Timote1 3:1 - LAWA A BOO SONBORE

¹ Kɛ n boo lɛa, min doamaa bɛ́ a boo mɛn si taãn lɛa. Bɛ̀ min mɛn tá li a ga Lawa a sɔmɔ walan, dí taãn nɛ bɛa dɛnaa á giɛ li.

LAWA A BOO SONBORE 2011

¹ Kɛ n boo lɛa, min doamaa bɛ́ a boo mɛn si taãn lɛa. Bɛ̀ min mɛn tá li a ga Lawa a sɔmɔ walan, dí taãn nɛ bɛa dɛnaa á giɛ li.

Timote1 3:1 Iomraidhean Croise

Suusun 11:30

Min pepere a nya ǹ dín man ka yiikoonaabaa ǹ da bɛ́ lɔn, Sii-dɔ̃li n yiikoonaabaa koe.

Luku 15:10

Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

Nya ǹ dín 1:20

A tá kiɛ̃ nɛ Loen sɛ́wɔ nɛ kɛnɛn: «A kɛ bɔlɔ kaa, min baran goã la wa.» A tá kiɛ̃-n doo: «Min kɔsɔ ná a dí nya ǹ bǎã saa.»

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Rɔmu minin 11:13

Kasɛn mɛnɛn bɛ́ ka a Zuifun lɛa wa, man kɔn kasɛn nɛ sisia. Lawa na á masɛ bɔ, á ma dia tɔrɔ kɔsɔn la, mà ma a din a boo kɛ pɛ. Bɛ lɛ nɛ, ma tá n nyɛnyɛɛ bɛa dí lɛ a nyɛɛ gɔ́ɔ̃ nɛ,

Efɛɛzi minin 4:12

A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.

Filipi minin 1:1

Masɛ Pooli laanka Timote n Yezu *Krita a bɛ̀rɛn lɛa. Lawa a zaman mɛn bɛ́ Filipi kiwi ǹ nə́ golee-n Yezu Krita li, wɔ ǹ sɛ́wɔ kɛ diɛ bɛn la, ǹ laanka ǹ Lawa a sɔmɔ nyɛɛnaandɛnan nɛ, ka ǹ dɔmalɛ wolen ne.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Timote1 1:15

Kɛ n boo taãn lɛa, min tumaa doamaa nɛ a si, a waa la mà Yezu Krita na á daa kanaa, màn mɛn bɛ́ toɛ, a sii baraa-zɛnaalin kirisibaa, sanparɛ masɛ mɛn wɔ bɛ́ á là da.

Timote1 4:9

Min tumaa doamaa nɛ, a waa boo kɛ la, a si taãn lɛa.

Timote2 2:11

Kɛ n boo lɛa, min doamaa bɛ́ a waa boo mɛn la: «Bɛ̀ wɔ́ gã kun Krita nɛ, wɔ yii á re goɛ̃ koo kun ni.

Tiitii 1:7

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 4:15

Ma nyín siére ka nɛ, ka kɔn baran fuu yɛ gɛ̀-dɛ a lɛa wa, ka wurumubaa hinlaa basaã-kɔlebaa a lɛa-n wa, hinlaa wɔ min kɔsɔ a sii ni a lɛa wa.

Piɛrɛ1 5:2

Lawa ka bɔ á ka koa a zaman mɛn nyɛɛn ke, ka ga bɛa zaman lɛ walan, ka tɔɔn-lɛduə̃li bɛ́ giɛ a tɔɔn walan lɔn. Ka ga zaman lɛ walan ka foo kɔɔ̃n nɛ, a kɔnpɛ Lawa dùũ ni, a baran n baa ka n pɛ mà pàã sii-n wa. Ka baran zɛnaa ga màn li ǹ dí dɔ lɛa wa, ka toa a goã din-kɔ ǹ dí lɛa.