Suusun 3:7 - LAWA A BOO SONBORE

⁷ N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

LAWA A BOO SONBORE 2011

⁷ N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

Suusun 3:7 Iomraidhean Croise

Samayeli2 12:20

Bɛa biikoo li, Davida yoo á n bɔ tán, á n zoo á nyɔɔ giĩ kɔɔ̃n lɔ a din ganaa, á mɔnaa kɔsɔn wɔ. Bɛ kio, á woo wɔ Dɛnaa Lawa a kion, á kaa tán á ná a guguru kɔ. A bɛ́ á n bɔyaa á woo piɛ, á pɛ mà ǹ da ka màn-bii ni. Ǹ nə́ màn-bii kɔ la á bii.

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Suusun 14:16

Sii-dɔ̃li n nyɛ́ɛ biɛ sii baraa nɛ a nə́ n nyɛnɛɛ nɛ. Sɛnɛ, baãnaa n woe nyɛɛnɛ, a n waa nɛ a din la.

Suusun 14:27

Dɛnaa Lawa guguru kɔ n yiikoonaabaa ǹ mu yala lɛa. A nə n kanbiɛ gɛ̀ dɛ ǹ kanan ganaa.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 23:4

N nyan nə n din nɔmaa n ga naforo li wa, a taasiɛ lɛ da.

Suusun 26:12

Bɛ̀ min tá n din biɛ yiridɛnaa lɛa, a dɔ̃ mà baãnaa á soɛ bɛa dɛnaa nɛ.

Suusun 26:5

Baãnaa lɛ si a kɔnpɛ a baãnaabaa nɛ. Bɛ bie wa, a n taasɛ mà asɛ n sii-dɔ̃li lɛa.

Suusun 28:11

Pàãma n taasɛ mà asɛ n sii-dɔ̃li lɛa. A da yaa doobaa mɛn bɛ́ yiridɛnaa lɛa, bɛ á doɛ̃ taãn nɛ a bɛ màn mɛn lɛa sonbore.

Suusun 28:26

Min mɛn foo bɛ́ doa nɛ a din ganaa, yiriwɛɛnaa nɛ. Sɛnɛ min mɛn bɛ́ sii-dɔ̃lin giã we, á re kirisibiɛ baraa ganaa.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Izayii 5:21

Kaa wɔ n ka bɔ̀n nɛ, kasɛn kɛn ka dinin biɛ sii-dɔ̃lin lɛa, ka n ka dinin biɛ yiridɛnan lɛa!

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 12:16

Ka toa ka kɔn wɔ ma doɛ̃, ka bɔlɔ goã goon. Ka baran n taasɛ din gole kɔ ǹ siin ganaa wa, ka lɛ kɔ din boɛɛn kɔ ǹ dín ganaa. Ka baran ga ka dinin ganaa màn-dɔ̃lin lɛa wa.