Sofonii 3:17 - LAWA A BOO SONBORE

¹⁷ Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

LAWA A BOO SONBORE 2011

¹⁷ Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Sofonii 3:17 Iomraidhean Croise

Siin Giala 1:31

Lawa màn mɛn tumaa zɛnaa, á yɛ mà ǹ tá siĩn parsiini. Wasamiɛ̃n yɛ, baayɛlɛ dɔ́ yɛ. A lɛawaa sɔrɔbaa ǹ wɔ n ka bɛ nɛ.

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Siin Giala 2:2

Lawa bɛ́ a ná a dí nya á nya, a lɛawaa sɔbaabaa ǹ wɔ pinaa, á n susu.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 78:65

Bɛa biikoo li, ka min din bɛ́ yui nyuù-n lɔn, ka yɔ bɛ́ we min kaka yii-n lɔn, Dɛnaa yoo.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 18:4

A giala, Dɛnaa Lawa pɛ ma-n kɛnɛn. Ma bɛ́ giã-n bǎã mɛn nɛ, man zoɛ̃ li ma giã kiĩni, ka kaa-piɛ waáraa labara bɛ́ lɔn. Man zoɛ̃ li ma ga gongon, ka sɛ̀fuu waáraa a wasa bɛ́ lɔn.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Izayii 65:19

Ma foo á re kɔɔ̃n koe Zeruzalɛmu taman yii, Man die n nyɛnyɛɛ maa zaman a lɛa. Wuu laanka gú diɛ lɛ a re boe doo wa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Ozee 14:4

Asiirii a boe la a wɔ kirisibaa wa, wɔ a re dii sùin la wa. Wɔ dinin gɔnɔn nə mànan mɛnɛn zɛnaa, wɔ a re pii bɛn man doo: "wɔa Lawa" wa. A giala nɛ toen nə kiɛ n din yele.

Zowɛli 2:21

Màn mɛn tumaa bɛ́ tán la, ka baran nyɛ́ɛ baa wa. Ka bɛ̀ baa, ka n nyɛnyɛɛ. A giala, Dɛnaa Lawa á sii dadaran zɛnɛɛ.»

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Sofonii 3:5

A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.

Minin nimi 14:8

Bɛ̀ Dɛnaa Lawa nə́ n gɔ́ɔ̃ kaa wɔ nɛ, á die woe ka wɔ nɛ bɛa gána kɛ lɛ nɛ, a kɔ wɔ la, bɛa gána kɛ lɛ, bɔ̀nyaa laanka zoo nyɔɔ n baa sii a nɛ.

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Zaã a sɛ́wɔ 13:1

*Kiɛ̃mala ǹ zɔ́n laan bɛ̀ á dɔ, Yezu dɔ̃ mà asɛ a biikoo dɔ, a n bɔ kanaa kɛ gɔ́ɔ̃ nɛ, a wo ǹ Di Lawa li. A goã a wɔn mɛnɛn lɛn narɛ kanaa lɛ gɔ́ɔ̃ nɛ biikoo tumaa waáraa, á wusoo á bɛn narɛ doo yǎa a dan ganaa.

Zaã a sɛ́wɔ 15:11

Man má bɛ pɛ ka nɛ, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ goã ka dɔn lon, kaa nyɛnyɛɛ lɛ pã.

Timəə dí-pɛn 23:15

A giala, kaa Lawa, Dɛnaa Lawa dinmaa nə n bibiĩ kaa giã ǹ bǎã lɛ nɛ, a n ka tamaɛ, a n kaa zɔ́ɔn we ka gɔn. Bɛ lɛ nɛ, kaa giã ǹ bǎã lɛ doamaa nɛ a goã yoreene Lawa wɔ lɛa. Sii mɛn bɛ́ a siĩn wa, ka doamaa bie ka bɛ zɛnaa wa. Bɛ̀ á ka yɛ bɛ zɛnɛɛ, a n die n gɔn boe ka ganaa.

Timəə dí-pɛn 30:9

Kaa Lawa, Dɛnaa Lawa lɛ á re kaa nya ǹ dí tumaa bǐɛ̃ koe ka gɔn. Á re toɛ kaa nɛnyaanan laanka kaa tɔɔn nə mɔnaa, á re kaa tán-kɔsiɛ dɔ bǐɛ̃ koe. Bǐɛ̃ zɛnaa ǹ foo mɛn yɛ a lon ka digolon wɔ paǹ li, bɛ lɛ á re yii a lon ka dɔn wɔ paǹ li.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.