Suusun 3:3 - LAWA A BOO SONBORE

³ Toa n min sonborebaa, n bɔlɔgoondɛnaa baa baraabaraa. N paraa bɛa sɔ̀nɔn lɛn ganaa, n nə ǹ tamaa n foo ne.

LAWA A BOO SONBORE 2011

³ Toa n min sonborebaa, n bɔlɔgoondɛnaa baa baraabaraa. N paraa bɛa sɔ̀nɔn lɛn ganaa, n nə ǹ tamaa n foo ne.

Suusun 3:3 Iomraidhean Croise

Samayeli2 15:20

Nsɛ n da gunun wole lɛa, ma a boe la pelo gɔrɔ, ma n kũ ma n da kun ka wɔ dinin ni man bibiĩ n ni wa, a da yaa, ma dinmaa lɛ din ba maa woo ǹ bǎã doɛ̃ wa. N bɔyaa kun ka n dɔɔ̃nɔn lɛn nɛ ka woo. Lawa die a goã kunun n ni, a bǐɛ̃ zɛnaa n nɛ!»

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 25:10

Min mɛnɛn bɛ́ Dɛnaa Lawa a lɛ kɔn la ǹ boon kɛn tamaɛ, ka a gɔn waama-n boon kɛn dɔn nɛ, a n bɛn kuĩ ka kɔn-narɛɛ gole ne, á n biɛ̃ duduu zɛnɛɛ ǹ nɛ.

Loen 85:10

Min mɛnɛn bɛ́ nyɛ́ɛ biɛ nɛ, a kirisibaa lɛ n kunu bɛn ganaa, gugurubaa dɔ n die goɛ̃ wɔa gána lɛ gɔ́ɔ̃ nɛ.

Bɔ bɛ̀rɛbaa nɛ 13:9

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 34:6

Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.

Suusun 1:9

Maǹ ka kii bafolo siĩn bɛ́ lɔn n mìi ganaa, ka bɔlɔ-a ǹ gii bɛ́ lɔn n bɔlɔ-a.

Suusun 14:22

Min mɛnɛn bɛ́ taasiɛ bɔnɛɛ nə́ ǹ yiri ni, ǹ nə́ sã ǹ zii ganaa. Min mɛnɛn bɛ́ taasiɛ sonbore we, ǹ saraa n sonborebaa laanka bɔlɔgoondɛnaabaa nɛ.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 20:28

Sonborebaa laanka bɔlɔgoondɛnaabaa n kii tamɛɛ. Sonborebaa na a kiibaa gòã we tán.

Suusun 6:21

Ǹ tamaa n foo ne biikoo yii li, n nə n paraa ǹ ganaa.

Suusun 7:3

N gɔn paraa ǹ ganaa, n nə ǹ tamaa n foo ne.

Zeremii 17:1

Zudaa minin siɛ̃n man ka sɛ́wɔ kiɛ̃ bɛ́ lɔn, ǹ nə́ kiɛ̃ ka fɔlɔ lɛ pɛpɛnaa nɛ hinlaa ka lunluun ni. Maǹ kiɛ̃ nɛ ǹ foo la ka ǹ *wúlu bɔ ǹ bǎã karan nɛ.

Ozee 4:1

Dɛnaa Lawa n kiri we gána lɛ a minin ganaa. Izirayeli minin lɛn ka n too kɔ a da ǹ boo li: sonbore-pɛ ba gána lɛ-n wa, kɔn-narɛɛ ba a-n wa, Lawa-doɛ̃ ba a-n wa.

Malakii 2:6

Bɛa minin kɛn lɛn daraa ǹ boo tumaa na á goã pepere, ǹ soɛ boo kɔn da wa. Maǹ nə́ goã giã-n kũ ka masɛ nɛ yii-nyɛɛ gɔ́ɔ̃ nɛ ka peperebaa nɛ, ǹ nə́ min gigiã kurəə sii baraa zɛnaa ganaa.

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Korɛnti2 3:3

Boo taãn nɛ, ka n sɛ́wɔ lɛa, *Krita din kiɛ̃, masɛ n má daa koa. A bie á kiɛ̃ ka sɛ́wɔ kiɛ̃ ǹ mu-n ma, sɛnɛ, a na á kiɛ̃ ka Lawa yiikoonaa a Yiri Fu ni. A bie á kiɛ̃ kɔlɔn ganaa wa, sɛnɛ, a na á kiɛ̃ minbuiinin foo ne.

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Timəə dí-pɛn 6:8

Màn mɛn bɛ́ toɛ n yiri baran bɔ ǹ nɛ wa, n die ǹ nə ǹ yii n nyàa ganaa, ka n nyanlɛ nɛ.

Ebrəə 10:16

Á pɛ: «Ma bɛ́ re lɛ kɔ kɔn la mɛn we kɔn-a ǹ nɛ, bɛ á ke: ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn lɛn we ǹ foo ne, man die ǹ kiɛ̃ ǹ yiri ni.»