Timote1 2:9 - LAWA A BOO SONBORE

⁹ Lɔn wɔ gɔn la, man giɛ li, máa ǹ mɔnaa wɔ ǹ gɔn kɔnpɛ ka a yɔrɔ sonbore ne. Mɔnaa mɛn bɛ́ zɛnɛ ǹ lɛ, ǹ bɛ wɔ, ǹ baran là kaa ǹ dinin la wa. Mìi-tiɛ̃ giɔ̀mɔ kaka-an kɛn, sana mànan laanka bɔlɔ-a ǹ giin ni, ka mɔnaa giɔ̀mɔ kaka-an nɛ, ǹ nə n bɔ bɛn wɔlɔ li.

LAWA A BOO SONBORE 2011

⁹ Lɔn wɔ gɔn la, man giɛ li, máa ǹ mɔnaa wɔ ǹ gɔn kɔnpɛ ka a yɔrɔ sonbore ne. Mɔnaa mɛn bɛ́ zɛnɛ ǹ lɛ, ǹ bɛ wɔ, ǹ baran là kaa ǹ dinin la wa. Mìi-tiɛ̃ giɔ̀mɔ kaka-an kɛn, sana mànan laanka bɔlɔ-a ǹ giin ni, ka mɔnaa giɔ̀mɔ kaka-an nɛ, ǹ nə n bɔ bɛn wɔlɔ li.

Timote1 2:9 Iomraidhean Croise

Siin Giala 24:53

Bɛ kio, bɛ̀rɛgiĩ lɛ mànan waa, ǹ nə́ ǹ tɛn zɛnaa ka wɔrɔ nɛ, ǹ tɛn nə́ sana lɛa, á ǹ kɔ Rebeka la, ka mɔnaan nɛ. Á màn giɔ̀mɔ kakan kɔ nɛnɛn lɛ miãgiĩ laanka ǹ dan dɔ la.

Kiin2 9:30

Zewu daa wɔ Zizereyɛli kiwi, Zezabɛli ná a boo ma. Á kala lɔ a yii ganaa, á nyaǹ kaa a mìi ni, á n kanaa a tá n yii koe fenɛtərə ne.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Suusun 31:22

A n kɔmalɛn tiɛ̃, a dɔnkɛn man gɛsɛ bisin tã sonbore lɛa.

Suusun 31:25

Pàã laanka tɔ bɔ n nyaǹ màn lɛa a ganaa. A n giɛ biɛ̃ ǹ ganaa, a foo n doa nɛ.

Suusun 7:10

Lɔ lɛ daa n da lɛ. A wɔ ǹ mɔnaan man ka lɔ kɔrɔ wɔn bɛ́ lɔn, minin sã wole lɛa.

Izayii 3:16

Dɛnaa Lawa n pii: «*Siɔn kiwi lɔn kɛn tá kɔɔ̃nɛ ǹ dinin ganaa. Maǹ nə n wìi dii ǹ nə́ tɔ we, ǹ nə́ n yii boe minin li. Maǹ nə n gòã siɛ gogoon, ǹ gòã wìi ganaa ǹ zanan kɛn wuu li.»

Izayii 61:4

Kungɔnɔn kɛn ǹ nə́ kaa lɛlɛ, ǹ tá re bɛn doe. Bǎãn mɛnɛn nə ziziɛ̃ haalɛ bibi, ǹ tá re wusii ǹ bɛn dɔ. Kiwin mɛnɛn nə yu lɛlɛ, ka bǎãn kɛn nɛ ǹ nə ziziɛ̃ haalɛ bibi, ǹ tá re wusii ǹ bɛn dɔ.

Zeremii 2:32

Nɛniɛ yiri á boe a nyaǹ mànan ganaa? Lɔ tii yiri á boe a gɔ̀ mànan ganaa? Ka yiri bɔ ka ma nɛ, a biikoo a kànaa wa.

Zeremii 4:30

Sɛnɛ, nsɛ Zeruzalɛmu ke ń ziziɛ̃, ma n wàa zɛnɛɛ? Ń mɔnaa sonbore wɔ, ka nyaǹ mànan nɛ sana lɛa. Ń kala lɔ n yii li n nə́ n din siĩn koe ne. Sɛnɛ, n din zɛnaa kɛa là banban. N sanan manə n pɔpɔsɛ, maǹ giɛ n gɛ̀ li.

Matiə 11:8

Bɛ̀ bɛ bie wa, ka n ka woo ga wàa ganaa? Dɔnkɛ sonbore wɔle ne ká woo ga a ganaa? Sɛnɛ, dɔnkɛ sonbore wɔlen man kiin kion.

Timote1 2:10

Sɛnɛ, man giɛ li, máa ǹ nə n dinin là nyaa ka sii sonboren ne, ka lɔ nyɛ́ɛ baa Lawa n wole doamaa bɛ́ a zɛnaa lɔn.