Timote1 2:2 - LAWA A BOO SONBORE

² kiin laanka min mɛn tumaa bɛ́ pàã lɛ la. Man giɛ li máa wɔ bɛ zɛnaa, màn mɛn bɛ́ toɛ, wɔ goã là nyantoro la, wɔ yiri n bǎã goon ne, wɔ n nyɛ́ɛ biɛ Lawa nɛ, wɔ n tɔ wɔ ǹ gɔn sonbore la.

LAWA A BOO SONBORE 2011

² kiin laanka min mɛn tumaa bɛ́ pàã lɛ la. Man giɛ li máa wɔ bɛ zɛnaa, màn mɛn bɛ́ toɛ, wɔ goã là nyantoro la, wɔ yiri n bǎã goon ne, wɔ n nyɛ́ɛ biɛ Lawa nɛ, wɔ n tɔ wɔ ǹ gɔn sonbore la.

Timote1 2:2 Iomraidhean Croise

Samayeli2 20:19

Là nyantoro bɛ́ kiwi mɛn nɛ, foo bɛ́ doa-n kiwi mɛn ganaa Izirayeli gána nɛ, wɔsɛn dinin kiwi lɛ nɛ. Sɛnɛ, n dɔ n giɛ li mà n bɛa kiwi lɛ yu, bɛ mɛn bɛ́ Izirayeli gána a kiwi dadaran lɛn goon lɛa. Wàa na á baa n tá li n Dɛnaa Lawa gɔn màn ziziɛ̃?

Ɛsidrasi 6:10

Màn mɛn bɛ́ toɛ minin bɛ́ wúlu-mànan mɛnɛn koe, bɛ kɔɔ̃n kɔ lon a Lawa ganaa, ka bɛ dɔ nɛ, ǹ Lawa nyankɔ kii laanka a nɛnyaanan manɛ.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Loen 72:1

Salomɔn a loe. Lawa! A kɔ kii lɛ la, a kiri siin yɔrɔ bɔ, ka n din wɔn bɛ́ lɔn. N din a kiri sii giala ma ǹ gɔn kɛ kɔ la.

Suusun 24:21

Maa nɛ, Dɛnaa Lawa laanka kii guguru kɔ. Min mɛnɛn bɛ́ zoɛ̃ mà ǹ sii tumaa bɔyaa, n nyan koa kunun ǹ ni wa.

Zeremii 29:7

Ka dí nya kaa gùli kɔ ǹ kiwi lɛ nɛ màn mɛn bɛ́ toɛ a wo nyɛɛnɛ. Ka Dɛnaa Lawa nyankɔ a lɛa a giala kaa yii-nyɛɛ n boe bɛa kiwi kɛ lɛ a là nyantoro li.»

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Nya ǹ dín 24:16

Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.

Rɔmu minin 12:18

Bɛ̀ á boe la a n zɛnaa, bɛ̀ a bɔ ka dinin li wa, ka n doa là nyantoro goã ka bii ka min tumaa nɛ.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Tesaloniki1 4:11

Ka n doa ka giã kiĩni, didie na a din a sii yɔrɔ bɔ, a dí nya ka a din gɔn nɛ, ka wɔ bɛ́ wɔ́ pɛ wɔ́ laa ka ganaa lɔn.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.