Timote1 2:4 - LAWA A BOO SONBORE

⁴ Asɛ lɛ n giɛ li, mà minbuiin din tumaa kirisibaa, ǹ boo la ǹ sonbore dɔ̃.

LAWA A BOO SONBORE 2011

⁴ Asɛ lɛ n giɛ li, mà minbuiin din tumaa kirisibaa, ǹ boo la ǹ sonbore dɔ̃.

Timote1 2:4 Iomraidhean Croise

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 55:1

«Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

Ezekieli 18:23

Ka n taasɛ mà min baraa a gɛ̀ n kɔɔ̃nɛ masɛ ganaa? Haayii dɛ! Ma bɛ́ giɛ màn mɛn li, bɛ n ka kɛ nɛ: Min baraa wusoo a zɛnaa ǹ siin kio, a yii goã koo. Dɛnaa Lawa a da ǹ boo ne.

Ezekieli 18:32

Masɛ bie giɛ min kɔn a gɛ̀ li wa. Ma din Dɛnaa Lawa a da ǹ boo ne. Ka n bɔyaa, màn mɛn bɛ́ toɛ, ka yii goã koo.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Luku 1:77

Ma n die sii-doɛ̃ koe wɔsɛn tɔrɔ minin kɛn la, Lawa bɛ́ re minin nyin sii lɔn, a bɛ́ re sii baraan toɛ ǹ nɛ lɔn, ǹ bɛ dɔ̃.

Luku 14:23

Goledɛnaa tɔ́n pɛ a dí-nyali lɛ nɛ mà a wo don ziin la ka dù gɔrɔn lɛ-an nɛ, a minin kũ ka pàã nɛ ǹ daa, màn mɛn bɛ́ toɛ, kion lɛ pã.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Zaã a sɛ́wɔ 17:17

Ǹ baa n din wɔn lɛa lenlen ka sonbore barka nɛ; n boo lɛ n sonbore lɛa.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Rɔmu minin 11:14

ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Timote1 4:10

Bɛ̀ n yaa wɔ á dí nyɛɛ, wɔ á yɔ kaka boe, wɔ foo bɛ́ doa-n Lawa yiikoonaa mɛn ganaa, bɛa lɛa nɛ, asɛ mɛn bɛ́ giɛ li a min tumaa kirisibaa, sanparɛ min mɛnɛn foo bɛ́ doa nɛ a ganaa.

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Timote2 3:7

Maǹ daraa gɔ́ɔ̃-n biikoo tumaa li, sɛnɛ, ǹ ba tɔn boe la ǹ tá sonbore doɛ̃ wa.

Tiitii 1:1

Masɛ Pooli n Lawa a bɛ̀rɛ lɛa, Yezu *Krita a dia dí-a wole lɛa. Dí na á n kɔ ma la, mà Lawa min mɛnɛn bɔ, mà man dɔ bɛn lɛ ǹ goleemali yɛ. Wɔa Lawa a zii bɛ́ minin darɛɛ sonbore mɛn ganaa, mà ma bɛ nyaa ǹ nɛ,

Tiitii 2:11

A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.

Ebrəə 10:26

Wɔa sonbore doɛ̃ taãn-taãn kio, bɛ̀ wɔ á tɔn nə n tiɛ̃ sii baraa zɛnɛɛ, sii baraa toa ǹ wúlu kɔ́n banban doo wa.

Zaaki 3:14

Sɛnɛ, bɛ̀ foo a wuu pɛ babaraa laanka zɔɔ̃ kɔn-a ǹ taasiɛ ka gɔ́ɔ̃ pã, ka nyan soɛ bɔ ka n dinin baa sii doɛ̃ wolen lɛa, a da yaa sonbore ná a ba ka lon wa.

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.

Zaã2 1:1

Masɛ *min gole lɛ n sɛ́wɔ kɛ diɛ "lɔ kɛ la Lawa bɔ á koa ka a nɛnyaanan nɛ". Man ka narɛ taãn-taãnɛ. Masɛ dinsɔɔ̃ bie ka narɛ wa, min mɛnɛn tumaa bɛ́ sonbore doɛ̃, bɛn dɔn man ka narɛ miɛ̃.

Sii-nyaan 14:6

Bɛ kio, má lon a dia dí-a wole goon kɔsɔ yɛ piɛ̃ lon sɔsɔɔ. Boo Tii Kɔɔ̃n mɛn bɛ́ a kɔɔ̃nbaa a nyɛɛ wa, bɛ na a gɔn, a n die pii tán minin manɛ, ǹ nə́ tɔrɔ tumaa lɛa, gána tumaa nɛ, bɔlɔ tɔrɔ totoro pɛlen lɛa, ka zaman tumaa nɛ.