Sofonii 3:10 - LAWA A BOO SONBORE

¹⁰ Min mɛnɛn bɛ́ ma guguru koe, giã nɛ gána tumaa nɛ, bɛn tá re boe bǎã sɔsɔɔn nɛ Etiopii tàn kɛn kio dinin, ǹ da gɔn màn kɔ ma la.

LAWA A BOO SONBORE 2011

¹⁰ Min mɛnɛn bɛ́ ma guguru koe, giã nɛ gána tumaa nɛ, bɛn tá re boe bǎã sɔsɔɔn nɛ Etiopii tàn kɛn kio dinin, ǹ da gɔn màn kɔ ma la.

Sofonii 3:10 Iomraidhean Croise

Loen 68:31

Paraa ǹ li. Paraa Ezipti li, paraa bɛa bùruu gɔ́ɔ̃ nɛ ǹ tɔɔ kɛ li. Tɔrɔ gialakunun kɛn man ka tɔɔ kuru bɛ́ lɔn, diin laanka ǹ nɛn nɛ, paraa ǹ dɔn li, ń giɛ, ǹ tumaa á die kiɛ tán n din yɔrɔ-a, ka wɔrɔ wen nə́ ǹ gɔn. Zia bɛ́ kɔɔ̃n tɔrɔn mɛnɛn-a, bɛn loo.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 11:12

Dɛnaa Lawa n die zanzan zumi, a n gɔn waa bɛa gánan kɛn lɛn manɛ, mà asɛ á re Izirayeli a wo bɛ̀rɛbaa ǹ bǎã-n wolen soekɔn, Zudaa gána minin mɛnɛn tumaa bɛ́ pɛsiɛ̃ nɛ kanaa paǹ tumaa ganaa, a bɛn sɔkɔn.

Izayii 18:1

Ebe, gána goon tan Etiopii tàn kio nyàa kan wuu n boe a nɛ.

Izayii 18:7

Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 24:17

«Lɛ̀ gigiã á kiɛ̃ kio, má wusoo má daa dɔmalɛ ǹ màn kɔ ma tɔrɔ minin la, má daa dɔn, má *wúlu màn bɔ má kɔ Lawa la Zeruzalɛmu.

Nya ǹ dín 8:27

Filipi bɛ́ á bɛ ma lɔn gɔrɔ, á yoo fufuu á woo. Á daa yaa, giĩ goon dɔ na á goã bɛa zii lɛ la, Etiopii gána a kii lɔ dɛnaa kɛ a dí-nyali gole goon ne. Giĩ lɛ n kii lɛ a kion sii yɔrɔ-bɔle lɛa, á koa a naforo din tumaa mìi la. Bɛa Etiopii gána min kɛ lɛ na á woo Lawa guguru kɔ Zeruzalɛmu,

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.