Timote1 1:12 - LAWA A BOO SONBORE

¹² Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

LAWA A BOO SONBORE 2011

¹² Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Timote1 1:12 Iomraidhean Croise

Matiə 20:4

Á tɔ́n pɛ ǹ nɛ: «Ka dɔn nə wo dí nya maa wuru-n, màn mɛn bɛ́ kɔnpii kaa saraa nɛ, ma á die bɛ koe ka la.»

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Nya ǹ dín 16:15

A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.» Á n laa wɔ ganaa yǎa wɔ́ lɛ kɔ.

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Nya ǹ dín 9:22

Sɛnɛ, Sooli na á goã boo diɛ ka pàã nɛ, mà Yezu lɛ n Minin Nyin-sili lɛa Lawa dia, á bɛa boo lɛ da, yǎa Zuifun mɛnɛn bɛ́ ǹ nə́ goã Damaasi kiwi, á bɛn lɛ tã ǹ yii ná a ba boo-a wa.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 3:5

Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

Korɛnti1 7:25

Min mɛnɛn bɛ́ ǹ tɔn kɔn wɔ wa, Dɛnaa a boo nyaǹ zii ba ma gɔn ǹ wɔ paǹ li wa. Sɛnɛ, ma din yiri boo n ke, ma á pii. Dɛnaa bǐɛ̃ mɛn baa ma la, bɛ á toɛ min waa ma la.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Filipi minin 2:11

Ǹ tumaa pɛ mà Yezu Krita n Dɛnaa lɛa, ǹ Díi Lawa tɔ guguru kɔ nɛ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Kolɔɔsi minin 1:25

Lawa din dí mɛn kɔ ma la, mà ma nya kaa lɛa, masɛ n má Lawa a sɔmɔ kɛ a dí-nyali baa bɛ lɛ taman yii. Lawa na á dí kɔ ma la, mà ma a din a boo kɛ pɛ, ma a lɛ pã.

Timote1 1:1

Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Timote1 1:11

Màn mɛn bɛ́ kɔnpii ka Boo Tii Kɔɔ̃n kɛ nɛ, á n kɔ ma la, bɛ lɛ n ka bɛ nɛ. Lawa mɛn bɛ́ gugurubaa ná a lon, a sii tumaa lɛ n piɛ̃ nɛ, bɛ lɛ a boo ne.

Timote1 1:2

Masɛ n sɛ́wɔ kɛ diɛ nsɛ Timote la, nsɛ mɛn bɛ́ maa nɛ taãn-taãn lɛa golee Lawa li gɔ́ɔ̃ nɛ. Díi Lawa laanka wɔa Dɛnaa Yezu Krita die ǹ bǐɛ̃ zɛnaa n nɛ, ǹ makara bɔ n ganaa, ǹ là nyantoro kɔ n la.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Tiitii 1:4

Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

Filemɔn 1:9

Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,