Timote1 1:5 - LAWA A BOO SONBORE

⁵ Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

LAWA A BOO SONBORE 2011

⁵ Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Timote1 1:5 Iomraidhean Croise

Loen 24:4

Min mɛn bɛ́ a gɔn sii la wa, a foo dɔ n *yoreen ne, a ná a ba koe soɛ zii lɛ wa, a ba n liɛ ka soɛ-n wa, bɛa dɛnaa nɛ.

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Matiə 12:35

Boo sonbore n boe min sonbore lɛ-n, boo baraa n boe min baraa lɛ-n.

Matiə 5:8

Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!

Nya ǹ dín 15:9

Lawa bɛa tɔrɔ kɔsɔn kɛn lɛn bɔ kɔn lɛ ka wɔsɛn nɛ wa. Ǹ dɔn bɛ́ ǹ nə́ goleemali kɛ wɔ, Lawa nə́ ǹ foo pii.

Nya ǹ dín 23:1

Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»

Nya ǹ dín 24:16

Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.

Rɔmu minin 10:4

Sonbore, dí-pɛn lɛ piɛ̃ n ka *Krita nɛ. Bɛ̀ min mɛn golee Krita li, Lawa n bɛa Dɛnaa kuĩ min pepere lɛa.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Rɔmu minin 14:15

N dɔɔ̃n bɛ́ giɛ màn mɛn ganaa, mà a ba kɔnboe ka bii-n wa, nsɛ a zɛnaa ǹ sii kɔ́n baran n dɔɔ̃n lɛ nyanaa, a da bɛa màn lɛ a bii ganaa wa. Bɛ̀ n zɛnaa miɛ̃, ma nə n kɔn-narɛ ǹ zii tɔ wɔ wa. Táa Krita na á gã bɛa dɔɔ̃n kɛ lɛ dɔ a lɛa. N bii ǹ màn baran toa bɛa dɔɔ̃n lɛ papaã ǹ zii kũ wa.

Rɔmu minin 9:1

Masɛ Pooli, man *Krita wɔ lɛa, man taãn pii, ma a soɛ boe wa. Yiri Fu bɛ́ boo diɛ ma nɛ ma yiri mɛn nɛ, bɛ dɔ n pii ma nɛ, mà sonbore ne ma á re pii.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timote1 1:18

Maa nɛ Timote, ǹ Lawa a boo gii mɛn da n wɔ gɔn la lɛlɛ, ǹ nə́ n koa, man doroo kɛ koe n la, á kɔnpii ka bɛ nɛ. Bɛa boon lɛn taman yii, n gù we yii n zia sonbore baa,

Timote1 1:19

ka goleemali laanka gɔ́ɔ̃ fubaa nɛ. Min tɛn nə́ n piã ka bɛa gɔ́ɔ̃ fubaa kɛ lɛ nɛ, ǹ goleemali papaã.

Timote1 3:9

Sonbore mɛn nə n nyaa goleemali gɔ́ɔ̃ nɛ, ǹ doamaa nɛ ǹ bɛ tamaa ka gɔ́ɔ̃ fubaa nɛ.

Timote2 1:3

Ma á barka diɛ Lawa-n parsiini, man dí nyɛɛ a din lɛ-n ka gɔ́ɔ̃ fubaa nɛ, ka ma digolon bɛ́ ǹ nə́ zɛnaa lɔn. Bɛ̀ ma á Lawa nyankoe lɔn baraabaraa nɛ, penleen ka tèlò ne, ma á n boo diɛ a nɛ, man barka diɛ nɛ.

Timote2 1:5

Goleemali sonbore mɛn bɛ́ n lon, ma yiri a boe-n wa, bɛ miã goleemali lɛ na á goã n náa gole Luizi laanka n dan Inisi lon lɛlɛ. Má waa la máa bɛa goleemali kɛ lɛ miã tá n dɔ lon.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Tiitii 1:15

Min mɛnɛn bɛ́ *yoreen ne, màn tumaa n yoreen bɛn gɔn. Sɛnɛ, min mɛnɛn bɛ́ gɔgɔrɛ, ǹ nə́ ǹ ba lɛ koe goleemali dɔ ganaa wa, màn kɔ́n ba yoreen bɛn gɔn wa. A giala, mà gɔgɔrɛbaa nə́ ǹ yiri tã, á ǹ taasiɛ dɔ si.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 13:18

Ka Lawa nyankɔ wɔ a lɛa, a giala, wɔ á waa-n la, wáa wɔ foo ba wɔ zɛ̀rɛ biɛ wa, wɔ ǹ giɛ li, wɔ tɔ sonbore wɔ biikoo tumaa li.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.

Piɛrɛ2 1:7

Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 3:23

A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.