Sofonii 3:12 - LAWA A BOO SONBORE

¹² Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

LAWA A BOO SONBORE 2011

¹² Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Sofonii 3:12 Iomraidhean Croise

Ɛsidrasi 9:8

Sɛnɛ kanna, wɔa Lawa, Dɛnaa Lawa bǐɛ̃ kɔ wɔ ganaa biikoo boɛɛn gɔ́ɔ̃ nɛ, á toa wɔ gialakunun nə́ kanbaa. Ka bɛ dɔ nɛ, á giã ǹ bǎã kɔ wɔ la a bǎã sonbore kɛ nɛ, màn mɛn bɛ́ toɛ a wɔ yii toɛ̃, a yii-nyɛɛ boɛɛn kɔ wɔ la, wɔa bɛ̀rɛbaa lɛ gɔ́ɔ̃ nɛ.

Loen 37:40

Dɛnaa Lawa nə n doe ǹ lɛ, a tá ǹ sii ǹ kiɛ. A nə ǹ kanbiɛ min baraan ganaa, a tá ǹ kirisibiɛ. A giala, maǹ nə́ kaa a din yele.

Izayii 14:30

Doobaan tá re màn-bii yii, nɔmaa wolen tá re wɛɛ tán n yiri ǹ bǎã goon ne. Sɛnɛ kasɛn Filisiti minin kɛn, bòo á re ka dii. Kaa min mɛnɛn yii goã koo, ǹ tá re bɛn dii.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Zeremii 17:7

Sɛnɛ, min mɛn bɛ́ golee Dɛnaa Lawa li, a nə́ n foo doɛ Dɛnaa Lawa ganaa, Barka á re n diɛ bɛa Dɛnaa ganaa.

Zeremii 50:20

Bɛa biikoo li, bɛa pinaa kəni, ǹ tá re giɛ Izirayeli a sãn li, sɛnɛ ǹ ba re màn kɔn yii wa. Ǹ tá re giɛ Zudaa a sãn li, sɛnɛ ǹ ba re màn kɔn yii wa. A giala, min mɛnɛn yii bɛ́ re goɛ̃ koo, ma á re bɛn sãn toɛ ǹ nɛ. Dɛnaa Lawa a da ǹ boo ne.

Ezekieli 6:8

Sɛnɛ, ma á re toɛ ka gialakun nə goã zia lɛ kio, ma bɛn pɛsɛ̃ gána kɔsɔn nɛ.

Misee 5:6

Zakɔba tɔrɔn mɛnɛn yii goã koo, bɛn tá re giɛ̃ tɔrɔ gigiã kɔsɔn bii. Ǹ tá re ǹ biɛ ka pele bɛ́ lɔn boe Dɛnaa Lawa li, ka la mu bɛ́ lɔn buu ganaa. Bɛn ba giɛ minbuiin nɛ a màn kɔn li wa, ǹ ba n foo doɛ minbuiinin ganaa ka sii kɔn nɛ wa.

Nahumu 1:7

Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Zakarii 11:11

Lɛ kɔ kɔn la lɛ na á n ziziɛ̃ bɛa pinaa kɛ lɛ nɛ. Sère makara dɛnan mɛnɛn nə goã giɛ ma ganaa, bɛn nə dɔ̃, mà Dɛnaa Lawa a boo na a gialaa yɔrɔ yii.

Zakarii 11:7

Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, sanparɛ a makaradɛnan kɛn, ma dinmaa-n bɛn lɛduə̃li lɛa. Má tɔɔn lɛduə̃ ǹ bàlà màn paa saa. Má a bibinaa bíi "giaárabaa", má a paabaa ǹ wɔ bíi "goonbaa", má maa sèren lɛduə̃ giala kɔ.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 12:21

Tɔrɔ din tumaa á die n foo doɛ a ganaa.»

Matiə 5:3

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Rɔmu minin 15:12

Lawa a boo gii-dali Izayii dɔ́ pɛ: «Zesee tɔrɔ lɛ á re die, á re yui a giã gánan dinin tumaa mìi la, ǹ tá re n foo doɛ a din ganaa.»

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.