Timote1 1:13 - LAWA A BOO SONBORE

¹³ Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.

LAWA A BOO SONBORE 2011

¹³ Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.

Timote1 1:13 Iomraidhean Croise

Ozee 2:23

Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Lawa a wúlu-bɔlen 13:16

Bɛ̀ gɔ̀nɔn siĩ a suĩ lɛ nə́ n bɔyaa á n baa fu, mà ǹ dɛnaa wo dɔ wúlu-bɔle li doo.

Minin nimi 15:30

Sɛnɛ, bɛ̀ min mɛn sii baraa lɛ zɛnaa woone, kɛnaa hinlaa gùli ni, ǹ dɛnaa na á sɔ kɔ Dɛnaa Lawa ganaa. Ka bɛa min lɛ bɔ ka bɔ kun ka a tɔrɔ minin ni.

Luku 12:47

Bɛa dí-nyali kɛ lɛ, á goã a dɛnaagiĩ foo sii doɛ̃, a ná a màn kɔ́n dɔ zɛnaa a yɔrɔ li wa, a dɔlɔ á re gole koe.

Luku 23:34

Yezu pɛ: «Maa Díi, ǹ sã toa ǹ nɛ, a giala, ǹ bɛ́ màn mɛn zɛnɛɛ ǹ ba bɛ doɛ̃ wa.» Ǹ bɛ́ re Yezu a mɔnaan gii kɔn, maǹ nə́ n pã.

Nya ǹ dín 22:4

Man má goã yɔ boe kɔn ka Zii dii kɛ lɛ nɛ, máa ma dɛ a papaã. Bɛ lɛ gɔ́ɔ̃ nɛ, má ǹ da giĩn laanka lɔn yii ganaa ka fɔlɔ biɛn nɛ, ǹ nə́ ǹ zũzũ kòso-n.

Nya ǹ dín 3:17

Ma dɔɔ̃nɔn lɛn ganaa, sonbore, ma á doɛ̃ máa sii doɛ̃baã na á toa, ka laanka kaa goledɛnan nə́ bɛa nɔmaa kɛ lɛ da Yezu mìi ni.

Nya ǹ dín 8:3

Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.

Nya ǹ dín 9:1

Bɛa biikoo kɛ lɛ din tumaa li, Sooli sɛ na á goã taasiɛ goon we: A fuu nyaa Dɛnaa a kialandɛnan lɛn manɛ, a ǹ dɛ ǹ gã. Á woo wúlu-bɔlen kiã li,

Nya ǹ dín 9:13

Ananiasi pɛ: «Dɛnaa, masɛ min gigiã lɛ ma boo diɛ giĩ kɛ lɛ wɔ gɔn la, ka a bɛ́ á sii baraan mɛnɛn zɛnaa Dɛnaa din a minin kɛn manɛ Zeruzalɛmu.

Nya ǹ dín 9:5

Sooli tɔ́n nɔ̀n da: «Dɛnaa, die n ka nsɛ nɛ?» Boo-diɛ lɛn lɛ pɛ nɛ: «Yezu n ka masɛ nɛ, n bɛ́ fuu nyɛɛ Yezu mɛn nɛ ke lɛn.

Korɛnti1 15:9

A giala, ma din nə Yezu a dia dí-a wolen tumaa a boɛɛndɛnaa lɛa. Ma a kɔnboe dinin, ǹ ma bíi dia dí-a wole wa, a giala, man má goã boe Lawa a sɔmɔ minin yii-n lɛlɛ.

Korɛnti1 7:25

Min mɛnɛn bɛ́ ǹ tɔn kɔn wɔ wa, Dɛnaa a boo nyaǹ zii ba ma gɔn ǹ wɔ paǹ li wa. Sɛnɛ, ma din yiri boo n ke, ma á pii. Dɛnaa bǐɛ̃ mɛn baa ma la, bɛ á toɛ min waa ma la.

Galaasi minin 1:13

Ma goã doa-n kɔn ka Zuifun zii-n biikoo mɛn li, maa zɛnaa ǹ sii bɛ́ ka yɔrɔ mɛn nɛ, ká bɛ boo ma. Ma goã boe Lawa a sɔmɔn lɛn minin yii-n lɔn, má n wen waa máa yǎa ǹ ziziɛ̃, ka á bɛ doɛ̃.

Filipi minin 3:6

Ma yii goã kaka a gɔ́ɔ̃ nɛ, yǎa má goã boe Lawa a sɔmɔn yii ni. Bɛ̀ ga peperebaa li ni, landa a dí-pɛn lɛ-si gɔ́ɔ̃ nɛ, man má goã ka te, sã ná a ba ma ganaa wa.

Timote1 1:16

Sɛnɛ, bɛ̀ Lawa makara bɔ masɛ sii baraa zɛnaali gole kɛ ganaa, a n li mà Yezu Krita na a sii simaa tumaa nyaa masɛ wɔ a paǹ li. A na á masɛ lɛ baa sii a kɔnboe lɛa, màn mɛn bɛ́ toɛ, min mɛnɛn bɛ́ re golee li, ǹ nyin nyabaã yɛ.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Piɛrɛ1 2:10

Ka goã Lawa a tɔrɔ minin lɛa lɛlɛ wa, sɛnɛ kanna, ka na a tɔrɔ minin lɛa; kasɛn mɛnɛn bɛ́, Lawa makara bɔ ka ganaa lɛlɛ wa, sɛnɛ kanna, á makara bɔ ka ganaa.