Sofonii 3:6 - LAWA A BOO SONBORE

⁶ Dɛnaa Lawa pɛ: Má tɔrɔn papaã, má ǹ lɛduə̃ ǹ kungɔnɔn kɛn wuru, má ǹ kiwi gɔ́ɔ̃ baa ka diə gole bɛ́, min kɔn din ba kiɛ̃ walan doo wa. Ǹ kiwin nə́ bɔ̀n baa lenlen, min goon din ba ǹ nɛ doo wa.

LAWA A BOO SONBORE 2011

⁶ Dɛnaa Lawa pɛ: Má tɔrɔn papaã, má ǹ lɛduə̃ ǹ kungɔnɔn kɛn wuru, má ǹ kiwi gɔ́ɔ̃ baa ka diə gole bɛ́, min kɔn din ba kiɛ̃ walan doo wa. Ǹ kiwin nə́ bɔ̀n baa lenlen, min goon din ba ǹ nɛ doo wa.

Sofonii 3:6 Iomraidhean Croise

Izayii 14:26

Kɛ n gɔn waa ǹ boo lɛa kanaa tumaa wɔ lɛa, a gɔn munii n lon, tɔrɔn tumaa wɔ lɛa.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 9:12

Dɛnaa Lawa pɛ doo: «A giala, maa dí-pɛn kɛn má kɔ ǹ la, ǹ nə́ n la bɔ bɛn ganaa. Ǹ nə n too kɔ ma lon wa, ǹ kɔ ma lɛ wa.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Sofonii 2:5

Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Matiə 23:38

Haya, ka á re soe, ka kaa Lawa a kion kɛ toa walan ka lenlen, a ziziɛ̃ ka lon.

Korɛnti1 10:11

Bɛa siin kɛn man nə́ n zɛnaa ǹ nɛ sii a kɔnboen lɛa. Maǹ nə́ tɔ́n nə ǹ kiɛ̃ sɛ́wɔ nɛ, mà ǹ wɔ dɔn biikoo giala-nyɔmɔɔ minin kɛn doroo ǹ siin baa.

Korɛnti1 10:6

Bɛa siin kɛn man nə́ n zɛnaa sii a kɔnboen lɛa wɔsɛn nɛ, ń giɛ, sii baraa zɛnaa lɛgɔ́ɔ̃ baran wɔ kũ, ka a bɛ́ á ǹsɛn kũ lɔn wa.

Zozoe 23:4

Ka ga: tɔrɔn mɛnɛn bɛ́ tɔn nə ǹ bǎã nɛ, ma ǹ mɛnɛn dɔn dɛ má ǹ nya, a saa Zurdɛ̃ tà kɛ ganaa lɛ̀giala-n a wo kaa kɔ̀ gole kɛ lɛ lɛ̀nyɛɛnɛ, pã na á n wɔ bɛa tɔrɔn kɛn lɛn bǎãn ganaa, má ǹ gii Izirayeli tɔrɔn lɛn lɛ yii li, má kɔ ǹ la.