛn nɛ, máa maǹ nə ǹ koe yiri baraan la, ǹ bie ǹ koe Lawa la wa. Ma ba li máa ka goã kun ka yiri baraan nɛ wa.

Korɛnti1 11:19

A n siĩn dinin nana-kɔn yɛ ka bii, min mɛnɛn bɛ́ min peperen lɛa, wɔ tɔn boo la wɔ bɛn dɔ̃.

Korɛnti1 12:11

Sɛnɛ, a din Yiri Fu goon kɛ lɛ n bɛ tumaa zɛnɛɛ, a n bɛa bǐɛ̃ kɛ lɛ gii didie ne a din foo dùũ li.

Korɛnti1 2:10

Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.

Timəə dí-pɛn 4:30

A biikoo din tá die, bɛ̀ bɛa siin kɛn lɛn tá ka mìi ni ǹ mɛn waáraa, ká n nɔmaa gɔ́ɔ̃ nɛ, ka á re n bɔyɛɛ ka da yǎa kaa Lawa, Dɛnaa Lawa li. Ka á re n too koe a lon bɛa biikoo li.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Timote2 4:4

Ǹ tá re n too boe sonbore li, ǹ nə n too kɔ soɛ boon ganaa.

Zaaki 3:15

Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.

Piɛrɛ1 1:20

Lawa na á ná a din lɛ bɔ, á koa bɛa lɛa, bɛ̀ kanaa bɛ́ a tɔn nə n da wa. A na á nyaa kanna a biikoo kɛ li biikoo giala-nyɔmiɛ lɛa, ka dinin bǐɛ̃ taman yii.

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.

Piɛrɛ2 3:3

Ka dɔ̃ dinin bɔrɔ, mà giala-nyɔmiɛ biikoo li, yaa-wɔlen tá re yii, ǹ nə́ tɔ we á n kɔnpii ǹ dinin dùũ sii babaraan nɛ. Maǹ die ka diɛ yaa lɛa,

Zaã1 2:18

Maa nɛnyaanan lɛn, kanaa a nya dirii! Ká ma mà Krita a zɔ́ɔ doamaa nɛ a daa. Sɛnɛ, ka ga sisia gɔrɔ, Krita lɛ a zɔ́ɔ gigiã nə́ n din nyaa. Wɔ ǹ doɛ̃ ka bɛ nɛ, wáa kanaa lɛ a nya dirii.

Zaã1 4:6

Sɛnɛ, wɔsɛn man Lawa wɔn lɛa. Min mɛn bɛ́ n din koe Lawa-doɛ̃ la, bɛ nə n too koe wɔ lon. Min mɛn bɛ́ a Lawa wɔ lɛa wa, bɛ ba n too koe wɔ lon wa. Yiri mɛn bɛ́ sonbore pii ka minin sã ǹ yiri ke, wɔ ǹ bɛn bɔkɔnlɛ doɛ̃ bɛ li.

Zude 1:18

Ǹ nə́ goã ǹ nə́ pɛ ka nɛ, mà bɛ̀ giala-nyɔmiɛ biikoon nə́ dɔ, mà minin tá re die, ǹ ka da yaa lɛa, ǹ tɔ wɔ a kɔnpɛ ǹ dinin dùũ sii babaraan kɛn nɛ.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 16:14

*Sɛtaan yirin manɛ, ǹ nə́ kaãbaa ǹ siin zɛnɛɛ. Bɛa nɔ̀ɔn babaraa màn sɔɔ kɛ lɛ n woe tán paǹ tumaa a kiin li, ń giɛ, ǹ tá n lɛ soekɔn, ǹ die ǹ zia baa Lawa Pàãyiidɛnaa a lɛawaa gole kɛ a pinaa.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.

Sii-nyaan 18:23

Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 2:11

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, gɛ̀ paabaa ǹ wɔ a re doe bɛ ganaa wa.»

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»

Sii-nyaan 2:29

«Too bɛ́ min mɛn lɔn, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»

Sii-nyaan 2:7

«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.

Sii-nyaan 20:8

Á re woe minin yiri siɛ̃ kanaa gùrù sii din tumaa nɛ, Gɔgə ne ka Magɔgə ne. Á re ǹ lɛ soekɔn ziabaa yii li, ǹ tá re mɔnɛɛ ka yìsi mu lɛkoro lɛ-a ǹ nyɔɔsɔ̃ bɛ́ lɔn.

Sii-nyaan 3:13

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»

Sii-nyaan 3:22

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»

Sii-nyaan 3:6

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.