Sofonii 3:8 - LAWA A BOO SONBORE

⁸ Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

LAWA A BOO SONBORE 2011

⁸ Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Sofonii 3:8 Iomraidhean Croise

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 123:2

Bɛ̀rɛgiĩ bɛ́ n yii diɛ a goledɛnaa gɔn li lɔn, bɛ̀rɛlɔ bɛ́ n yii diɛ a goledɛnaa gɔn li lɔn, Dɛnaa Lawa wɔa Lawa, wɔ dɔn manə n yii diɛ n dɔ gɔn li miɛ̃, wáa n da makara bɔ wɔ ganaa.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Loen 37:34

N foo doa Dɛnaa Lawa ganaa, n kɔ a zii lɛ. Á re n koɛ gána lɛ a dɛnaa lɛa. N tá re yii min baraan kɛn wɛɛ ǹ boe a nɛ.

Loen 37:7

Giã kiĩni Dɛnaa Lawa li, n nə n foo doa a ganaa. Min mɛn a sii bɛ́ bǐɛ̃ koe, n foo baran busu li wa. Min mɛn bɛ́ yiri baraa boe a sii zɛnaa gɔ́ɔ̃ nɛ, n foo baran busu bɛ li wa.

Loen 62:1

LOE-saalin goledɛnaa loe mɛn lɔ. Yedutun na á lɔ. Davida a loe n ke.

Loen 62:5

Ka nə n doɛ mà yǎa ka boe a bǎã nɛ. Soɛ-bɔ n kɔɔ̃n ka ganaa. Ka n Lawa bǐɛ̃ bíi ka ka lɛ nɛ, sɛnɛ, ka n dì bíi ka gɔ́ɔ̃ nɛ. *Doa.

Loen 79:5

Dɛnaa Lawa, n foo-yoo kɛ n die goɛ̃ miɛ̃, a ná a nyɛɛ wa, yǎa biĩ doo? N kakaarɛ kɔ wɔ ganaa ke, á n wɔ kuĩ ka tɛ bɛ́ lɔn, bɛ dɔ n die goɛ̃ yǎa biĩ?

Loen 79:6

Tɔrɔ kɔsɔn mɛnɛn bɛ́ ǹ ba n doɛ̃ wa, n foo-yoo kɛ kaa bɛn la. Gánan mɛnɛn bɛ́ ǹ ba n guguru koe wa, a kaa bɛn la.

Suusun 20:22

N nyan pɛ: «Man die baraa sarɛɛ ka baraa nɛ.» Sɛnɛ, n foo doa Dɛnaa Lawa ganaa, á re n kirisibiɛ.

Loe kɔɔ̃n kɔɔ̃n 8:6

Ma tɔ kiɛ̃ n foo ganaa, toa n goã ma dinsɔɔ̃ nɛ, a giala, kɔn-narɛɛ lɛ pàã n kaka. N bɛ́ min mɛn narɛ, a toɛ n nə ǹ dɛnaa toa walan wa. Kɔn-narɛɛ n ka tɛ gigiri bɛ́ lɔn, a ná a nimi wa.

Izayii 14:26

Kɛ n gɔn waa ǹ boo lɛa kanaa tumaa wɔ lɛa, a gɔn munii n lon, tɔrɔn tumaa wɔ lɛa.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Izayii 63:6

Maa foo-yoo lɛ gɔ́ɔ̃ nɛ, má tɔrɔn yɔyɔrɛ ma gòã li. Má ǹ kã ka maa foo-yoo kɛ nɛ, má ǹ mà kaa tán furu-n.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Ozee 12:6

«Dɛnaa Lawa, Dɛnaa Lawa Pàãyiidɛnaa,» a tɔ n Dɛnaa Lawa.

Zowɛli 3:2

Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Azee 2:22

Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»

Matiə 25:32

Kanaa a tɔrɔn tumaa á re n lɛ soekɔn-a a yɔrɔ-a. Á die ǹ gɔgoɛ̃ a ǹ bɔ kɔn li, ka tɔɔn-lɛduə̃li bɛ́ sèren gɔgoɛ̃ a ǹ bɔ kun ka bòen ne lɔn.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Sii-nyaan 16:1

Má lɛn gole ma boe Lawa a kion, a n pii lon a dia dí-a wole sɔbaa kɛ nɛ: «Ka wo Lawa a foo-yoo paan sɔbaa kɛ binyəə tán la.»

Sii-nyaan 16:14

*Sɛtaan yirin manɛ, ǹ nə́ kaãbaa ǹ siin zɛnɛɛ. Bɛa nɔ̀ɔn babaraa màn sɔɔ kɛ lɛ n woe tán paǹ tumaa a kiin li, ń giɛ, ǹ tá n lɛ soekɔn, ǹ die ǹ zia baa Lawa Pàãyiidɛnaa a lɛawaa gole kɛ a pinaa.