Sofonii 3:20 - LAWA A BOO SONBORE

²⁰ Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

LAWA A BOO SONBORE 2011

²⁰ Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

Sofonii 3:20 Iomraidhean Croise

Loen 35:6

Dɛnaa Lawa, bɛ̀ n lon a dia dí-a wole lɛ tá ǹ lui, zii tii ǹ ganaa, n na a zɔrɔn kɔ ǹ gòã li.

Izayii 56:5

á bǐɛ̃ kɔ, maa kion lɛ gɔ́ɔ̃ nɛ, ka a kigiala gɔ̀nɔn ganaa nɛ, ma á re bǎã koe ǹ la ka tɔ dɔ nɛ. Bɛ là á re yii ǹ ganaa, a la nɛgiĩn laanka nɛlɔn manɛ. Ma bɛ́ re tɔ mɛn koe ǹ la, bɛ n die goɛ̃ yǎa duduu, a ná a ba n tuturi wa.»

Izayii 56:8

Dɛnaa Lawa mɛn Izirayeli a wo bɛ̀rɛbaa ǹ bǎã n wolen sɔkɔn, bɛa da ǹ boo á ke: «Má minin sɔkɔn má ǹ lɛpɛnɛ nɛ. Man die wusii ma kɔsɔn sɔkɔn kunun ǹ ni doo.»

Izayii 60:15

Maǹ nə́ goã ǹ nə́ n la bɔ n ganaa, min kɔn ba n narɛ wa, min kɔn ba n yii koe n ganaa wa. Sɛnɛ sisia, man die n bǐɛ̃ koe, màn mɛn bɛ́ toɛ, ǹ foo kɔɔ̃n kɔ n din taman yii, yǎa duduu.

Izayii 61:9

Ǹ tá re kaa nɛnyaanan doɛ̃ tɔrɔn tumaa bii. Kaa nɔ̀ɔnɔn kɛn, ǹ tá re bɛn doɛ̃ bǎã tumaa nɛ. Bɛ̀ min mɛn nə́ ǹ yɛ, a n die ǹ doɛ̃ kɛ li: Maǹ tɔrɔ lɛa, Dɛnaa Lawa barka da ǹ ganaa.

Izayii 62:12

Ǹ tá re ǹ bíi mà «Tɔrɔ sonbore» «Dɛnaa Lawa min mɛnɛn si á ǹ kaa». Nsɛ Zeruzalɛmu, ǹ tá re n bíi: «Lawa foo sii kiwi», «kiwi mɛn bɛ́ ǹ nə n la bɔ a ganaa wa».

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Ezekieli 16:53

Ma á re wusii ma Sodɔmu laanka a lɛkoro lɛ-a kiwin giã ǹ gɔn bɔyaa, ma Samarii laanka a lɛkoro lɛ-a kiwin giã ǹ gɔn bɔyaa. Ma á re Zeruzalɛmu dɔ laanka a lɛkoro lɛ-a kiwin giã ǹ gɔn bɔyɛɛ,

Ezekieli 28:25

Masɛ Dɛnaa Lawa n kɛ pii: «Izirayeli tɔrɔn kɛn bɛ́ pɛsiɛ̃-n tɔrɔ kɔsɔn mɛnɛn bii, bɛ̀ masɛ nə́ ǹ waa bɛn bii ma ǹ sɔkɔn ǹ mɛn waáraa, ma á re nyɛɛ tɔrɔ kɔsɔn kɛn manɛ, máa masɛ din nə Lawa sonbore lɛa. Izirayeli minin lɛn tá re giɛ̃ ǹ dinin tán la, masɛ goã má bǎã mɛn lɛ kɔ maa dí-nyali Zakɔba la.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 37:12

Bɛ lɛ taman yii, maa boo kɛ da ǹ nɛ n pɛ ǹ nɛ, mà masɛ Dɛnaa Lawa a da ǹ boo á ke: Maa minin lɛn, á ke, ma á re kaa yalan lɛn buĩ, ma ka waa ma ka bɔ kaa yalan lɛn nɛ, ma da ka nɛ Izirayeli gána nɛ.

Ezekieli 37:21

A pɛ ǹ nɛ, mà masɛ Dɛnaa Lawa n kɛ pii: «Izirayeli minin lɛn nə wo bǎãn mɛnɛn tumaa nɛ, ma á re ka wɛɛ walan ma ka sɔkɔn, ma wusoo ma da ka ka nɛ, kaa gána nɛ.

Ezekieli 39:13

Zaman lɛ tumaa á re ǹ gere biĩ. Bɛ̀ masɛ maa gugurubaa nyaa ǹ mɛn pinaa, ǹ tumaa foo á re kɔɔ̃n koe. Ma din Dɛnaa Lawa a da ǹ boo ne.

Ezekieli 39:28

Ǹ tá re doɛ̃ bɛa biikoo li kəni, mà ma din nə Dɛnaa, ǹ Lawa lɛa. A laanɛ má ǹ goa má woo ǹ ne tɔrɔ kɔsɔn li, ma á re wusii ma ǹ sɔkɔn ǹ dinin tán la. Ma a re ǹ kɔn din toɛ walan doo wa.

Zowɛli 3:1

Bɛ kio kəni, ma á re ma yiri koe min tumaa la. Kaa nɛgiĩ laanka kaa nɛlɔn tá re maa boo gii diɛ. Ma á re boo diɛ kaa min gole manɛ ka narɛɛn nɛ, ma á re boo diɛ kaa nɛ tenən manɛ ka sii yɛn nɛ.

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Sofonii 3:19

Bɛa biikoo li, min mɛnɛn nə bɔ n yii ni ka mɛnaa ma la siin ni, ma á re yui bɛn gialaa. Ma á re kaa busulən kaka koe. Ǹ wo ka min mɛnɛn nɛ gùli kɔ ǹ bàã nɛ, ma á re die bɛn nɛ piɛ. Kaa tɔ golebaa á re n diɛ wɔlɔ la, sìi ka kũ gánan mɛnɛn tumaa nɛ.

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Zakarii 8:8

«Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»

Malakii 3:12

Tɔrɔ kɔsɔn kɛn tumaa á re ka doɛ̃ foo kɔɔ̃n-an lɛa, a giala kaa gána a giã ma-n tá re goɛ̃ kɔɔ̃nɛ. Masɛ Dɛnaa Lawa Pàãyiidɛnaa n pii ka nɛ.»

Timəə dí-pɛn 26:18

Dɛnaa Lawa dɔ pɛ pelo mà ka na a asɛ a zaman lɛa, mà ka na a dinsɔɔ̃ wɔ lɛa, ka a bɛ́ á pɛ ka-n lɔn, ka a gɔn waa ǹ boon kɛn tumaa tamaa.

Timəə dí-pɛn 26:19

A giala, Lawa tɔrɔ kɔsɔn mɛnɛn tumaa zɛnaa, a n die gugurubaa koe ka la, a ka tɔ bɔ, ka golebaa yɛ a la bɛn manɛ. Bɛ gɔ́ɔ̃ nɛ, a n giɛ li ka goã asɛ din wɔ lɛa, ka a bɛ́ á pɛ lɔn.