Sofonii 2:8 - LAWA A BOO SONBORE

⁸ Má Moabu minin sɔ kɔn kɛn ma, ka Amɔnitin din koa ǹ boon kɛn nɛ. Maǹ nə́ sɔ kɔ maa zaman ganaa, ǹ nə́ ǹ dinin gána gole kɔ bɛ̀ ǹ tá maa zaman lɛ a bǎãn tɛnɛn sii ǹ la.

LAWA A BOO SONBORE 2011

⁸ Má Moabu minin sɔ kɔn kɛn ma, ka Amɔnitin din koa ǹ boon kɛn nɛ. Maǹ nə́ sɔ kɔ maa zaman ganaa, ǹ nə́ ǹ dinin gána gole kɔ bɛ̀ ǹ tá maa zaman lɛ a bǎãn tɛnɛn sii ǹ la.

Sofonii 2:8 Iomraidhean Croise

Siin Giala 19:37

Moabu minin mɛnɛn bɛ́ ǹ tan pelo, bɛn lɛn digolo n ka bɛ nɛ.

Siin Giala 19:38

Kiɛɛrɛdɛnaa lɛ dɔ́ nɛgiĩ yɛ, á bíi mà Bɛn-Amii. Amɔn minin mɛnɛn bɛ́ ǹ tan pelo, bɛn lɛn digolo n ka bɛ nɛ.

Izayii 15:1

Moabu minin boo gii: Tèlò goon ne, Aara-Moabu gána kɛ bɔ̀n baa. Tèlò goon toto ne, á papaã. Tèlò goon ne, Kiiri-Moabu gána kɛ bɔ̀n baa. Tèlò goon toto ne, á papaã.

Izayii 16:6

Zudaa minin man pii: Wɔ́ Moabu a din gole kɔ boo ma, a din koa nɛ, a din narɛɛ nɛ, a yiri koa ma din-a nɛ. A bɛ́ boo mɛn yii diɛ, boo fofolo ne.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 48:1

Moabu minin paǹ li: – Dɛnaa Lawa Pàãyiidɛnaa, Izirayeli a Lawa n kɛ pii: Wàa koe n ka kɛ nɛ Neboo kiwi ganaa: ǹ nə́ ziziɛ̃! Wàa sìi n ka kɛ nɛ Kiritayimu kiwi ganaa: ǹ nə́ yɔyɔrɛ! Kiwi ke tamaa-n sɔnbɔraa nɛ, sìi laanka nyɛ́ɛ gole nə́ n kɔ lɛ!

Zeremii 49:1

Amɔn tɔrɔn wɔ paǹ li: Dɛnaa Lawa n kɛ pii: «A na á saa lɔn, Amɔn tɔrɔn kii Gaadi gána si á baa a wɔ lɛa? Ǹ zaman nə́ Izirayeli kiwin si ǹ nə́ n kɔ lɛ. Bɛ giala mà wàa kəni? Izirayeli minin nɛnyaanan ma nə ǹ banban ǹ nə́ boe la ǹ bɛa kiwin lɛn baa ǹ kíɛ̃ lɛa wa?»

Busii pɛ 3:61

Dɛnaa Lawa, ń nə́ ǹ sɔ kɔ kɛ ma ka ǹ bɛ́ siin mɛnɛn we kɔn ma ganaa.

Ezekieli 21:28

Zeruzalɛmu minin man die bɛa dí kɛ lɛ biɛ soɛ lɛa. A giala, minin nə́ goã ǹ nə́ n lɛ kɔ ǹ la, mà ǹsɛn tá re n doe ǹ lɛ. Sɛnɛ, mà ǹ tá re woe bɛ̀rɛbaa ǹ bǎã nɛ, mà bɛ á re ǹ yiri diɛ ǹ sii baraa lɛ nɛ.

Ezekieli 25:1

Dɛnaa Lawa boo da ma nɛ á pɛ:

Ezekieli 35:12

Ka á re doɛ̃ bɛa biikoo li kəni, mà ka tɔ ziziɛ̃ ǹ boon mɛnɛn da Izirayeli gána a kelen kɛn wɔ paǹ li, mà masɛ Dɛnaa Lawa ma. Kaa da ǹ boo á ke: «Izirayeli a kelen kɛn nə́ ziziɛ̃! Wɔ gɔn dɔ ǹ ganaa.»

Ezekieli 36:2

Dɛnaa Lawa n pii: – Zɔ́ɔn nə́ yaa wɔ ka ganaa ǹ nə́ pɛ: «Izirayeli a kelen kɛn nə́ wɔa wɔ baa!»

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 2:1

Dɛnaa Lawa na á pɛ kɛnɛn: Moabu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ Edɔmu minin kii kɛ wen tã, ǹ nə́ baa ton lɛa. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Sofonii 2:10

Ǹ bɛ́ re màn mɛn yii ǹ din gole kɔ lɛ taman yii bɛ n ka kɛ lɛ nɛ. A giala, maǹ nə́ sɔ kɔ kanaa tumaa a Dɛnaa Lawa Pàãyiidɛnaa a zaman ganaa, ǹ nə́ yaa wɔ ǹ ganaa, ǹ nə́ ǹ dinin gána gole kɔ bɛ̀ ǹ tá maa zaman a bǎãn sii ǹ la.

Zozoe 5:9

Dɛnaa Lawa tɔ́n pɛ Zozoe ne: «Pelo, má Ezipti minin sìi da ǹ sii kɛ toɛ̃ ma bɔ ka ganaa.» Bɛ lɛ nɛ, ǹ nə́ tɔ́n bɛa bǎã lɛ bii Gilgaali, yǎa a da kaa pelo lɛ, bɛ n "sìi toɛ̃" giala pii.