Timote1 1:18 - LAWA A BOO SONBORE

¹⁸ Maa nɛ Timote, ǹ Lawa a boo gii mɛn da n wɔ gɔn la lɛlɛ, ǹ nə́ n koa, man doroo kɛ koe n la, á kɔnpii ka bɛ nɛ. Bɛa boon lɛn taman yii, n gù we yii n zia sonbore baa,

LAWA A BOO SONBORE 2011

¹⁸ Maa nɛ Timote, ǹ Lawa a boo gii mɛn da n wɔ gɔn la lɛlɛ, ǹ nə́ n koa, man doroo kɛ koe n la, á kɔnpii ka bɛ nɛ. Bɛa boon lɛn taman yii, n gù we yii n zia sonbore baa,

Timote1 1:18 Iomraidhean Croise

Nya ǹ dín 16:1

Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa.

Korɛnti1 4:17

Bɛ lɛ a lɛa nɛ, ma á Timote diɛ ka li. A n maa nɛ narɛɛ wole lɛa wɔa Dɛnaa wɔ gɔ́ɔ̃ nɛ, má foo n doa-n a ganaa. Ma dinmaa a giã ǹ gɔn bɛ́ lɔn, á re ka yiri diɛ bɛ nɛ, má ka daraa siin mɛnɛn ganaa, kaa tá kun ka Yezu Krita-n a lɛa, á re bɛn dɔn nyɛɛ ka nɛ. A din daraa ǹ gɔn goon ne, ma á pii bǎã tumaa nɛ Lawa a sɔmɔn gɔ́ɔ̃ nɛ.

Korɛnti1 9:7

Die n kun ka sɔraasin ni zia-baali lɛa, a ná a din dɔ a màn-bii boe? Die n dù gɔrɔ dí nyɛɛ, a ná a ba a da nɛ bii wa? Hinlaa, die n tɔɔn lɛduĩ, a ná a ba tɔɔn lɛn nyɔ mii wa?

Filipi minin 2:22

Ka dininmaan tá doɛ̃, Timote na a bɔlɔgoondɛnaabaa kɛ nyaa ka-n ka yɔrɔ mɛn nɛ, a na á Boo Tii Kɔɔ̃n a dí kɛ nya kun ka ma nɛ, ka nɛ laanka a díi bɛ́ dí nyɛɛ kun lɔn.

Timote1 1:2

Masɛ n sɛ́wɔ kɛ diɛ nsɛ Timote la, nsɛ mɛn bɛ́ maa nɛ taãn-taãn lɛa golee Lawa li gɔ́ɔ̃ nɛ. Díi Lawa laanka wɔa Dɛnaa Yezu Krita die ǹ bǐɛ̃ zɛnaa n nɛ, ǹ makara bɔ n ganaa, ǹ là nyantoro kɔ n la.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Timote1 4:14

Lawa a bǐɛ̃baa ǹ màn mɛn bɛ́ n lon, n nyan bɛ da n gɔn para li wa. A din lɛ na á n kɔ n la, á kɔnpɛ ka Lawa a boo gii-dalin da ǹ boo ne, bɛ̀ ga Lawa a sɔmɔ walan wolen bɛ́ ǹ nə́ n gɔn da n la ǹ mɛn pinaa.

Timote1 4:4

A giala, Lawa màn mɛn tumaa zɛnaa, a tumaa á siĩni, ǹ kɔ́n ba daa ǹ màn lɛa wa. Sɛnɛ, yǎa wɔ barka diɛ Lawa nɛ wɔ tɔn bii.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 1:2

Nsɛ Timote mɛn bɛ́ maa nɛ sonbore lɛa, man sɛ́wɔ kɛ kiɛ̃ diɛ n din la. Díi Lawa laanka wɔa Dɛnaa Yezu Krita die ǹ bǐɛ̃ zɛnaa n nɛ, ǹ makara bɔ n ganaa, ǹ là nyantoro kɔ n la.

Timote2 4:7

Má n doa má yɔ bɔ sɔnbɔraanɛ. Má dɔ maa baa lɛ dan ganaa. Má bɔlɔgoondɛnaa baa.

Tiitii 1:4

Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

Filemɔn 1:10

ma nə n nyankoe Onezimu wɔ gɔn la. Onezimu mɛn bɛ́, ma bɛ́ kòso-n kànaa, má Lawa a boo pɛ nɛ, á si á golee Lawa li, á n ka maa nɛ bɛ́ lɔn sisia.