Suusun 9:1 - LAWA A BOO SONBORE

¹ Sii-doɛ̃ bìbì sɔbaa dɔ, a ná a kion dɔ.

LAWA A BOO SONBORE 2011

¹ Sii-doɛ̃ bìbì sɔbaa dɔ, a ná a kion dɔ.

Suusun 9:1 Iomraidhean Croise

Kiin1 7:21

Iraamu bìbì màn paa lɛ kaa ǹ giala la lon, Lawa a kion a dàã genli. Bìbì lɛ mɛn bɛ́ dia-n woe gusin la, á bɛ bíi mà Yaakini "Lawa n pàã koe", ǹ mɛn bɛ́ dia-n woe gɔsɛ la á bɛ bíi mà Boazi "pàã n Lawa lon".

Kiin1 7:6

Bɛ kio, Salomɔn kion nɛ kɔn dɔ, ǹ nə́ bii mà bìbìn kion. A gùrù sasa na á goã mɛtərə fuəwensooro a gùrù kunun na á goã mɛtərə fulusooro. Bɛ n dàã lɛa, bìbìn ná a nɛ, kion lɛ a wɔ ǹ bǎã nɛ.

Suusun 1:20

Sii-dɔ̃li nə n lɛ dii zii la. Bǎã dadaran nɛ, a n boo diɛ ka lɛn gole ne.

Suusun 2:1

Maa nɛ, ma bɔlɔ si, n maa dí-pɛn tamaa.

Suusun 24:3

Dí doɛ̃ n toɛ min kion dɔ, sɛnɛ, yiridɛnaabaa n toɛ a goã gengeren.

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Suusun 8:1

Sii-doɛ̃ n lɛ dia we, yiridɛnaabaa nə n lɛn siɛ lɔn. Ka a miɛ̃ wa?

Izayii 55:1

«Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Galaasi minin 2:9

Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Sii-nyaan 3:12

Min mɛn bɛ́ re gɔ̀lɔ̀ biɛ, bìbì bɛ́ Lawa a kion li lɔn, a tá re goɛ̃ Lawa a kion miɛ̃, a ba re soe a n bɔ a-n duduu wa. Ma á re maa Lawa tɔ kiɛ̃ a ganaa. Ma á re ma din tɔ dii kɛ kiɛ̃ a ganaa. Ma á re Zeruzalɛmu dii kɛ tɔ kiɛ̃ a ganaa, asɛ kiwi mɛn bɛ́ maa Lawa a giã ǹ bǎã lɛa, á bɔ lon maa Lawa li á gisĩ tán.