Suusun 21:2 - LAWA A BOO SONBORE

² Minbuiin nɛ a sii zɛnaan tumaa n pepere a din yii li. Sɛnɛ, Dɛnaa Lawa dinsɔɔ̃ n gɔ́ɔ̃ doɛ̃.

LAWA A BOO SONBORE 2011

² Minbuiin nɛ a sii zɛnaan tumaa n pepere a din yii li. Sɛnɛ, Dɛnaa Lawa dinsɔɔ̃ n gɔ́ɔ̃ doɛ̃.

Suusun 21:2 Iomraidhean Croise

Zɔbu 31:6

Lawa din ma zɔɔ̃ màn zɔɔ̃ ǹ màn sonbore la a ga-a, á re maa peperebaa yii.

Loen 36:2

Min baraa a yii wɔ Lawa la ǹ boo ke, bɛ n die ma yiri ni. Asɛ yii li, min doamaa bie a nyɛ́ɛ baa Lawa nyɛɛn wa.

Suusun 12:15

Baãnaan man taasɛ mà ǹsɛn zɛnaa ǹ sii n siĩn duduu. Sɛnɛ, sii-dɔ̃li manə n too koe doroo li.

Suusun 16:2

Minbuiin nɛ n taasɛ mà asɛ n sii sonbore zɛnɛɛ biikoo tumaa li. Sɛnɛ, Dɛnaa Lawa n kiri we foo ganaa.

Suusun 16:25

Min tá boe la a taasɛ mà asɛ a giã ǹ gɔn tá siĩni a da yaa dɔn a n woe-n gɛ̀ ganaa.

Suusun 17:3

Maǹ sana laanka wɔrɔ á sonborebaa doɛ̃ ka tɛ nɛ. Sɛnɛ, Dɛnaa Lawa n kiri we minbuiin nɛ foo a siĩnbaa ganaa.

Suusun 20:6

Min gigiã n pii mà ǹsɛn man yiridɛnan lɛa, sɛnɛ, die n boe la a min bɔlɔgoondɛnaa yɛ a nyaa.

Suusun 24:12

Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

Suusun 30:12

«Min tɛnɛn man taasɛ mà sɔ̀n ba ǹsɛn ganaa wa, a da yaa ǹ gɔ̀ pii ǹ nə́ bɔ ǹ dinin ganaa wa.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Galaasi minin 6:3

Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.

Zaaki 1:22

Ka toa ka tɔ wɔ, a kɔnpɛ ka Lawa a boo lɛ-n ka tɛrɛɛnɛ. Ka baran n too kɔ a ganaa kooro, ka ka dinin bebele wa.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»