Sofonii 2:9 - LAWA A BOO SONBORE

⁹ Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

LAWA A BOO SONBORE 2011

⁹ Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Sofonii 2:9 Iomraidhean Croise

Izayii 11:14

Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 25:10

Dɛnaa Lawa gɔn nə Siɔn kele tamaɛ.» Sɛnɛ, a n Moabu gána yɔyɔrɛ ka ǹ bɛ́ làpaa yɔyɔrɛ lɔn tonton bɔlɔ la.

Izayii 49:18

N mìi saa lon, n ga n paran li. N nɛnyaanan tumaa nə́ n sɔkɔn, maǹ die n din li. Dɛnaa Lawa a da ǹ boo á ke: Maa yiikoonaabaa taman yii ǹ tá re n biɛ n wɔ lɛa ka bɔlɔ-a ǹ gii bɛ́ lɔn, ka bɔsɔ-n gii bɛ́ lɔn lɔ wɔsiɛ n diɛ.

Zeremii 46:18

Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo á ke: «A ma toa ma yii n koo, zɔ́ɔ lɛ á re die. Sàabaa ba la wa ka Tabɔɔrɔ a kele kɛ bɛ́ lɔn kelen bii, ka Karmɛli kele kɛ bɛ́ lɔn yìsi mu lalan.»

Zeremii 48:1

Moabu minin paǹ li: – Dɛnaa Lawa Pàãyiidɛnaa, Izirayeli a Lawa n kɛ pii: Wàa koe n ka kɛ nɛ Neboo kiwi ganaa: ǹ nə́ ziziɛ̃! Wàa sìi n ka kɛ nɛ Kiritayimu kiwi ganaa: ǹ nə́ yɔyɔrɛ! Kiwi ke tamaa-n sɔnbɔraa nɛ, sìi laanka nyɛ́ɛ gole nə́ n kɔ lɛ!

Zeremii 49:1

Amɔn tɔrɔn wɔ paǹ li: Dɛnaa Lawa n kɛ pii: «A na á saa lɔn, Amɔn tɔrɔn kii Gaadi gána si á baa a wɔ lɛa? Ǹ zaman nə́ Izirayeli kiwin si ǹ nə́ n kɔ lɛ. Bɛ giala mà wàa kəni? Izirayeli minin nɛnyaanan ma nə ǹ banban ǹ nə́ boe la ǹ bɛa kiwin lɛn baa ǹ kíɛ̃ lɛa wa?»

Zeremii 49:18

Dɛnaa Lawa pɛ: «Basaã mɛn Gomɔɔrɔ laanka Sodɔmu ka ǹ lɛkoro lɛ-a kiwin yɛ a din lɛ miã n die ka yii. Min goon din ba re goɛ̃ kaa kiwin ni wa, minbuiin nɛ goon ba re goɛ̃ ǹ nɛ wa.»

Zeremii 49:33

Asɔɔrɔ kiwi á re tolokan susu ǹ bǎã biɛ, kɛbɔlɔ lɛa yǎa duduu. Min goon ba re goɛ̃ kaa kiwin ni wa, minbuiin nɛ goon din ba re goɛ̃ ǹ nɛ wa.

Zeremii 50:40

Dɛnaa Lawa a da ǹ boo á ke: Basaã mɛn Sodɔmu laanka Gomɔɔrɔ yɛ, ka ǹ lɛkoro-a kiwin ni, a din lɛ miã n die a dɔ yii. Min goon din ba re goɛ̃ a kiwin ni wa, minbuiin nɛ goon ba re goɛ̃ ǹ nɛ wa.

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 2:1

Dɛnaa Lawa na á pɛ kɛnɛn: Moabu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ Edɔmu minin kii kɛ wen tã, ǹ nə́ baa ton lɛa. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Sofonii 2:14

A n die tɔɔn waa tán-a ǹ bǎã biɛ. Tɔɔ tɔrɔ tumaa, kɔlɔn nɛ, tèlò bàanan nɛ, bɛn man die lɛ̀ wɛɛ ǹ kion a mɛnɛn mala. Bàanan lɛ á re boe ǹ fenɛtərən lɛ-a. Foo-ziziɛ̃ tá re goɛ̃ ǹ kiɛnlɛ-a, ǹ tá re ǹ bìbìn woɛ̃ ǹ zũ.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Minin nimi 14:21

Sɛnɛ, bɛ̀ ma n liɛ wa, ma yii bie koo, maa gugurubaa kanaa gɔ́ɔ̃ tumaa pã wa.

Rɔmu minin 14:11

A giala, a n kiɛ̃ nɛ: «Dɛnaa pɛ: Masɛ din yii bɛ́ koo ke, min din tumaa á re n musin kurumii tán ma yɔrɔ-a. Min din tumaa á re n lɛ buĩ a masɛ Lawa tɔ bɔ.»

Timəə dí-pɛn 29:22

Ǹ tá re pii, mà gána lɛ gɔ́ɔ̃ tumaa n kiribi lɛa, yìsi ni, ka tɛ nɛ, á kukũ lenlen. Màn kɔn ba boe la a n da a-n wa, buu dɔ din banban wa, ta ń màn mɛn da a nɛ a boe wa. A n die goɛ̃ ka Sodɔmu laanka Gomɔɔrɔ kiwin kɛn bɛ́ lɔn, ka Admaa laanka Seboyimu wɔn nɛ, ǹ mɛnɛn lɛn bɛ́ Dɛnaa Lawa nə́ ǹ yu a foo-yoo babaraa lɛ gɔ́ɔ̃ nɛ.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»