Sofonii 2:7 - LAWA A BOO SONBORE

⁷ Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

LAWA A BOO SONBORE 2011

⁷ Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Sofonii 2:7 Iomraidhean Croise

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Loen 80:14

Don birii mɛn bɔ daã nɛ, bɛ n ziziɛ̃, don siĩn man die soɛ̃.

Loen 85:1

LOE-saalin goledɛnaa loe mɛn lɔ. Koore a minin loe goon ne.

Bɔ bɛ̀rɛbaa nɛ 4:31

Zaman lɛ golee ǹ li. Ǹ ná a giala ma, mà Dɛnaa na á Izirayeli nɛnyaanan lɛn nɔmaa ǹ gɔn lɛ yɛ, mà a na á daa, á n die ǹ sii sii la. Ǹ nə́ kaa tán, ǹ nə́ Lawa guguru kɔ.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 11:14

Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 11:16

A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 32:14

A giala kii a kion gɔ́ɔ̃ kooromaa nɛ. Min kɔn ba kiwi bìn dale kɛ-n doo wa. Ofɛli dala laanka wɔlɔ lɛduə̃ ǹ sanabolo ke, ǹ nə́ n la bɔ bɛn ganaa duduu. Ǹ nə́ don dundunun susu ǹ bǎã baa, tɔɔn buu sɔ̃ ǹ bǎã lɛa.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 3:18

Bɛ lɛ nɛ, Zudaa minin lɛn, ka á re n kiɛ kun ka Izirayeli minin ni. Ka á re boe gɔsɛ a lɛ̀gɔn la gána kɛ nɛ kun, ka wo gána kɛ nɛ ma kɔ ka digolon la, máa ǹ baa ǹ wɔ lɛa.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 31:7

Dɛnaa Lawa n kɛ pii: Ka n nyanyaa, ka foo kɔɔ̃nbaa ǹ lɛ dɛ Zakɔba ganaa. Min mɛn bɛ́ tɔrɔn tumaa mìi la, ka n da bɛ lɛ, ka n nyanyaa ka pɛ: Dɛnaa Lawa na a zaman kirisibiɛ, Izirayeli minin mɛnɛn yii bɛ́ á goã koo.

Zeremii 32:44

Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

Zeremii 33:12

Dɛnaa Lawa Pàãyiidɛnaa n kɛ pii doo: «Kɛa gána ziziɛ̃ kɛ lɛ nɛ, muibuiin laanka tɔɔ din ná a ba a-n wa, bǎãn tá re yii, kiwin tumaa nɛ, tɔɔn-lɛduə̃lin nə ǹ sèren laanka ǹ bòen lɛduə̃ ǹ nɛ.

Zeremii 33:7

Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Zeremii 47:5

Gaazaa kiwi, minin mìi n kɔɔ̃ nɛ, maǹ gɛ̀ koɛ. Asikalɔn kiwi, min tumaa nə́ n lɛ tã. Kasɛn kɛn giã-n nyankɔrɔ lɛ kɛ nɛ, ka ǹ die ka gɔ̀nɔn tɔtoɛ̃ yǎa biĩ kəni?

Ezekieli 39:25

Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa.

Ozee 6:11

Zudaa minin lɛn, manə n yɔrɔ boe die kiri we ka dɔn ganaa, bɛ á zɛnɛɛ, bɛ̀ má maa minin giã ǹ gɔn zizi kɛ kɔ ǹ la.

Abdiasi 1:19

Ezawu tɔrɔn kele yii kɛ á re doe gusin a lɛ̀gɔn la dɛnan kɛn ganaa. Ǹ mɛnɛn bɛ́ diə bǎã kɛ nɛ, Filisiti minin bǎã kɛ á re doe bɛn ganaa. Efrayimu tɔrɔn laanka Samarii minin bǎã kɛ á re doe Izirayeli minin ganaa. Galaati gána kɛ á re doe Bɛnzamɛn tɔrɔn ganaa.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Misee 4:10

Zeruzalɛmu minin, ka n mɔmɔɔsɛ là-paparɛɛ gɔn ka n lɛ dɛdɛ, ka lɔ nɔnaa n nɔɔrɔ koe. A giala, kanna, ka n die soe ka kiwi lɛ toa, ka á re giɛ̃ don miɛ̃, yǎa ka woe doe *Baabilonii. Sɛnɛ, ka á re kirisibiɛ walan, Dɛnaa Lawa á re ka sii kaa zɔ́ɔn lɛn la.

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.

Sofonii 3:20

Bɛa biikoo li, ma á re die ka ka nɛ. Bɛa biikoo li, ma á re ka lɛ soekɔn. Kanna kəni, ka tɔ á re boe, ka tɔ á re gole koe a là tɔrɔ tumaa nɛ tán la, ma wusoo ma bǐɛ̃ kɔ ka ganaa ka gɔn-nyɔmiɛ̃ sonbore ne. Dɛnaa Lawa mà miɛ̃.

Azee 1:12

Salatieli a nɛ Zorobabeli, ka Zozadaaki Lawa a wúlu-bɔlen goledɛnaa a nɛ Zozoe, ka zaman gialakun kɛ nə́ ǹ too da Dɛnaa Lawa, ǹ Lawa bɔlɔ li. Ǹ nə́ n too kɔ Lawa a boo gii-dali Azee lon, Dɛnaa Lawa bɛ́ á n mɛn lɛ dia ǹ la, zaman lɛ tɔ́n nyɛ́ɛ baa Dɛnaa Lawa yii ni.

Azee 2:2

Boo da Salatieli Zudaan gánadɛnaa a nɛ Zorobabeli ka Zozoe Lawa a wúlu-bɔlen goledɛnaa Zozadaaki a nɛ, ka zaman gialakun kɛ tumaa nɛ, n pɛ:

Luku 1:68

«Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

Luku 7:16

Nyɛ́ɛ min tumaa kũ, ǹ nə́ goã Lawa tɔ boe bɛ̀ ǹ nə́ pii: «Lawa a boo gii-dali gole na á bɔ wɔsɛn bii. Lawa na á daa n dɔ a din a tɔrɔ boe kɛ lɛ.»

Nya ǹ dín 8:26

Dɛnaa a lon a dia dí-a wole boo da ka Filipi ni: «Zii saa n wo Ezipti gána paǹ li, zii mɛn bɛ́ boe Zeruzalɛmu á woe Gaazaa kiwi, minin nə́ ǹ ba koe lɛ wa, wo bɛ saa.»

Nya ǹ dín 8:40

Filipi sɛ́ woo n din yaa Azɔti kiwi. Á soo walan á zii kũ, bɛ̀ a n Yezu boo pii kiwin tumaa nɛ, yǎa á woo dɔ Sezaaree kiwi.

Rɔmu minin 11:5

Bɛa yɔrɔ goon kɛ lɛ la, haalɛ ka pelo yii ni, Izirayeli min gialakun boɛɛn tan, Lawa din bɔ á kɔnpɛ a din a bǐɛ̃baa kɛ nɛ.

Uruti 1:6

Bɛ kio, Naomii bɛ́ á ma, mà Dɛnaa Lawa wusoo á bǐɛ̃ kɔ a tɔrɔ minin lɛn ganaa á màn-bii kɔ ǹ la, á yoo, a laanka ǹ manaan nɛ, ǹ nə́ wusoo ǹ nə́ woo Zudaa gána nɛ.