Timote1 1:17 - LAWA A BOO SONBORE

¹⁷ Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

LAWA A BOO SONBORE 2011

¹⁷ Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 1:17 Iomraidhean Croise

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Loen 10:16

Dɛnaa Lawa n kii lɛa yǎa duduu. Á Lawa doɛ̃baã wolen loo á ǹ bɔ a gána nɛ.

Loen 106:48

Barka Dɛnaa Lawa, Izirayeli a Lawa. Barka nə n wɔ lɛa duduu yǎa duduu. Zaman tumaa pɛ: Hiĩ, a n miɛ̃! Aleluya, ka Dɛnaa Lawa tɔ bɔ!

Loen 145:13

N kiibaa lɛ a nyɛɛ wa, a na a tan yǎa duduu. N pàã lɛ n goɛ̃ yǎa duduu. Lawa n bɔlɔgoondɛnaa lɛa a da ǹ boo tumaa gɔ́ɔ̃ nɛ, a zɛnaa ǹ sii tumaa n siĩni.

Loen 41:13

N nə́ n dɔ ma lɛ, maa zɛ̀rɛbaabaã taman yii, biikoo tumaa li, n din nə ma tamaɛ n din yɔrɔ-a.

Loen 45:1

Koore a minin loe. A n boe loe-saalin goledɛnaa a sɛ́wɔ nɛ. A nə n loe tùtu wuu li. Kɔn narɛ ǹ loe ne.

Loen 45:6

N kiɛ lɛ pɛpɛnɛn kɛn, bɛn tá re n zɔ́ɔn kɛn foɛ̃ ǹ koron ganaa. Tɔrɔ kɔsɔ minin kɛn lɛn tá re kiɛ tán-a n giulun, kii.

Loen 57:11

A giala, n kɔn-narɛɛ gole kɛ n yui yǎa lon, n bǐɛ̃ duduu kɛ dɔ n doe labaran ganaa.

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Zaã a sɛ́wɔ 5:44

Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?

Rɔmu minin 1:20

Sonbore, min ba boe la a Lawa yɛ wa, sɛnɛ, a nə n din nyɛɛ minin manɛ ka a nya ǹ dín ni, a kũ kanaa diɛ biikoo ganaa. Bɛ lɛ taman yii, minin tá boe la ǹ na a pàã nyabaã wole kɛ dɔ̃, ka a Lawabaa kɛ nɛ, yǎa ǹ baran n yiin tã wa. Bɛ lɛ nɛ, sonbore yɛ ǹ gɔn kɔ́n ba ǹ lon wa.

Rɔmu minin 1:23

Lawa mɛn bɛ́ a nyɛɛ duduu wa, ǹ bɛ guguru kɔ wa. Maǹ nə́ goã màn gã wolen nyínin guguru koe, minbuiinin ni, bàanan nɛ, tɔɔ gòã siidɛnan nɛ, ka màn nɔ̀ giɛraa tán wolen ne.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Rɔmu minin 16:27

Lawa goon toto mɛn dinsɔɔ̃ bɛ́ sii-dɔ̃li lɛa, gugurubaa n bɛ wɔ lɛa yǎa duuduu! A n miɛ̃.

Rɔmu minin 2:10

Sɛnɛ, min woo min tá sii bǐɛ̃ zɛnɛɛ, Zuifu ni ka min mɛn dɔ bɛ́ a ba Zuifu lɛa wa, Lawa á re gugurubaa laanka tɔ sonbore koe bɛa dɛnaa la, ka là nyantoro ne.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Ebrəə 2:7

Ń ná a kiɛɛrɛ kɔ á la lon a dia dí-a wolen manɛ, ń gugurubaa laanka siĩnbaa kɔ la,

Piɛrɛ1 5:11

Mìinaabaa na a din wɔ lɛa yǎa duduu. A n miɛ̃!

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»

Sii-nyaan 19:1

Bɛ kio, má ma, ka min gigiã lɛn nə boe lon, ǹ nə́ pii: «Aleluya! Lawa tɔ bɔ! Gɔ̀lɔ̀baa nɛ, ka gugurubaa nɛ, ka pàãyiidɛnaabaa nɛ, bɛn man wɔa Lawa wɔ lɛa.

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»

Sii-nyaan 19:6

Má ma doo ka zaman gole lɛn nə boe, a wuu n boe ka mu bɛ́ n toe màn nɛ lɔn, ka la a paraa bɛ́ lɔn, á goã pii: «Aleluya! Lawa tɔ bɔ! A giala mà wɔa Dɛnaa Lawa Pàãyiidɛnaa n kiibaa ǹ pàã la!

Sii-nyaan 7:12

Ǹ nə́ goã pii: «Taarɛ! A n miɛ̃! Tɔ-bɔ nɛ, ka guguru-kɔ nɛ, sii-doɛ̃ nɛ, ka bǐɛ̃-doɛ̃ nɛ, tɔ gole kɔ nɛ, pàãdɛnaabaa nɛ, ka kakabaa nɛ, bɛn man wɔa Lawa wɔn lɛa baraabaraa yǎa duduu! A n miɛ̃.»