Suusun 3:6 - LAWA A BOO SONBORE

⁶ N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

LAWA A BOO SONBORE 2011

⁶ N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

Suusun 3:6 Iomraidhean Croise

Ɛsidrasi 7:27

Barka tá Dɛnaa Lawa ganaa, wɔ digolon Lawa kɛ lɛ, á wɔ kii lɛ foo ne, mà a gugurubaa kɛ tɔrɔ da Dɛnaa Lawa a kion kɛ la Zeruzalɛmu.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Nehemii 2:4

Kii lɛ nɔ̀n da ma la: «N nə n giɛ wàa mɛn li?» Má tɔ́n lon a Lawa nyankɔ.

Nehemii 7:5

Maa Lawa da ma foo ne mà ma min yii guguru-an laanka goledɛnan sɔkɔn ka zaman lɛ nɛ, ma ǹ nimi. Min mɛnɛn nə goã ǹ nə́ daa bibinaa nɛ, má bɛn nimi ǹ sɛ́wɔ yɛ. Man má kɛ yɛ kiɛ̃ nɛ a nɛ.

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Suusun 11:5

Giã ǹ gɔn sonbore n min diɛ zii pepere la. Sɛnɛ, baraabaa n min baraa daɛ.

Suusun 16:3

N bɛ́ sii mɛn tumaa zɛnɛɛ, a sii wɔ Dɛnaa Lawa gɔn. Ń sii mɛn lɛ bɔ, bɛ á re yɔrɔ yii.

Suusun 16:9

Minbuiin nɛn manə ǹ zii boe, sɛnɛ, Dɛnaa Lawa n tɔ wɔ bǐɛ̃ koe.

Suusun 23:17

Ń foo nyan wuu pɛ sii baraa-zɛnaalin li wa. Sɛnɛ, nyɛ́ɛ baa Dɛnaa Lawa yii ni.

Izayii 26:7

Dɛnaa Lawa, min mɛn bɛ́ n bɔlɔ sii, bɛa dɛnaa a zii n pepere. Ń zii pepere yɔrɔ bɔ a wɔ lɛa.

Izayii 30:21

N tá re boon kɛn miɛ n kio: «N bɛ́ n kɔnbɔ n zii mɛn saa, n wo n gusin hinlaa n gɔsɛ, á ke.»

Izayii 45:13

Ma din ni má giĩ lɛ da zii la, màn mɛn bɛ́ toɛ a peperebaa zɛnaa. A bɛ boe la a n gòã na màn mɛn tumaa ganaa, ma á re bɛ yii tumaa woɛ̃ ma bɔ a nyɛɛnɛ. A din nə die wusii a maa kiwi Zeruzalɛmu dɔ. Ǹ min mɛnɛn goa ǹ nə́ woo ǹ ne bɛ̀rɛbaa ǹ bǎã nɛ, a din nə die toɛ ǹ wusoo ǹ daa. Ǹ ba re màn kɔn boe wa, ǹ ba re màn kɔn sarɛɛ wa. Dɛnaa Lawa Pàãyiidɛnaa na á pɛ.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Zeremii 10:23

Dɛnaa Lawa, máa doɛ̃, máa minbuiin nɛ nyin ba a din gɔn, a boo la a sii yɔrɔ bɔ a din ni wa.

Zeremii 42:3

Nɔ̀n da Dɛnaa Lawa, n Lawa la, wɔ doamaa bɛ́ nɛ wɔ wo maa a bɛ nyaa wɔ nɛ ka sii mɛn bɛ́ wɔ doamaa-n wɔ zɛnaa.»

Minin nimi 9:20

Ǹ tɛn nɛ, tɛmaa bara lɛ n goɛ̃ kion lɛ la, biikoo boɛɛn kooro. Izirayeli minin lɛn man nə́ goã golee á n kɔnpii ka Dɛnaa Lawa a da ǹ boo ne, maǹ nə́ goã yui á kɔnpii ka Dɛnaa Lawa a da ǹ boo ne.

Korɛnti1 10:31

Bɛ lɛ nɛ, ta ka n màn bii, ta ka ǹ màn mii, ta ka n sii mɛn zɛnɛɛ, ka a tumaa zɛnaa Lawa tɔ golebaa a lɛa.

Korɛnti2 8:16

Ma á barka diɛ Lawa nɛ, asɛ mɛn bɛ́ á din kɔ sii ganaa da Tiiti yiri ni ka a lɛa, ka masɛ bɛ́ lɔn!

Filipi minin 4:6

Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Kolɔɔsi minin 3:23

Ta dí lɛ n lɔn, ka nya ka foo sonbore ne, ka n pɛ mà ka ǹ nyɛɛ Dɛnaa nɛ, ka bie nyɛɛ minin man wa.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Samayeli1 30:8

Davida nɔ̀n da Dɛnaa Lawa la kɛnɛn: «Bɛ̀ masɛ sɔraasin kɛn kio loo, ma á die doe ǹ ganaa?» Dɛnaa Lawa pɛ nɛ: «Ǹ kio loo. N tá re doe ǹ ganaa n nə minin lɛn si, n nə ǹ kaa.»