Suusun 27:4 - LAWA A BOO SONBORE

⁴ Kakaarɛbaa n nyɛ́ɛ da ǹ sii lɛa. Foo yoo n ka tà bɛ́ lɔn á pã á pisi. Die n boe la a gole foo yoo nyɛɛnɛ.

LAWA A BOO SONBORE 2011

⁴ Kakaarɛbaa n nyɛ́ɛ da ǹ sii lɛa. Foo yoo n ka tà bɛ́ lɔn á pã á pisi. Die n boe la a gole foo yoo nyɛɛnɛ.

Suusun 27:4 Iomraidhean Croise

Siin Giala 26:14

Á tɔɔ gigiãdɛnaa baa, sèren ne ka diin ni, bɛ̀rɛ gigiã dɔ́ goã a lon. Bɛ lɛ taman yii, Filisiti minin foo wuu pɛ Izaaki li.

Siin Giala 37:11

Ǹ golon lɛn nə́ baa zɔ́ɔ, sɛnɛ, ǹ di lɛ bɛa sii lɛ koa a yiri ni.

Siin Giala 38:9

Sɛnɛ, Onan bɛ́ doɛ̃ mà nɛ lɛ ba re asɛ wɔ biɛ wa, bɛ̀ á woo giã kun ka ǹ gologiĩ a lɔ lɛ nɛ ǹ mɛn waáraa, bɛ̀ á dɔ̃ mà asɛ kíi á die, a n toɛ bɛ̀ a kaa tán, màn mɛn bɛ́ toɛ, a baran ǹ gologiĩ lɛ tɔrɔ yɛ wa.

Zɔbu 5:2

Foo-yoo n yiriwɛɛnaa dii, foo a wuu-pɛ n baãnaa dii.

Suusun 14:30

Yiri mɛn bɛ́ waa nɛ, bɛ n là nyantoro koe. Sɛnɛ foo wuu pɛ n tɛ lɛa min kuĩ.

Suusun 27:3

Kɔlɔ gole á guguru, nyɔɔsɔ̃ boroo dɔ á guguru. Sɛnɛ, baãnaa a min foo yoo á guguru doo á la bɛn manɛ.

Suusun 6:34

Sonbore, lɔ lɛ zuũ foo á re yui foo busii taman yii. Bɛ̀ a tá a gɛ̀ dòo boe, a re makara doɛ̃ wa.

Loe kɔɔ̃n kɔɔ̃n 8:6

Ma tɔ kiɛ̃ n foo ganaa, toa n goã ma dinsɔɔ̃ nɛ, a giala, kɔn-narɛɛ lɛ pàã n kaka. N bɛ́ min mɛn narɛ, a toɛ n nə ǹ dɛnaa toa walan wa. Kɔn-narɛɛ n ka tɛ gigiri bɛ́ lɔn, a ná a nimi wa.

Matiə 27:18

A giala Pilati dɔ̃ parsiini, mà foo a wuu pɛ na á toa ǹ nə́ Yezu wɔ asɛ gɔn.

Nya ǹ dín 17:5

Sɛnɛ, busii wɔ Zuifun lɛn sɛn foo ne, ǹ nə́ bibiə̃ bii-a wole kɔrɔn kɔnɔn bɔ kiwi lɛ gɔ́ɔ̃ nɛ, bɛn nə́ zaman lɛ sɔsɔmɔ ǹ nə́ kiwi lɛ lɔlɔkɔn. Ǹ nə́ tɔ́n woo Zaazɔn a kion lɛnpɛnɛ, mà maǹ giɛ Pooli laanka Silaasi li, ǹ nə́ die kiri kuri ǹ la zaman yɔrɔ-a.

Nya ǹ dín 5:17

Bɛa siin kɛn lɛn zɛnaa gɔ́ɔ̃ nɛ, Lawa a Kion wúlu-bɔlen kiã foo yoo, kun ka *Sadusɛɛ̃n lɛsɔkɔn minin kɛn tumaa nɛ a tá kun wolen lɛa. Ǹ nə́ pɛ mà yǎa ǹsɛn nə yui ǹ sii zɛnɛɛ.

Nya ǹ dín 7:9

Foo wuu pɛ a lɛa, bɛa digolon kɛn lɛn nə́ ǹ diɛ̃ Zozɛfu sã minin la, bɛn nə́ woo ne Ezipti gána nɛ. Sɛnɛ, Lawa goã kun ka Zozɛfu ni.

Rɔmu minin 1:29

Ǹ piɛ̃maa-n ka kɔkɔrɔbaa laanka sii baraa tɔrɔ tumaa nɛ. Ǹ foo n wuu pii, ǹ dinin dɔn man baraa. Maǹ minin bebele, maǹ zia diɛ, maǹ gɛ̀ dii. Maǹ gɔn diɛ ǹ miãn ganaa. Maǹ boo baraa diɛ kɔn kio ganaa,

Zaã1 3:12

Kanyɛ mɛn bɛ́ á goã Sɛtaan Baraa kɛ wɔ lɛa, wɔ doamaa bie wɔ goã ka bɛ bɛ́ lɔn wa. Asɛ lɛ na á ǹ diɛ̃ dɛ á gã. A na á ǹ diɛ̃ lɛ dɛ wàa mɛn a lɛa? A giala, a din a nya ǹ dín nə́ goã babaraa, ǹ diɛ̃ lɛ wɔn nə́ pepere.

Samayeli1 18:9

A saa bɛa pinaa kɛ lɛ ganaa lɔn, Sayulu ná a giala kɔ, á n yiri babaraa boe Davida li.