Suusun 21:1 - LAWA A BOO SONBORE

¹ Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

LAWA A BOO SONBORE 2011

¹ Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Suusun 21:1 Iomraidhean Croise

Kiin2 19:33

A zii mɛn saa á daa, á re n bɔyɛɛ ka bɛ lɛ nɛ. A we kiwi kɛ-n wa. Ma din Dɛnaa Lawa a da ǹ boo ne.

Ɛsidrasi 1:1

Lɛlɛ lɛlɛ, Dɛnaa Lawa goã á boo da a boo gii-dali Zeremii ni. Pɛrsi gána a kii Siirusu a kiibaa lɛ̀ bibinaa li, Dɛnaa Lawa na á wɔ Pɛrsi gána a kii Siirusu lɛ yiri ni, mà a lɛ dia a gána lɛ tumaa nɛ, a sɛ́wɔ dɔ din kiɛ̃ a pɛ

Ɛsidrasi 1:2

mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Ɛsidrasi 6:22

Ǹ nə́ *yɔ bùbaã buuru zɔ́n zɛnaa lɛawaa sɔbaa gɔ́ɔ̃ nɛ, ka nyɛnyɛɛ nɛ. Lawa na á ǹ kã ka nyɛnyɛɛ nɛ, a giala, á Asiirii gána a kii foo bɔyaa, màn mɛn bɛ́ toɛ, kii lɛ nə n yɔrɔ bǐɛ̃ da ǹ la, ka Lawa a kion lɛ a dí ni, Izirayeli a Lawa a kion dí lɛ.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Nehemii 2:4

Kii lɛ nɔ̀n da ma la: «N nə n giɛ wàa mɛn li?» Má tɔ́n lon a Lawa nyankɔ.

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Loen 105:25

Lawa din toa Ezipti minin lɛn yiri nə́ n bɔyaa, ǹ ná a zaman lɛ baa zɔ́ɔ, ǹ na a dí-nyali Izirayeli minin lɛn kũ ka soɛ nɛ.

Loen 106:46

Min mɛnɛn nə goã pàã nyɛɛ ǹ nɛ, ka kòso-nɛn manɛ, á toa bɛn nə́ wusoo ǹ nə́ ǹ makara dɔ̃.

Loen 114:3

Ǹ bɛ́ ǹ nə́ Izirayeli nɛnyaanan lɛn yɛ, yìsi mu gole kɛa mu baa si á papaã, Zurdɛ̃ tà kɛa mu wusoo a kio ne.

Loen 114:5

Yìsi mu gole, wàa na á baa, n tá baa sii? Zurdɛ̃ tà, wàa na á baa, n tá wusii?

Loen 74:15

N din nə ń mu yalan kɛn fɔ̃, ka pɛrɛn kɛn nɛ. Pɛrɛn mɛnɛn bɛ́ ǹ mu a piɛ̃ duduu wa, ń bɛn mu piɛ̃.

Loen 93:4

Dɛnaa Lawa lɛ lon, a din lɛ n màn tumaa mìi la. Á gole á la mu dadaran wuu ni, á la yìsi mu a daa laanka a wo ka pàã-n kɛ tumaa nɛ.

Bɔ bɛ̀rɛbaa nɛ 7:3

Sɛnɛ, ma din tá re Faarahɔn too kaka koe. A laanɛ n tá re sii nyaa ǹ sii dadaran zɛnɛɛ ǹ mɔnaa Ezipti gána nɛ,

Suusun 16:1

Minbuiin nɛ n sii lɛ boe, sɛnɛ a yɔrɔ yɛ n boe Dɛnaa Lawa li.

Suusun 16:9

Minbuiin nɛn manə ǹ zii boe, sɛnɛ, Dɛnaa Lawa n tɔ wɔ bǐɛ̃ koe.

Suusun 20:24

Minbuiin nyin nə Dɛnaa Lawa gɔn. A n siɛ lɔn a na a woo ǹ bǎã dɔ̃.

Izayii 43:19

A giala á ke, man die sii soree zɛnɛɛ, a n gole koe goon lɛa. Ka yii tá a ganaa ya? Sonbore, man die zii boe diə ne, ma mu da baa si ganaa bɛa bǎã gere kɛ lɛ nɛ.

Izayii 44:27

Man pii mu zuzulu ni: «Piɛ̃ ka daɛ̃. Ma á re n mu diɛ piɛ̃ ganaa»

Zeremii 39:12

«Wo kũ n da nɛ, n ga a walan, min kɔn nyan baraa zɛnaa-n wa, n tamaa ka a bɛ li lɔn.»

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.

Sii-nyaan 16:12

Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃.

Sii-nyaan 16:4

A sɔɔbaa ǹ wɔ woo a wɔ binyə tàn nɛ, ka mu yalan nɛ, ǹ mu nə́ n bɔyaa á mà baa.