Suusun 2:6 - LAWA A BOO SONBORE

⁶ Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

LAWA A BOO SONBORE 2011

⁶ Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

Suusun 2:6 Iomraidhean Croise

Kiin1 10:24

Lawa sii-doɛ̃ mɛn kɔ Salomɔn la, kanaa kuturu na á goã giɛ li mà ǹsɛn nə Salomɔn yɛ, ǹ nə n too kɔ bɛ ganaa.

Kiin1 3:12

Á ke, n màn mɛn nyankɔ, masɛ n die bɛ zɛnɛɛ: Sii-doɛ̃ laanka yiridɛnaabaa mɛn bɛ́ min ná a tɔn yɛ n nyɛɛnɛ á kiɛ̃ wa, min ná a die yii n kio dɔn wa, man die bɛ koe n la.

Kiin1 3:9

Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»

KZS1 22:12

Lawa nə n yiri fulu, a sii-doɛ̃ kɔ n la, màn mɛn bɛ toɛ n kɔ Dɛnaa Lawa a dí-pɛn kɛn lɛ, bɛ̀ á n koa Izirayeli mìi la á pàã kɔ n la.

Ɛsidrasi 7:25

Nsɛ Ɛsidrasi, n Lawa a sii-doɛ̃ mɛn lɛ bɛ́ n gɔn, sii yɔrɔ bɔlen laanka kiri-kurulin koa ka bɛ nɛ, ǹ Efrati tà a lɛ̀nyɛɛn gɔn la a zaman tumaa a kiri kuru, ǹ mɛnɛn tumaa bɛ́ n Lawa lɛ a dí-pɛn doɛ̃. Min mɛnɛn bɛ́ ǹ ba bɛa dí-pɛn kɛn lɛn doɛ̃ wa, bɛn daraa ǹ ganaa.

Nehemii 7:5

Maa Lawa da ma foo ne mà ma min yii guguru-an laanka goledɛnan sɔkɔn ka zaman lɛ nɛ, ma ǹ nimi. Min mɛnɛn nə goã ǹ nə́ daa bibinaa nɛ, má bɛn nimi ǹ sɛ́wɔ yɛ. Man má kɛ yɛ kiɛ̃ nɛ a nɛ.

Zɔbu 12:13

Sɛnɛ, sii-doɛ̃ laanka pàã n Lawa nɛ. Sii giala ma laanka yiri na a din wɔ lɛa.

Zɔbu 12:16

Boo sii la laanka yiridɛnaabaa na a din wɔ lɛa. Ǹ bɛ́ ǹ nə́ min mɛn yiri sã, ka min mɛn dɔ din bɛ́ á n din sã, ǹ tumaa a sii n Lawa gɔn.

Zɔbu 22:22

A bɛ́ doree mɛn koe n la, bɛ si. A bɛ́ boo mɛn pii n ni, bɛ tamaa n yiri ni.

Zɔbu 32:8

Sɛnɛ, taãn-pɛ á soɛ, yiri n boe Lawa li, Pàãyiidɛnaa ǹ yiri koe min la.

Loen 119:104

N doroo boon lɛn nə́ yiri kɔ ma la. Bɛ lɛ n ke, soɛ sii tumaa tìĩ bɔ ma nɛ.

Loen 119:34

Yiri kɔ ma la, ma boo la ma kɔ n landa boon kɛn lɛ, ma boo la ma ǹ tamaa ka ma foo tumaa nɛ.

Loen 119:98

N dí-pɛn lɛn man toɛ, ma á sii doɛ̃ má la maa zɔ́ɔn manɛ. A giala, maǹ ma yiri-n miɛ̃ duduu.

Loen 19:7

A n soe lon paǹ goon ganaa, a wo a baa giala nyɔmɔɔ a paǹ kɔsɔ kɛ ganaa, a fuubaa ná a màn kɔn pusii wa.

Loen 19:8

Dɛnaa Lawa a landa lɛ n siĩni, a lɛ n piɛ̃ nɛ, á pàã koe min a yiikoonaabaa la. Dɛnaa Lawa a landa boo á kɔnboe ka foo doamaa nɛ, á yiri koe sii doɛ̃baã wole la.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Loen 94:10

A din lɛ na á dɔlɔ bɔ tɔrɔ kɔsɔn kɛn ganaa, ka n taasɛ, mà dɔlɔ bɔ ǹ pàã na a ba a lon doo wa? Dɛnaa Lawa mɛn bɛ́ doɛ̃ koe minbuiinin la,

Bɔ bɛ̀rɛbaa nɛ 31:3

Man má yiri kɔ Besaleli lɛ la, màn mɛn bɛ́ toɛ, a sii-doɛ̃ laanka yiridɛnaabaa yɛ, ka màn-doɛ̃ laanka kanaa sii tumaa zɛnaa doɛ̃ nɛ.

Suusun 6:23

Doroo n ka bolon bɛ́ lɔn, daraa n wɔlɔ fúlu lɛa. Gɔn waa manɛ n min yii buĩ. A n yiikoonaabaa ǹ zii lɛa.

Boo-laakalaali 2:26

A giala, min mɛn bɛ́ kɔɔ̃n Lawa ganaa, a n sii-doɛ̃ laanka doɛ̃ koe bɛ la, ka nyɛnyɛɛ nɛ. Sɛnɛ min mɛn bɛ́ sii baraa zɛnɛɛ, Lawa n diɛ bɛ mìi ni, a ga màn li a sɔkɔn, màn mɛn bɛ́ toɛ min mɛn bɛ́ kɔɔ̃n Lawa ganaa, a kɔ bɛ la. Bɛ dɔ giala banban, a n piɛ̃ loo lɛa.

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Zaã a sɛ́wɔ 6:45

A tá kiɛ̃-n Lawa a boo gii-dalin sɛ́wɔ nɛ mà Lawa á die min tumaa doree. Min woo min á masɛ a Díi a da ǹ boo ma, a ná a doroo si, bɛa dɛnaa n die masɛ li.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.