Suusun 21:4 - LAWA A BOO SONBORE

⁴ Ga ka yɔrɔ baraa nɛ, ka din gole kɔ nɛ, bɛ n min baraan sii baraa giala pii.

LAWA A BOO SONBORE 2011

⁴ Ga ka yɔrɔ baraa nɛ, ka din gole kɔ nɛ, bɛ n min baraan sii baraa giala pii.

Suusun 21:4 Iomraidhean Croise

Zɔbu 18:5

Sɛnɛ, min baraa a tɛ fúlu á re nimi, a kùsì tɛ á re kuĩ lɛ diɛ.

Zɔbu 18:6

Tɛ fúlu á re wɔlɔ tì biɛ a ganaa a kion, a bolon tá re nimi lon, a mìi lalan.

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Loen 101:5

Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

Loen 131:1

Wo Zeruzalɛmu loe. Davida a loe. Dɛnaa Lawa, din gole kɔ ba ma gɔ́ɔ̃-n wa. Ma ba n yii baɛ̃ sii dɔ li wa. Sii dadaran kɛn, siin mɛnɛn dinin pàã bɛ́ á la ma nɛ, ma bie bɛn kio wa.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 21:27

Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.

Suusun 24:20

Min mɛnɛn bɛ́ sii baraa zɛnɛɛ, ǹ biɛ̃ n banban. Min bɔnɛɛn yiikoonaabaa n ka bolon tɛ bɛ́ lɔn nimi.

Suusun 30:13

Din gole kɔ la min tɛnɛn yii ni. Maǹ giɛ ǹ miãn ganaa ka yii baraa nɛ.

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 3:16

Dɛnaa Lawa n pii: «*Siɔn kiwi lɔn kɛn tá kɔɔ̃nɛ ǹ dinin ganaa. Maǹ nə n wìi dii ǹ nə́ tɔ we, ǹ nə́ n yii boe minin li. Maǹ nə n gòã siɛ gogoon, ǹ gòã wìi ganaa ǹ zanan kɛn wuu li.»

Luku 11:34

Min yiin nànan man ka bolon bɛ́ lɔn a gɔ̀nɔn ganaa. Bɛ̀ min yiin tá siĩni, maǹ wɔlɔ fuli a gɔ̀nɔn din tumaa nɛ. Sɛnɛ, bɛ̀ min yiin ba siĩn wa, a gɔ̀nɔn din tumaa n wɔlɔ tì li.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Rɔmu minin 14:23

Sɛnɛ, min mɛn bɛ́ a gɔ́ɔ̃ nə n lonlankoe màn-bii kɔ́n wɔ gɔn la, bɛ̀ bɛa dɛnaa bɛa màn lɛ bii, Lawa n dɔlɔ boe a ganaa. A giala, a sii lɛ zɛnaa á kɔnpɛ a golee Lawa li-n wa. Sii woo sii, a nə n zɛnɛɛ ka golee Lawa li baã nɛ, bɛ n sii baraa lɛa.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»