Suusun 8:12 - LAWA A BOO SONBORE

¹² Masɛ sii-doɛ̃, ma ba n niɛ̃ taasiɛ sonbore ganaa wa. Man taasiɛ we ma tɔn sii zɛnaa.

LAWA A BOO SONBORE 2011

¹² Masɛ sii-doɛ̃, ma ba n niɛ̃ taasiɛ sonbore ganaa wa. Man taasiɛ we ma tɔn sii zɛnaa.

Suusun 8:12 Iomraidhean Croise

KZS2 13:14

Zudaa sɔraasin lɛn nə́ n bɔyaa, ǹ nə́ yɛ mà ǹsɛn doamaa nɛ ǹ zia baa nyɛɛnɛ, ka kio ne. Ǹ nə́ gu da Dɛnaa Lawa nɛ, bɛ̀ Lawa a wúlu-bɔlen tá bɛnən pii.

Loen 104:24

Dɛnaa Lawa, n nya ǹ dín tá mɔnaa-n dɛ! Ń yiridɛnaabaa ǹ dí nya koe! Tán nə́ pã ka n màn-zɛnaan nɛ.

Bɔ bɛ̀rɛbaa nɛ 35:30

Muizu pɛ Izirayeli nɛnyaanan lɛn manɛ: «Á ke, Dɛnaa na á Urii a nɛgiĩ Besaleli bíi ka a tɔ nɛ, Urii mɛn di tɔ bɛ́ á goã Uuru, Zudaa tɔrɔ lɛa.

Suusun 1:4

Min mɛnɛn yiri bɛ́ kiɛɛrɛ, a n toɛ ǹ yiri goã ǹ dinin li. A n yiri koe nɛ tenən la, a toa ǹ sìi bɔkɔnlɛ dɔ̃.

Suusun 8:5

Kasɛn mɛnɛn doɛ̃ bɛ́ a tɛ wa, ka n daraa sii giala ma ganaa. Kasɛn mɛnɛn bɛ́ yiriwɛɛnaan lɛa, ka ga sii-doɛ̃ li.

Izayii 28:26

A Lawa na á bɛa sii zɛnaa ǹ gɔn kɛ lɛ nyaa nɛ, á daraa a ganaa.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:8

Lawa din na á bɛa bǐɛ̃ lɛ zɛnaa wɔ nɛ. Á yiri tumaa kɔ wɔ la, màn mɛn bɛ́ toɛ, a din sii mɛn yɔrɔ bɔ, mà wɔ bɛ dɔ̃.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.