Timote1 3:11 - LAWA A BOO SONBORE

¹¹ Ǹ lɔn dɔn doamaa nɛ ǹ yii goã guguru. Ǹ baran goã minin tɔ-ziziɛ̃lin lɛa duduu wa. Ǹ goã din-kũlin lɛa, bɔlɔ pepere-pɛlen lɛa sii tumaa gɔ́ɔ̃ nɛ.

LAWA A BOO SONBORE 2011

¹¹ Ǹ lɔn dɔn doamaa nɛ ǹ yii goã guguru. Ǹ baran goã minin tɔ-ziziɛ̃lin lɛa duduu wa. Ǹ goã din-kũlin lɛa, bɔlɔ pepere-pɛlen lɛa sii tumaa gɔ́ɔ̃ nɛ.

Timote1 3:11 Iomraidhean Croise

Loen 101:5

Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

Loen 15:3

A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

Loen 50:20

Ma n giɛ̃ tán, n tá n dɔɔ̃n tɔ pii minin ni, n nə n din dannɛ tɔ ziziɛ̃ minin li.

Suusun 10:18

Min mɛn bɛ́ zɔ́ɔbaa duri, min naarɛ nɛ. Min mɛn bɛ́ soɛ diɛ ǹ miãn la, baãnaa nɛ.

Suusun 25:13

La bɛ́ wɔlɔ nyɛɛ lɔn tɛ̀fuu waáraa, dia dí-a wole bɔlɔgoondɛnaa n pàã koe a mìilandɛnaa la miɛ̃.

Zeremii 9:4

Didie nə ǹ miã siɛ̃, Min kɔn ba sonbore pii wa. Ǹ tumaa lɛ muĩ soɛ nɛ. Ǹ nya ǹ dí n ka sii baraa nɛ.

Ezekieli 44:22

Lɔ mɛn bɛ́ lɔ giɔɔrɔ lɛa, hinlaa ǹ mɛn zuũ bɛ́ á loo, ǹ nyan toa ǹ bɛ wɔ lɔ lɛa wa. Yǎa nɛniɛ mɛn bɛ́ a giĩ doɛ̃ wa, Izirayeli tɔrɔ lɛa. Wúlu-bɔle mɛn bɛ́ á gã, ǹ tá boe la dɔn ǹ bɛa lɔ saa.

Lawa a wúlu-bɔlen 21:7

Lɔ kɔrɔ nɛ, lɔ mɛn dɔ bɛ́ á saa lɛlɛ á giĩ kɔsɔ dɔ̃, ka ǹ mɛn dɔ bɛ́ ǹ zuũ loo, Lawa a wúlu-bɔle doamaa bie a bɛ kɔn saa lɔ lɛa wa. A giala, masɛ Lawa n má wúlu-bɔle lɛ bɔ má koa ma din a dí-nyali lɛa.

Matiə 4:1

Bɛ kio, Yiri Fu mɛ Yezu nyɛɛnɛ, á woo-n diə gole ne, màn mɛn bɛ́ toɛ *Sɛtaan nə n da a gɔ́ɔ̃ li walan.

Zaã a sɛ́wɔ 6:70

Yezu tɔ́n pɛ ǹ nɛ: «Ka dinin min fulupaa kɛ lɛ, ma din bie má ka yii gɔgɔɔ̃ wa? A laanka bɛ lɛ yii ni, kaa min goon nə *Sɛtaan minbuiin lɛa!»

Rɔmu minin 1:29

Ǹ piɛ̃maa-n ka kɔkɔrɔbaa laanka sii baraa tɔrɔ tumaa nɛ. Ǹ foo n wuu pii, ǹ dinin dɔn man baraa. Maǹ minin bebele, maǹ zia diɛ, maǹ gɛ̀ dii. Maǹ gɔn diɛ ǹ miãn ganaa. Maǹ boo baraa diɛ kɔn kio ganaa,

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 6:2

Bɛ̀rɛn mɛnɛn goledɛnan bɛ́ Lawa-nyankɔlen lɛa, bɛn baran pɛ mà ǹsɛn man kɔn dɔɔ̃nɔn lɛa ka ǹ nɛ, ǹ nə ǹ yii puusə kɔ bɛ taman yii wa. Sɛnɛ, ǹ doamaa nɛ ǹ nə n doa doo, ǹ dí nya ǹ nɛ sɔnbɔraanɛ. A giala, ǹ bɛ́ dɔɔ̃n Lawa-nyankɔlen mɛnɛn lɛn narɛ, bɛn lɛn manə ǹ dí lɛ a là yii. N doamaa bɛ́ n minin daraa, n nə n gɔn waa ǹ nɛ ka sii mɛn nɛ, a din ni ka kɛ nɛ.

Timote2 3:3

ǹ tá re kakaarɛ koe, ǹ ba re min makara doɛ̃ wa. Ǹ tá re kɔn tɔ ziziɛ̃ wolen biɛ, ǹ ba re n dinin kuĩ wa. Ǹ tá re baraa koe, sii bǐɛ̃ a die kɔɔ̃n koe ǹ ganaa wa.

Timote2 4:5

Sɛnɛ, nsɛ toa n boo n din la sii tumaa gɔ́ɔ̃ nɛ, n nɔmaa si n ganaa, n Boo Tii Kɔɔ̃n kɛ pɛ, n nə n Lawa a dí nya a yɔrɔ li sɔnbɔraanɛ.

Tiitii 2:3

A din goon ne, a pɛ lɔ zizin dɔn manɛ, mà ǹ nə n dinin kũ ka min sonboren wɔ bɛ́ lɔn. Ǹ doamaa bie ǹ minin yiri ziziɛ̃ ǹ boon pɛsɛ̃ wa, ǹ nyan duvɛ̃ a bɛ̀rɛn baa wa. Ǹ doamaa nɛ, ǹ yiri sonbore kɔ ǹ miãn la,

Tiitii 3:2

Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li.

Piɛrɛ1 5:8

Ka n yii dɔraa, ka ka dinin kũ. Kaa zɔ́ɔ *Sɛtaan lɛ n kɔɔ̃nɛɛ, ka yàra wɔɔsaa-wɔle bɛ́ lɔn. A n giɛ, a bɛ́ re doe min mɛn-a a kũ.